மாவட்ட செய்திகள்

தென்பெண்ணை ஆற்றில் வெள்ளப்பெருக்கு: சென்னம்மாள் கோவிலில் தண்ணீர் புகுந்ததால் பரபரப்பு + "||" + Flooding in the Thenpenni River: Shennammal Temple

தென்பெண்ணை ஆற்றில் வெள்ளப்பெருக்கு: சென்னம்மாள் கோவிலில் தண்ணீர் புகுந்ததால் பரபரப்பு

தென்பெண்ணை ஆற்றில் வெள்ளப்பெருக்கு: சென்னம்மாள் கோவிலில் தண்ணீர் புகுந்ததால் பரபரப்பு
தென்பெண்ணை ஆற்றில் வெள்ளப்பெருக்கு காரணமாக டி.அம்மாபேட்டையில் உள்ள சென்னம்மாள் கோவிலில் தண்ணீர் புகுந்ததால் பக்தர்களிடையே பரபரப்பு ஏற்பட்டது.
அரூர்,

கிரு‌‌ஷ்ணகிரி மாவட்டம் கே.ஆர்.பி. அணையில் இருந்து வினாடிக்கு 2,047 கனஅடி தண்ணீரும், ஓசூர் கெலவரப்பள்ளி அணையில் இருந்து 1,120 கனஅடி தண்ணீரும் தென்பெண்ணை ஆற்றில் தண்ணீர் திறந்து விடப்பட்டுள்ளது. இதனால் தென்பெண்ணை ஆற்றில் வெள்ளப்பெருக்கு ஏற்பட்டுள்ளது. ஆற்றில் தண்ணீர் பெருக்கெடுத்து ஓடுவதால் கிரு‌‌ஷ்ணகிரி, தர்மபுரி, திருவண்ணாமலை ஆகிய 3 மாவட்ட கரையோர மக்களுக்கு வெள்ள அபாய எச்சரிக்கை விடுக்கப்பட்டுள்ளது.

இந்த நிலையில் கே.ஆர்.பி., கெலவரப்பள்ளி அணைகளில் இருந்து தென்பெண்ணை ஆற்றில் திறந்து விடப்பட்ட தண்ணீர் தர்மபுரி மாவட்டம் அரூர் அருகே உள்ள ஈச்சம்பாடி, மல்லமாபுரம், டி.அம்மாபேட்டை உள்ளிட்ட பகுதிகளில் பெருக்கெடுத்து ஓடுகிறது. இதனால் கரையோர பகுதி மக்களுக்கு தண்டோரா மூலம் வெள்ள அபாய எச்சரிக்கை விடுக்கப்பட்டுள்ளது. மேலும் பொதுமக்கள் பாதுகாப்பாக இருக்குமாறு அரூர் வருவாய்த்துறை மற்றும் பொதுப்பணித்துறை மூலம் அறிவுறுத்தப்பட்டுள்ளது.

கோவிலில் தண்ணீர் புகுந்தது

இந்நிலையில் தென்பெண்ணை ஆற்றில் வெள்ளப்பெருக்கு ஏற்பட்டுள்ளதால் அரூர் அருகே உள்ள டி.அம்மாபேட்டை சென்னம்மாள் கோவிலில் தண்ணீர் புகுந்தது. இதனால் பக்தர்களிடையே பரபரப்பு ஏற்பட்டது. அங்கு அமைக்கப்பட்டிருந்த தற்காலிக கடைகளும் வெள்ளத்தில் அடித்து செல்லப்பட்டன. கோவிலுக்கு சென்ற பக்தர்கள் திரும்பி வர முடியாமல் தவிர்த்தனர். அவர்களை தீயணைப்பு படையினர் பத்திரமாக மீட்டனர்.


தொடர்புடைய செய்திகள்

1. மழையால் நொய்யல் ஆற்றில் வெள்ளப்பெருக்கு சேறும், சகதியுமாக மாறிய மார்க்கெட்டுகள்
கோவையில் பெய்த மழை காரணமாக நொய்யல் ஆற்றில் வெள்ளப்பெருக்கு ஏற்பட்டது. சாலைகள் மற்றும் மார்க்கெட்டுகள் சேறும், சகதியுமாக மாறி காட்சி அளிக்கிறது.
2. வட சென்னையில் வெள்ளப்பெருக்கை தடுக்க எண்ணூர் முகத்துவாரத்தில் செங்குத்தான சுவர்கள்- சென்னை ஐ.ஐ.டி. யோசனை
வட சென்னையில் வெள்ளப்பெருக்கை தடுக்க எண்ணூர் கடற்கரை முகத்துவாரத்தில் செங்குத்தான சுவர்கள் அமைக்கலாம் என்று சென்னை ஐ.ஐ.டி. யோசனை தெரிவித்துள்ளது.
3. ஒகேனக்கல் காவிரி ஆற்றில் வெள்ளப்பெருக்கு: கரையோர பகுதி மக்களுக்கு அபாய எச்சரிக்கை
ஒகேனக்கல் காவிரி ஆற்றில் வெள்ளப்பெருக்கு ஏற்பட்டது. இதைத்தொடர்ந்து காவிரி கரையோர பகுதி மக்களுக்கு எச்சரிக்கை விடுக்கப்பட்டுள்ளது.
4. மேற்கு தொடர்ச்சி மலைப்பகுதியில் கன மழை: குற்றாலத்தில் மீண்டும் வெள்ளப்பெருக்கு மணிமுத்தாறு அருவியிலும் தண்ணீர் கொட்டுகிறது
மேற்கு தொடர்ச்சி மலைப்பகுதியில் பெய்த கனமழை காரணமாக, குற்றாலத்தில் மீண்டும் வெள்ளப்பெருக்கு ஏற்பட்டுள்ளது. மணிமுத்தாறு அருவியிலும் தண்ணீர் கொட்டுகிறது.
5. மேற்கு தொடர்ச்சி மலைப்பகுதியில் கன மழை: குற்றாலத்தில் மீண்டும் வெள்ளப்பெருக்கு
மேற்கு தொடர்ச்சி மலைப்பகுதியில் பெய்த கனமழை காரணமாக, குற்றாலத்தில் மீண்டும் வெள்ளப்பெருக்கு ஏற்பட்டுள்ளது. மணிமுத்தாறு அருவியிலும் தண்ணீர் கொட்டுகிறது.