மாவட்ட செய்திகள்

சென்னை-சேலம் 8 வழிச்சாலை திட்டத்தை கைவிட வேண்டும் காவிரி விவசாயிகள் சங்க கூட்டத்தில் தீர்மானம் + "||" + Cauvery Farmers' Association meeting to decide on Chennai-Salem 8 road project

சென்னை-சேலம் 8 வழிச்சாலை திட்டத்தை கைவிட வேண்டும் காவிரி விவசாயிகள் சங்க கூட்டத்தில் தீர்மானம்

சென்னை-சேலம் 8 வழிச்சாலை திட்டத்தை கைவிட வேண்டும் காவிரி விவசாயிகள் சங்க கூட்டத்தில் தீர்மானம்
சென்னை-சேலம் 8 வழிச்சாலை திட்டத்தை கைவிட வேண்டும் என்று காவிரி விவசாயிகள் சங்க கூட்டத்தில் தீர்மானம் நிறைவேற்றப்பட்டது.
கோட்டூர்,

கோட்டூர் அருகே இருள்நீக்கியில் தமிழக காவிரி விவசாயிகள் சங்கத்தின் மாநிலக்குழு சிறப்பு கூட்டம் நேற்று நடந்தது. கூட்டத்திற்கு மாநில தலைவர் புண்ணியமூர்த்தி தலைமை தாங்கினார். திருவாருர் மாவட்ட செயலாளர் செந்தில்குமார் வரவேற்றார். இதில் பொதுச்செயலாளர் பி.ஆர்.பாண்டியன் கலந்து கொண்டு பேசினார். நாகை மாவட்ட செயலாளர் ராமதாஸ் சங்க கொடியை ஏற்றி வைத்தார்.

கூட்டத்தில் நிறை வேற்றப்பட்ட தீர்மானங்கள் வருமாறு:-

தென்மேற்கு பருவமழை இதுவரையில் உரிய அளவில் உரிய காலத்தில் பெய்யவில்லை. இந்தநிலையில் அடுத்த மாதம் (ஆகஸ்டு) 15-ந் தேதிக்குள் மேட்டூர் அணை பாசனத்திற்கு திறக்க வேண்டும். கோடை சாகுபடி செய்ய உழவு மானியம், தண்ணீர் இரைக்க ஆயில் என்ஜின்களுக்கு டீசல் மானியம் வழங்க வேண்டும். தேவையான தரமான நெல் விதைகள் முழு மானியத்தில் பாகுபாடின்றி வழங்க வேண்டும். சென்னை-சேலம் 8 வழிச்சாலை திட்டத்தை கைவிட வேண்டும்.

முற்றுகை போராட்டம்

காவிரி டெல்டாவில் பேரழிவை ஏற்படுத்தும் ஹைட்ரோ கார்பன் திட்டத்தை ரத்து செய்து தமிழக அரசு கொள்கை முடிவெடுத்து அறிவிக்க வேண்டும். ஹைட்ரோ கார்பன் திட்டத்தை மத்திய அரசு கைவிட வலியுறுத்தி வருகிற 25-ந்தேதி உண்ணாவிரத போராட்டமும், 26-ந்தேதி முற்றுகை போராட்டமும் டெல்லி நாடாளுமன்றம் முன்பு நடத்துவது என்பது உள்ளிட்ட பல்வேறு தீர்மானங்கள் நிறைவேற்றப்பட்டன.

இதில் மாநில கவுரவ தலைவர் நீலன்.அசோகன், அமைப்பு செயலாளர் ஸ்ரீதர், மண்டல தலைவர் அண்ணாதுரை, தஞ்சை மாவட்ட செயலாளர் மணி உள்பட பலர் கலந்து கொண்டனர். முடிவில் கோட்டூர் வடக்கு ஒன்றிய தலைவர் சேகர் நன்றி கூறினார்.

தொடர்புடைய செய்திகள்

1. பெரம்பலூர் மாவட்டத்தில் பூத்து குலுங்கும் கேந்தி பூக்கள் விலை கிடைக்காததால் விவசாயிகள் வேதனை
பெரம்பலூர் மாவட்டத்தில் கேந்தி பூச்செடிகளில் அதிகளவு பூக்கள் பூத்து குலுங்குகின்றன. ஆனால் அந்த பூக்களுக்கு மார்க்கெட்டில் சரியான விலை கிடைக்காததால் விவசாயிகள் வேதனை அடைந்துள்ளனர்.
2. சீர்காழி பகுதியில் பொறைவாய்க்காலில் பாசனத்திற்கு தண்ணீர் திறந்துவிட வேண்டும் விவசாயிகள் கோரிக்கை
சீர்காழி பகுதியில் பொறைவாய்க்காலில் பாசனத்திற்கு தண்ணீர் திறந்துவிட வேண்டும் என்று விவசாயிகள் கோரிக்கை விடுத்துள்ளனர்.
3. விவசாயிகள் தினத்தையொட்டி வயலில் நாற்று நட்ட பள்ளி மாணவர்கள்
விவசாயிகள் தினத்தையொட்டி வயலில் பள்ளி மாணவர்கள் நாற்று நட்டனர்.
4. கஜா புயலால் பாதிக்கப்பட்டவர்களுக்கு 100 சதவீத இழப்பீட்டு தொகை வழங்க வேண்டும் அதிகாரியிடம் விவசாயிகள் மனு
கஜா புயலால் பாதிக்கப்பட்டவர்களுக்கு 100 சதவீத இழப்பீட்டு தொகை வழங்க வேண்டும் என அதிகாரியிடம் விவசாயிகள் கோரிக்கை மனு அளித்தனர்.
5. உள்ளாட்சி தேர்தலில் அ.தி.மு.க. கூட்டணியில் இணைந்து போட்டி த.மா.கா. கூட்டத்தில் தீர்மானம்
உள்ளாட்சி தேர்தலில் அ.தி.மு.க. கூட்டணியில் இணைந்து போட்டியிடுவது என்று த.மா.கா. கூட்டத்தில் தீர்மானம் நிறைவேற்றப்பட்டது.