மாவட்ட செய்திகள்

ராமநாதபுரத்தில் வாலிபருக்கு அரிவாள் வெட்டு: முக்கிய குற்றவாளிகள் 3 பேர் சென்னையில் கைது + "||" + Cut to young man in Ramanathapuram: Three arrested in Chennai

ராமநாதபுரத்தில் வாலிபருக்கு அரிவாள் வெட்டு: முக்கிய குற்றவாளிகள் 3 பேர் சென்னையில் கைது

ராமநாதபுரத்தில் வாலிபருக்கு அரிவாள் வெட்டு: முக்கிய குற்றவாளிகள் 3 பேர் சென்னையில் கைது
ராமநாதபுரத்தில் முன் விரோதம் காரணமாக வாலிபரை வழிமறித்து அரிவாளால் வெட்டிய வழக்கில் தலைமறைவாக இருந்த முக்கிய குற்றவாளிகள் 3 பேர் சென்னையில் கைது செய்யப்பட்டனர்.
ராமநாதபுரம்,

ராமநாதபுரம் பசும்பொன்நகரை சேர்ந்த சேகர் மகன் மணிகண்டன்(வயது26). இவர் கடந்த மாதம் 21-ந் தேதி இரவு ராமநாதபுரம் குமரையாகோவில் அருகில் ஒரு கடையில் சூப் குடித்து கொண்டிருந்தார். அப்போது அங்கு 2 மோட்டார் சைக்கிளில் வந்த 6 பேர் கொண்ட மர்ம கும்பல் மணிகண்டனை சுற்றி வளைத்து அரிவாள் உள்ளிட்ட பயங்கர ஆயுதங்களால் தாக்கிவிட்டு தப்பி ஓடிவிட்டனர். இதில் படுகாயமடைந்த மணிகண்டன் சிகிச்சைக்காக ராமநாதபுரம் அரசு ஆஸ்பத்திரியில் அனுமதிக்கப்பட்டு உடல்நிலை கவலைக்கிடமாகவே மேல்சிகிச்சைக்காக மதுரை தனியார் ஆஸ்பத்திரிக்கு அனுப்பி வைக்கப்பட்டார்.

முன்விரோதம் காரணமாக இந்த பழிக்குபழி சம்பவம் நடந்துள்ளதாக போலீசார் தரப்பில் கூறப்பட்டது. இதுகுறித்து மணிகண்டன் அளித்த புகாரின் அடிப்படையில் ராமநாதபுரம் கேணிக்கரை போலீசார் ராமநாதபுரம் ஆர்.எஸ்.மடை அர்ச்சுனன் மகன்கள் முத்துமுருகன்(37), வேலவன்(30), நேருநகர் முதலாவது தெரு ராமமூர்த்தி மகன் முத்துக்குமார்(36) ஆகிய 3 பேரையும் கடந்த சில தினங்களுக்கு முன்னர் கைது செய்தனர்.

இந்த வழக்கில் முக்கிய குற்றவாளிகளான ஆர்.எஸ்.மடை பகுதியை சேர்ந்த துரைராஜ் மகன் சுரேஷ்(36), ராமு மகன் திருமூர்த்தி(26), அண்ணாநகர் விஜயராஜ் மகன் வினோத்குமார்(25) ஆகியோரை போலீசார் தேடிவந்தனர். இந்நிலையில் சென்னை எண்ணூர் பகுதியில் போலீசார் வாகன சோதனையில் ஈடுபட்டிருந்தபோது அந்த வழியாக வந்த மேற்கண்ட 3 பேரையும் போலீசார் மடக்கி விசாரித்தபோது ராமநாதபுரத்தில் தேடப்படும் குற்றவாளிகள் என்பது தெரியவந்துள்ளது.

போலீசாரின் தேடுதலுக்கு பயந்து சென்னையில் பதுங்கியிருந்த நிலையில் வேலை செய்து பிழைத்து கொள்ளலாம் என்று கருதி வேலை தேடி செல்வதாக தெரிவித்துள்ளனர். இதுகுறித்து சென்னை போலீசார் தகவல் தெரிவித்ததன்பேரில் கேணிக்கரை போலீசார் சென்னை சென்று 3 பேரையும் கைது செய்தனர்.

தொடர்புடைய செய்திகள்

1. பழனியில் பழிக்குப்பழியாக நடந்த கொலையில் மேலும் ஒரு வாலிபர் சாவு முக்கிய குற்றவாளி கைது
பழனியில், பழிக்குப்பழியாக நடந்த கொலையில் மேலும் ஒரு வாலிபர் பரிதாபமாக இறந்தார். இந்த இரட்டைக்கொலை வழக்கில் தொடர்புடைய முக்கிய குற்றவாளியை போலீசார் கைது செய்தனர்.
2. சென்னையில் கழிவு நீர் தொட்டியை சரி செய்ய முயன்ற இருவர் விஷவாயு தாக்கி பலி
சென்னையில் கழிவு நீர் தொட்டியை சரி செய்ய முயன்ற இருவர் விஷவாயு தாக்கி பலியாகினர்.
3. ஜெயலலிதா இல்லத்தை நினைவிடமாக மாற்ற தடையில்லை: சென்னை உயர் நீதிமன்றம்
மறைந்த முன்னாள் முதல் அமைச்சர் ஜெயலலிதா வசித்த இல்லத்தை நினைவிடமாக்க தடையில்லை என சென்னை உயர் நீதிமன்றம் தெரிவித்துள்ள்ளது.
4. 16 வயது சிறுமியை கடத்திய வாலிபர் போக்சோ சட்டத்தில் கைது
திருமணம் செய்வதாக கூறி 16 வயது சிறுமியை கடத்திய வாலிபர் போக்சோ சட்டத்தில் கைது செய்யப்பட்டார்.
5. வாகனங்களில் கடத்தி வரப்பட்ட ரூ.10 லட்சம் புகையிலை பொருட்கள் பறிமுதல்; 2 பேர் கைது
மன்னார்குடி அருகே வாகனங்களில் கடத்தி வரப்பட்ட ரூ.10 லட்சம் புகையிலை பொருட்களை போலீசார் பறிமுதல் செய்து, 2 பேரை கைது செய்தனர்.