மாவட்ட செய்திகள்

தீபாவளிக்கு துணி எடுக்க சென்ற போது மோட்டார் சைக்கிள் மீது கார் மோதி விவசாயி சாவு + "||" + Farmer dies when a car crashes into a motorcycle while going to Diwali

தீபாவளிக்கு துணி எடுக்க சென்ற போது மோட்டார் சைக்கிள் மீது கார் மோதி விவசாயி சாவு

தீபாவளிக்கு துணி எடுக்க சென்ற போது மோட்டார் சைக்கிள் மீது கார் மோதி விவசாயி சாவு
காரிமங்கலம் அருகே தீபாவளிக்கு துணி எடுக்க சென்ற போது மோட்டார் சைக்கிள் மீது கார் மோதி விவசாயி பரிதாபமாக இறந்தார்.

காரிமங்கலம்,

தர்மபுரி மாவட்டம் காரிமங்கலம் அருகே உள்ள பள்ளத்துக்கொட்டாய் பகுதியை சேர்ந்தவர் சிவலிங்கம் (வயது54). விவசாயி. இவர் நேற்று மாலை தீபாவளி பண்டிகைக்கு குடும்பத்தினருக்கு புதிய துணிகள் எடுப்பதற்காக மோட்டார் சைக்கிளில் காரிமங்கலம் நோக்கி சென்றார்.

மாட்லாம்பட்டி பிரிவு சாலையில் சென்ற போது கிருஷ்ணகிரியில் இருந்து தர்மபுரி நோக்கி வந்த ஒரு கார் எதிர்பாராதவிதமாக மோட்டார் சைக்கிள் மீது மோதியது. இந்த விபத்தில் சிவலிங்கம் தூக்கி வீசப்பட்டு படுகாயம் அடைந்தார். உடனே அக்கம் பக்கத்தினர் அவரை மீட்டு ஆம்புலன்ஸ் மூலம் தர்மபுரி அரசு ஆஸ்பத்திரிக்கு அனுப்பி வைத்தனர். ஆனால் அவர் செல்லும் வழியிலேயே பரிதாபமாக இறந்தார்.

போலீசார் விசாரணை

இந்த விபத்து குறித்து காரிமங்கலம் போலீசாருக்கு தகவல் தெரிவிக்கப்பட்டது. அதன்பேரில் போலீசார் ஆஸ்பத்திரிக்கு சென்று சிவலிங்கத்தின் உடலை கைப்பற்றி பிரேத பரிசோதனைக்காக அனுப்பி வைத்தனர். விபத்து குறித்து காரிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர். தீபாவளிக்கு துணி எடுக்க சென்ற விவசாயி விபத்தில் இறந்ததால் அந்த கிராமம் சோகத்தில் மூழ்கியது.


தொடர்புடைய செய்திகள்

1. 2 மகள்களை கொண்டு ஏர் உழுது வேர்க்கடலை விதைத்த விவசாயி: திரைப்பட நடிகர் சோனுசூட் இலவசமாக டிராக்டர் வழங்கினார்
மாடுகளுக்கு பதிலாக 2 மகள்களை கொண்டு ஏர் உழுது வேர்க்கடலை விதைத்த விவசாயியின் நிலையை கருதி, திரைப்பட நடிகர் சோனுசூட் ஒரு டிராக்டரை அவர்களுக்கு இலவசமாக வழங்கினார்.
2. பாப்பாரப்பட்டி அருகே டிராக்டர் சக்கரத்தில் சிக்கி மாணவி பலி
பாப்பாரப்பட்டி அருகே டிராக்டர் சக்கரத்தில் சிக்கி பள்ளி மாணவி பலியானாள்.
3. பவானி ஆற்றில் மூழ்கி அண்ணன்-தம்பி பலி; அந்தியூர் அருகே பரிதாபம்
அந்தியூர் அருகே தந்தை கண் முன்னே நீச்சல் பழகியபோது பவானி ஆற்றில் மூழ்கி அண்ணன், தம்பி பலியானார்கள். இதுபற்றி போலீஸ் தரப்பில் கூறப்படுவதாவது:-
4. கிரானைட் கல் விழுந்து ஆபரேட்டர் பலி: உரிமையாளர் உள்பட 3 பேர் மீது வழக்கு
கர்நாடக மாநிலம் மாண்டியா மாவட்டம் அனுசோனபுரா பகுதியை சேர்ந்தவர் அனுமையா (வயது 46). இவர் சூளகிரி அடுத்த பிள்ளை கொத்தூர் பகுதியில் உள்ள மிராக்கிள் ஸ்டோன்ஸ் பிரைவேட் லிமிடெட் என்ற தனியார் நிறுவனத்தில் கிரேன் ஆபரேட்டராக பணியாற்றி வந்தார்.
5. பொங்கலூர் அருகே கடன் தொல்லையால் விவசாயி விஷம் குடித்து தற்கொலை - போலீஸ் விசாரணை
பொங்கலூர் அருகே கடன் தொல்லையால் விவசாயி விஷம் குடித்து தற்கொலை செய்து கொண்டார்.