மாவட்ட செய்திகள்

அழகியமணவாளத்தில் பிள்ளையாளம்மன் கோவில் தேரோட்டம் 36 ஆண்டுகளுக்கு பின்பு நடைபெற்றது + "||" + The Pillaiyayamman Kovil Theriotam at Agyyamanamalwal was held 36 years later

அழகியமணவாளத்தில் பிள்ளையாளம்மன் கோவில் தேரோட்டம் 36 ஆண்டுகளுக்கு பின்பு நடைபெற்றது

அழகியமணவாளத்தில் பிள்ளையாளம்மன் கோவில் தேரோட்டம் 36 ஆண்டுகளுக்கு பின்பு நடைபெற்றது
அழகியமணவாளத்தில் பிள்ளையாளம்மன் கோவில் தேரோட்டம், 36 ஆண்டுகளுக்கு பின்பு நேற்று நடைபெற்றது.
சமயபுரம்,

மண்ணச்சநல்லூர் அருகே அழகியமணவாளத்தில் பிரசித்தி பெற்ற பிள்ளையாளம்மன் மற்றும் முத்துக்கருப்பண்ணசாமி கோவில் உள்ளது. 1983-ம் ஆண்டு இக்கோவிலில் தேரோட்டம் நடைபெற்றது. அதற்கு பின்னர் பல்வேறு காரணங்களால் தேரோட்டம் நின்றுபோனது.

தொடர்ந்து தேரோட்டம் நடைபெறாமல் போனதால் மக்கள் பல்வேறு இன்னல்களுக்கு ஆளாகின்றனர் என்று வேதனை அடைந்த இந்த கிராம மக்கள், இந்த ஆண்டு தேரோட்டம் நடத்த முயற்சி மேற்கொண்டனர். அதைத்தொடர்ந்து 36 ஆண்டுக்கு பின்பு தேர்த்திருவிழா கடந்த 15-ந்தேதி காப்பு கட்டுதலுடன் தொடங்கியது.

16-ந்தேதி சாமி சப்பரத்தில் எழுந்தருளி வீதிஉலா வந்து பக்தர்களுக்கு அருள்பாலித்தார். நேற்று முன்தினம் குதிரை வாகனத்தில் சாமி வீதிஉலா நடைபெற்றது. விழாவின் முக்கிய நிகழ்ச்சியான தேரோட்டம் நேற்றுமாலை நடைபெற்றது. அலங்கரிக்கப்பட்ட பிள்ளையாளம்மன் தேரில் எழுந்தருளினார். விழாவில் திரளான பக்தர்கள் கலந்து கொண்டு தேரை வடம்பிடித்து இழுத்தனர்.

முக்கிய வீதிகளின் வழியாக வலம் வந்த தேர் நிலையை அடைந்தது. ஏற்பாடுகளை நீலிவனேஸ்வரர்கோவில் செயல்அலுவலர் முத்துராமன் மற்றும் கோவில் பணியாளர்கள் விழாக்குழுவினர் செய்திருந்தனர். குடிநீர் சுகாதார வசதி உள்ளிட்ட அடிப்படை வசதிகளை அழகியமணவாளம் ஊராட்சி செயலாளர் ரெங்கராஜ் தலைமையில் பணியாளர்கள் செய்திருந்தனர். வட்டார மருத்துவ அலுவலர் டாக்டர் மதிவாணன் தலைமையில் மருத்துவ முகாம் அமைக்கப்பட்டிருந்தது.

தொடர்புடைய செய்திகள்

1. திம்மாச்சிபுரம் கனகதோணி அம்மன் கோவில் தேரோட்டம் திரளான பக்தர்கள் கலந்து கொண்டனர்
திம்மாச்சிபுரம் கனகதோணி அம்மன் கோவிலில் தேரோட்டம் நடைபெற்றது. இதில் திரளான பக்தர்கள் கலந்து கொண்டனர்.
2. நாகை அக்கரைப்பேட்டை முத்துமாரியம்மன் கோவில் தேரோட்டம் திரளான பக்தர்கள் வடம் பிடித்தனர்
நாகை அக்கரைப்பேட்டை முத்துமாரியம்மன் கோவில் தேரோட்டம் நடைபெற்றது. இதில் திரளான பக்தர்கள் கலந்து கொண்டு தேரை வடம் பிடித்து இழுத்தனர்.
3. ரிஷிவந்தியம், அர்த்தநாரீஸ்வரர் கோவில் உண்டியலை உடைத்து பணம் கொள்ளை
ரிஷிவந்தியம் அர்த்தநாரீஸ்வரர் கோவிலில் கண்காணிப்பு கேமராவை சேதப்படுத்தி உள்ளே புகுந்த மர்ம நபர்கள் உண்டியலை உடைத்து பணத்தை கொள்ளையடித்து சென்றுள்ளனர். அவர்களை போலீசார் வலைவீசி தேடி வருகின்றனர்.
4. திருச்சி உறையூர் கமலவல்லி நாச்சியார் கோவில் கும்பாபிஷேகம் திரளான பக்தர்கள் தரிசனம்
திருச்சி உறையூர் கமலவல்லி நாச்சியார் கோவில் கும்பாபிஷேகத்தில் திரளான பக்தர்கள் கலந்து கொண்டு தரிசனம் செய்தனர்.
5. மெலட்டூர் தட்சிணாமூர்த்தி விநாயகர் கோவில் தேரோட்டம் திரளான பக்தர்கள் வடம்பிடித்தனர்
மெலட்டூரில் உள்ள தட்சிணாமூர்த்தி விநாயகர் கோவில் தேரோட்டம் நடந்தது. இதில் திரளான பக்தர்கள் கலந்து கொண்டு தேரை வடம்பிடித்து இழுத்தனர்.