மாவட்ட செய்திகள்

பிளஸ்-2 வரை அரசு பள்ளியில் படித்தவர்களுக்கு கல்லூரிகளில் 50 சதவீத இடங்கள் ஒதுக்கப்படும் - சட்டசபையில் தகவல் + "||" + Up to plus-2 50% seats in colleges will be allotted to those studying in government schools - Assembly Information

பிளஸ்-2 வரை அரசு பள்ளியில் படித்தவர்களுக்கு கல்லூரிகளில் 50 சதவீத இடங்கள் ஒதுக்கப்படும் - சட்டசபையில் தகவல்

பிளஸ்-2 வரை அரசு பள்ளியில் படித்தவர்களுக்கு கல்லூரிகளில் 50 சதவீத இடங்கள் ஒதுக்கப்படும் - சட்டசபையில் தகவல்
பிளஸ்-2 வரை அரசு பள்ளியில் படிக்கும் மாணவர்களுக்கு அரசு கல்லூரியில் 50 சதவீத இடங்கள் ஒதுக்கீடு செய்யப்பட உத்தேசிக்கப்பட்டுள்ளதாக சட்டசபையில் தெரிவிக்கப்பட்டது.
புதுச்சேரி,

புதுவை சட்டசபையில் மானிய கோரிக்கைகள் மீதான விவாதத்துக்கு பதில் அளித்து அமைச்சர் கமலக்கண்ணன் வெளியிட்ட அறிவிப்புகள் வருமாறு:-

*காஞ்சி மாமுனிவர் பட்ட மேற்படிப்பு நிலையத்தில் எம்.பி.ஏ. (சுற்றுலா மேலாண்மை) பிரிவு தொடங்குவதற்கான செயற்குறிப்பு அரசின் கருத்துரு உள்ளது.

*பல்கலைக்கழக மானியக்குழுவினால் பரிந்துரைக்கப்பட்டுள்ள பாடப்பிரிவுகள் வேலைவாய்ப்புகள் அடிப்படையில் கலை மற்றும் அறிவியல் கல்லூரிகள், பாலிடெக்னிக் மற்றும் என்ஜினீயரிங் கல்லூரிகளில் தொடங்கப்படும்.

*ஆசிரியர், நூலகர், உடற்கல்வி இயக்குனர் ஆகிய பதவிகளில் உள்ள காலியிடங்கள் அனைத்தும் மாதமொன்றுக்கு ரூ.25 ஆயிரம் பணி ஊதியத்துடன் குறுகிய கால ஒப்பந்தத்தின்பேரில் நிரப்பப்படும்.

*அரசு பள்ளிகளில் பிளஸ்-2 வரை படித்த மாணவர்களுக்காக அனைத்து அரசு கல்லூரிகளிலும் 50 சதவீத சேர்க்கை இடங்களை ஒதுக்கீடு செய்ய உத்தேசிக்கப்பட்டுள்ளது.

*பெருந்தலைவர் காமராஜர் நிதியுதவி திட்டம் அரசு பள்ளி, கல்லூரிகளில் படித்த மாணவர்களுக்கு மட்டுமே வழங்க வரையறை செய்யப்படும். மற்ற மாணவர்களுக்கு வருவாய் அளவுகோல் நிர்ணயிக்கப்படும்.

*அரசு கல்லூரி ஆசிரியர்களுக்கு நல்லாசிரியர் விருது வழங்கப்படும்.

*தீயணைப்பு துறையில் காலியாக உள்ள 44 தீயணைப்பு வீரர்கள், 5 டிரைவர் பணியிடங்கள் நேரடி நியமனம் மூலம் நிரப்பப்படும்.

*மணிலா சாகுபடியாளர்களுக்கு செலவின மானியம் ரூ.5 ஆயிரம் ஆக உயர்த்தி வழங்க பரிசீலிக்கப்படும்.

*அனுமதியின்றி குழாய் கிணறுகளை பயன்படுத்தினால் முதல் முறையாக ரூ.5 ஆயிரம் அபராதம் விதிக்கப்படும். தொடர்ந்து தவறு செய்தால் ரூ.10 ஆயிரம் அபராதம் அல்லது 6 மாத சிறை தண்டனை விதிக்கப்படும்.

*நடப்பாண்டில் 60 மின்மாற்றிகள் அமைக்கப்படும்.

இவ்வாறு அமைச்சர் கமலக்கண்ணன் பேசினார்.

தொடர்புடைய செய்திகள்

1. புதுச்சேரி இடைக்கால பட்ஜெட்டைத் தாக்கல் செய்தார் முதல்வர் நாராயணசாமி..!
புதுச்சேரி சட்டசபையில் இடைக்கால பட்ஜெட்டைத் முதல்வர் நாராயணசாமி தாக்கல் செய்தார்.
2. கொரோனா எச்சரிக்கையாக கூட்டம் கூடக் கூடாது என்று சொல்லி விட்டு சட்டசபையில் கூட்டமாக அமர்ந்து விவாதித்துக்கொண்டிருப்பது முறையா? - மு.க.ஸ்டாலின் கேள்வி
கொரோனா எச்சரிக்கையாக கூட்டம் கூடக்கூடாது என்று சொல்லி விட்டு நாமே சட்டசபையில் கூட்டமாக அமர்ந்து விவாதித்துக் கொண்டிருப்பது முறையா? என்று சட்டசபையில் மு.க.ஸ்டாலின் கேள்வி எழுப்பினார்.
3. கொரோனா அச்சுறுத்தல் காரணமாக சட்டசபையை ஒத்திவைக்க வேண்டிய அவசியம் இல்லை - துரைமுருகனுக்கு எடப்பாடி பழனிசாமி பதில்
கொரோனாவை தடுக்க சிறப்பு பணிக்குழு அமைக்கப்பட்டுள்ளது என்றும், சட்டசபையை ஒத்திவைக்க வேண்டிய அவசியம் இல்லை என்றும் துரைமுருகனுக்கு எடப்பாடி பழனிசாமி தெரிவித்தார்.
4. ‘சென்னை முழுவதும் மின்மாற்றிகளை மாற்றிக்கொண்டு இருக்கிறோம்’ - சட்டசபையில் அமைச்சர் தங்கமணி தகவல்
‘சென்னை முழுவதும் மின்மாற்றிகளை மாற்றிக்கொண்டு இருக்கிறோம்‘ என்று சட்டசபையில் அமைச்சர் தங்கமணி தெரிவித்தார்.
5. குடிநீர் வாரியத்தை மூடும் எண்ணம் அரசுக்கு இல்லை - சட்டசபையில் அமைச்சர் எஸ்.பி.வேலுமணி திட்டவட்டம்
குடிநீர் வாரியத்தை மூடும் எண்ணம் அரசுக்கு இல்லை என்று சட்டசபையில் அமைச்சர் எஸ்.பி.வேலுமணி திட்டவட்டமாக கூறினார்.