மாவட்ட செய்திகள்

தா.பேட்டை அருகே பரிதாபம்: மரத்தில் மோட்டார் சைக்கிள் மோதி நண்பருடன் ராணுவ வீரர் பலி + "||" + The awfulness near the bar: Army soldier dies in motorcycle collision with friend

தா.பேட்டை அருகே பரிதாபம்: மரத்தில் மோட்டார் சைக்கிள் மோதி நண்பருடன் ராணுவ வீரர் பலி

தா.பேட்டை அருகே பரிதாபம்: மரத்தில் மோட்டார் சைக்கிள் மோதி நண்பருடன் ராணுவ வீரர் பலி
தா.பேட்டை அருகே மரத்தில் மோட்டார் சைக்கிள் மோதியதில் நண்பருடன் ராணுவ வீரர் பரிதாபமாக உயிரிழந்தார்.
தா.பேட்டை,

திருச்சி மாவட்டம் துறையூர் தாலுகா ஒட்டம்பட்டிபுதூர் பகுதியை சேர்ந்தவர் செல்வராஜ். இவருடைய மகன் கவுதம் (வயது 30). இவர் மத்தியபிரதேச மாநிலத்தில் ராணுவத்தில் வேலை செய்து வந்தார். இந்தநிலையில் 15 நாட்கள் விடுமுறை எடுத்த கவுதம், நேற்று துறையூருக்கு வந்தார்.

அங்கிருந்து ஒட்டம்பட்டிபுதூருக்கு செல்ல பஸ் இல்லாததால், தா.பேட்டை வாணியர் தெருவில் வசித்து வந்த தனது நண்பர் கிருஷ்ணமூர்த்தியின்(28) வீட்டுக்கு கவுதம் சென்றார். பின்னர், அவரை அழைத்துக்கொண்டு மோட்டார் சைக்கிளில் கரிகாலியில் உள்ள தனது தாத்தா வீட்டுக்கு கவுதம் புறப்பட்டார்.

2 பேர் பலி

கவுதம் மோட்டார் சைக்கிளை ஓட்ட கிருஷ்ணமூர்த்தி பின்னால் உட்கார்ந்து இருந்தார். மேட்டுப்பாளையம் அருகே சென்றபோது மோட்டார் சைக்கிள் திடீரென கட்டுப்பாட்டை இழந்தது. இதனால், சாலையோரம் இருந்த மரத்தில் மோட்டார் சைக்கிள் மோதியது. இதில் தூக்கி வீசப்பட்ட இருவரும், சம்பவ இடத்திலேயே பரிதாபமாக உயிரிழந்தனர். விபத்து குறித்து தகவல் அறிந்த தா.பேட்டை போலீசார் சம்பவ இடத்துக்கு விரைந்து வந்து விசாரணை நடத்தினார்கள். பின்னர் விபத்தில் பலியான 2 பேரின் உடல்களையும் மீட்டு பிரேத பரிசோதனைக்காக துறையூர் அரசு ஆஸ்பத்திரிக்கு அனுப்பிவைத்தனர். மேலும் இதுகுறித்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகிறார்கள். விபத்தில் பலியான 2 பேருக்கும் இன்னும் திருமணம்ஆகவில்லை.

தொடர்புடைய செய்திகள்

1. எலச்சிபாளையத்தில் கார் மோதி டிரைவர் பலி
எலச்சிபாளையத்தில் கார் மோதி லாரி டிரைவர் இறந்தார். இதுகுறித்து போலீசார் விசாரணை நடத்தி வருகின்றனர்.
2. சாலையோரம் நின்ற வேன் மீது பஸ் மோதல்; 3 பெண்கள் பலி வடமாநில சுற்றுலா பயணிகளுக்கு நேர்ந்த துயரம்
சாலையோரம் நின்ற வேன் மீது பஸ் மோதிய விபத்தில் 3 பெண்கள் பலியானார்கள். மேலும் அவர்களுடன் வந்த 10 பேர் காயம் அடைந்தனர். வடமாநிலத்தில் இருந்து சுற்றுலா வந்தவர்களுக்கு இந்த துயரம் நிகழ்ந்தது.
3. மதுரை ‘ஸ்மார்ட் சிட்டி’ திட்ட பணியில் விபத்து: கான்கிரீட் கலவை லாரி சக்கரத்தில் நசுங்கி 3 தொழிலாளர்கள் பலி
மதுரையில் ‘ஸ்மார்ட் சிட்டி’ திட்டத்துக்காக இரவுப்பணியில் ஈடுபட்டிருந்த 3 தொழிலாளர்கள் ஓய்வுக்காக சற்று நேரம் தூங்கிய போது, கான்கிரீட் கலவை லாரியின் சக்கரத்தில் நசுங்கி பலியான சம்பவம் பெரும் சோகத்தை ஏற்படுத்தியது.
4. நின்று கொண்டிருந்த லாரி மீது கார் மோதி அண்ணன்-தங்கை பலி; 7 பேர் படுகாயம்
பள்ளிகொண்டா அருகே நின்று கொண்டிருந்த கன்டெய்னர் லாரி மீது கார் மோதிய விபத்தில் அண்ணன்-தங்கை பரிதாபமாக இறந்தனர். 7 பேர் படுகாயம் அடைந்தனர்.
5. கரூர் அருகே சுற்றுலா வேன் கவிழ்ந்து ஒருவர் பலி; 5 பேர் படுகாயம்
கரூர் அருகே சுற்றுலா வேன் கவிழ்ந்ததில் ஒருவர் பலியானார். 5 பேர் படுகாயம் அடைந்தனர்.