மாவட்ட செய்திகள்

அரசு பள்ளியில் கலெக்டர் திடீர் ஆய்வு மாணவர்களுக்கு வழங்கப்படும் உணவினை ருசி பார்த்தார் + "||" + The collector's sudden inspection at the government school saw the food being served to the students

அரசு பள்ளியில் கலெக்டர் திடீர் ஆய்வு மாணவர்களுக்கு வழங்கப்படும் உணவினை ருசி பார்த்தார்

அரசு பள்ளியில் கலெக்டர் திடீர் ஆய்வு மாணவர்களுக்கு வழங்கப்படும் உணவினை ருசி பார்த்தார்
பர்கூர் மலைப்பகுதியில் உள்ள அரசு பள்ளியில் மாவட்ட கலெக்டர் கதிரவன் திடீர் ஆய்வு செய்தார். அப்போது அவர் மாணவர்களுக்கு வழங்கப்படும் உணவினை ருசி பார்த்தார்.
அந்தியூர்,

அந்தியூர் அருகே உள்ள பர்கூர் மலைப்பகுதி தாமரைக்கரைக்கு மாவட்ட கலெக்டர் சி.கதிரவன் நேற்று சென்றார். அப்போது அவர் கால்நடை வளர்ப்பு மற்றும் பால் கொள்முதல் பற்றி பொதுமக்களின் கருத்துக்களை கேட்டு அறிந்தார்.

இதையொட்டி அந்தப்பகுதியில் உள்ள கால்நடை ஆராய்ச்சி மையம் மற்றும் மருத்துவமனையை கலெக்டர் கதிரவன் பார்வையிட்டு ஆய்வு செய்தார். இதைத்தொடர்ந்து அவர் தேவர்மலையில் உள்ள ஆரம்ப துணை சுகாதார நிலையத்துக்கு சென்று பார்வையிட்டார். அப்போது சுகாதார நிலையத்தில் நோயாளிகளிடம் அளிக்கப்படும் சிகிச்சை முறைகள் குறித்து அவர் கேட்டறிந்தார்.

உணவு சாப்பிட்டார்

இதேபோல் அந்தப்பகுதியில் உள்ள அரசு மேல்நிலைப்பள்ளிக்கூடத்திலும் கலெக்டர் ஆய்வு செய்தார். அப்போது மாணவ-மாணவிகளுக்கு வழங்கப்படும் மதிய உணவினை கலெக்டர் சாப்பிட்டு ருசி பார்த்தார். பின்னர் அவர், மாணவ-மாணவிகளுக்கு தரமான உணவுகள் வழங்கப்படுவதோடு, சுகாதாரமான குடிநீர் வழங்க வேண்டும் என்று பள்ளிக்கூட நிர்வாகிகளிடம் கூறினார். அதன்பின்னர் ஈரட்டியில் உள்ள ரேஷன் கடையிலும் மாவட்ட கலெக்டர் ஆய்வு செய்ததோடு, அங்குள்ள கோப்புகள் மற்றும் ரேஷன் கார்டுதாரர்களுக்கு வழங்கப்படும் அரிசி, பருப்பு உள்ளிட்ட பொருட்களின் இருப்பையும் சரிபார்த்தார்.

அப்போது அவருடன் அந்தியூர் தாசில்தார் மாலதி, ஊராட்சி ஒன்றிய ஆணையாளர்கள் உமா, கிராம ஊராட்சி ஆணையாளர் பெருமாள் மற்றும் வருவாய் துறையினர், கால்நடை துறையினர் உள்பட அதிகாரிகள் பலர் இருந்தனர்.


தொடர்புடைய செய்திகள்

1. தர்மபுரி மாவட்டத்தில் சோதனைச்சாவடிகளில் போலீஸ் ஐ.ஜி. ஆய்வு
தர்மபுரி மாவட்டம் தொப்பூர், காரிமங்கலம், காடுசெட்டிப்பட்டி ஆகிய சோதனைச்சாவடிகளில் போலீஸ் ஐ.ஜி. பெரியய்யா ஆய்வு மேற்கொண்டார்.
2. விழுப்புரம்- திருவெண்ணெய்நல்லூர் பகுதிகளில் கொரோனா நோய் தடுப்பு பணிகளை கலெக்டர் ஆய்வு
விழுப்புரம்- திருவெண்ணெய்நல்லூர் பகுதிகளில் கொரோனா நோய் தடுப்பு பணிகளை கலெக்டர் அண்ணாதுரை ஆய்வு செய்தார். அப்போது விதியை மீறிய டீக்கடைக்கு ‘சீல்’ வைக்கும்படி உத்தரவிட்டார்.
3. திருப்பூரில் அரசு பஸ்களை இயக்க தயார் படுத்தும் பணி தீவிரம் பஸ் நிலையங்களில் அதிகாரிகள் ஆய்வு
திருப்பூரில் அரசு பஸ்களை இயக்க தயார்படுத்தும் பணிகள் தீவிரமாக நடந்து வருகிறது. இதற்காக பஸ் நிலையங்களில் போக்குவரத்து கழக அதிகாரிகள் ஆய்வு மேற்கொண்டுள்ளனர்.
4. சங்கராபுரம், மூங்கில்துறைப்பட்டு, திருக்கோவிலூர் பகுதியில் கலெக்டர் ஆய்வு
சங்கராபுரம், மூங்கில்துறைப்பட்டு, திருக்கோவிலூர் பகுதியில் கலெக்டர் கிரண்குராலா ஆய்வு மேற்கொண்டார்.
5. உளுந்தூர்பேட்டையில் சமூக இடைவெளியை கடைபிடிக்காத 27 வியாபாரிகளுக்கு அபராதம் 7 கடைகளை மூட கலெக்டர் உத்தரவு
உளுந்தூர்பேட்டையில் சமூக இடைவெளியை கடைபிடிக்காத 27 வியாபாரிகளுக்கு அபராதம் விதித்தும், 7 கடைகளை மூடவும் கலெக்டர் உத்தரவிட்டார்.