மாவட்ட செய்திகள்

நாகர்கோவிலில் பரபரப்பு காதல் தம்பதி மீது தாக்குதல் 4 பேர் மீது வழக்கு; ஒருவர் கைது + "||" + 4 accused in Nagercoil attack on romantic couple One is arrested

நாகர்கோவிலில் பரபரப்பு காதல் தம்பதி மீது தாக்குதல் 4 பேர் மீது வழக்கு; ஒருவர் கைது

நாகர்கோவிலில் பரபரப்பு காதல் தம்பதி மீது தாக்குதல் 4 பேர் மீது வழக்கு; ஒருவர் கைது
நாகர்கோவிலில் காதல் தம்பதி மீது தாக்குதல் நடத்தப்பட்டது. இதுதொடர்பாக 4 பேர் மீது போலீசார் வழக்குப்பதிவு செய்தனர். ஒருவர் கைது செய்யப்பட்டார்.
நாகர்கோவில்,

இரணியல் அருகே கட்டிமாங்கோடு பகுதியை சேர்ந்தவர் சுரேஷ்குமார் (வயது 30), ஆட்டோ டிரைவர். இவரும் காரங்காடு கொடுப்பகுழி பகுதியை சேர்ந்த ராஜேந்திரனின் மகள் அனிஷாவும் (25) காதலித்து வந்தனர். இவர்களின் காதலுக்கு அனிஷாவின் பெற்றோர் எதிர்ப்பு தெரிவித்தனர். இதனால் கடந்த சில நாட்களுக்கு முன் அனிஷா வீட்டை விட்டு வெளியேறினார். பின்னர், தனது காதலன் சுரேஷ்குமாருடன் மண்டைக்காடு பகவதி அம்மன் கோவிலுக்கு சென்று, இருவரும் திருமணம் செய்து கொண்டனர். திருமணத்துக்கு பிறகு இருவரும் நாகர்கோவில் பரமார்த்தலிங்கபுரத்தில் உள்ள சுரேஷ்குமாரின் சகோதரி ஸ்ரீஜா வீட்டில் வசித்து வந்தனர்.

தாக்குதல்

இதற்கிடையே அனிஷாவை, பெற்றோர் மற்றும் உறவினர்கள் தேடி வந்தனர். பரமார்த்தலிங்கபுரத்தில் காதல் தம்பதி இருப்பது தெரிய வந்தது. நேற்றுமுன்தினம் இரவு அனிஷாவின் தந்தை ராஜேந்திரன், தாயார் ஜெயபாரதி மற்றும் உறவினர்கள் சிவா (19), நாராயணன் ஆகியோர் காரில் பரமார்த்தலிங்கபுரத்துக்கு வந்தனர். அங்கு வீட்டில் இருந்த சுரேஷ்குமார் மற்றும் அவருடைய சகோதரியின் கணவர் சுரேஷ் ஆகிய 2 பேரையும் அவர்கள் தாக்கியதாக தெரிகிறது. பின்னர், அவர்கள் அனிஷாவை தாக்கி, வலுக்கட்டாயமாக காரில் ஏற்றிச் சென்றனர்.

உறவினர் ஒருவர் கைது

மேலும், அனிஷாவின் கழுத்தில் கிடந்த 7 பவுன் தாலியை பறித்தனர். இந்த நிலையில் தனது காதல் மனைவியை கடத்திச் சென்றதாக சுரேஷ்குமார் வடசேரி போலீஸ் நிலையத்தில் புகார் அளித்தார். அதன் அடிப்படையில் அனிஷாவின் தந்தை ராஜேந்திரன், ஜெயபாரதி, சிவா உள்பட 4 பேர் மீது போலீசார் வழக்குப்பதிவு செய்தனர்.

இதில் தொடர்புடைய அனிஷாவின் உறவினரான சிவா என்பவரை போலீசார் கைது செய்து உள்ளனர். மேலும் இது தொடர்பாக போலீசார் விசாரணை மேற்கொண்டு வருகின்றனர். தாக்குதல் சம்பவத்தில் காயமடைந்த சுரேஷ் மற்றும் சுரேஷ்குமார் ஆசாரிபள்ளம் அரசு ஆஸ்பத்திரியில் சிகிச்சை பெற்று வருகின்றனர்.


தொடர்புடைய செய்திகள்

1. திருப்பூரில் ஜவுளிக்கடைக்காரர் வீட்டில் திருடிய 2 பேர் கைது
திருப்பூரில் ஜவுளிக்கடைக்காரர் வீட்டில் திருடிய 2 பேரை போலீசார் கைது செய்தனர். அவர்களிடம் இருந்து 30 பவுன் நகை மற்றும் 3 கிலோ வெள்ளிப்பொருட்கள் பறிமுதல் செய்யப்பட்டது. இதுகுறித்து போலீஸ் தரப்பில் கூறப்படுவதாவது-
2. உத்தரபிரதேச போலீசார் கொலையில் கைது செய்யப்பட்ட ரவுடி விகாஸ் துபே சுட்டுக்கொலை
உத்தரபிரதேசத்தில் 8 போலீஸ்காரர்கள் சுட்டுக்கொல்லப்பட்ட சம்பவத்தில் கைது செய்யப்பட்ட ரவுடி விகாஸ் துபே நேற்று என்கவுண்ட்டரில் சுட்டுக்கொல்லப்பட்டான்.
3. போலீசார் கொலையில் தேடப்பட்டு வந்த ரவுடி விகாஸ் துபே கைது: மத்திய பிரதேசத்தில் சிக்கினான்
உத்தரபிரதேசத்தில் பெரும் அதிர்ச்சியை ஏற்படுத்திய 8 போலீஸ்காரர்கள் கொலையில் தேடப்பட்டு வந்த ரவுடி விகாஸ் துபே மத்திய பிரதேசத்தில் அதிரடியாக கைது செய்யப்பட்டான்.
4. அர்ச்சகர்கள், ஓதுவார்களுக்கு தலா ரூ.15 ஆயிரம் வழங்கக்கோரி வழக்கு - அறநிலையத்துறை பதில் அளிக்க, ஐகோர்ட்டு உத்தரவு
தமிழகத்தில் கோவில்கள் மூடப்பட்டுள்ளதால், அர்ச்சகர்கள், ஓதுவார்கள் உள்ளிட்டோருக்கு மாதந்தோறும் தலா ரூ.15 ஆயிரம் வழங்க கோரி ‘தினமலர்’ வெளியீட்டாளர் ஆர்.ஆர்.கோபால்ஜி தொடர்ந்த வழக்கிற்கு 2 வாரத்துக்குள் பதில் அளிக்க இந்து சமய அறநிலையத்துறைக்கு சென்னை ஐகோர்ட்டு உத்தரவிட்டுள்ளது.
5. திருப்பத்தூரில் மனைவியை பெட்ரோல் ஊற்றி எரித்துக் கொன்ற கணவன் கைது
திருப்பத்தூரில் மனைவியை பெட்ரோல் ஊற்றி எரித்து கொன்ற கணவனை போலீசார் கைது செய்தனர்.