மாவட்ட செய்திகள்

பரமத்தி திருமணிமுத்தாற்றில் தண்ணீர் வரத்து அதிகரிப்பு குடியிருப்புக்குள் வெள்ளம் புகுந்தது + "||" + An increase in water supply at Paramathi Thirumani Mutt flooded the residence

பரமத்தி திருமணிமுத்தாற்றில் தண்ணீர் வரத்து அதிகரிப்பு குடியிருப்புக்குள் வெள்ளம் புகுந்தது

பரமத்தி திருமணிமுத்தாற்றில் தண்ணீர் வரத்து அதிகரிப்பு குடியிருப்புக்குள் வெள்ளம் புகுந்தது
பரமத்தி திருமணிமுத்தாற்றில் தண்ணீர் வரத்து அதிகரித்துள்ளதால் கரையோர பகுதியில் உள்ள குடியிருப்புக்குள் வெள்ளம் புகுந்துள்ளது.
பரமத்திவேலூர்,

தமிழகத்தில் வடகிழக்கு பருவமழை தீவிரம் அடைந்து சேலம் மாவட்டம் ஏற்காட்டில் இருந்து உற்பத்தியாகும் திருமணிமுத்தாற்றில் தண்ணீர் வரத்து அதிகரித்துள்ளது. இதனால் கடந்த சில ஆண்டுகளாக தண்ணீரின்றி வறண்ட நிலையில் காணப்பட்ட திருமணி முத்தாற்றில் தற்போது தண்ணீர் இருகரைகளையும் தொட்டபடி செல்கிறது.

பரமத்தி வேலூர் வட்டாரத்திற்கு உட்பட்ட கோட்டக்கல்பாளையம், மாலிப்பட்டி, ராமதேவம், மேல்சாத்தம்பூர், மேலப்பட்டி, கூடச்சேரி, பில்லூர் ஆகிய பகுதிகளில் உள்ள சிற்றணைகள் மழையால் நிரம்பியுள்ளன. பரமத்தி அருகே 300 ஏக்கர் பரப்பளவில் உள்ள இடும்பன் குளத்திற்கு திருமணி முத்தாறு வழியாக தண்ணீர் வந்து கொண்டிருக்கிறது. தண்ணீரின் வரத்து தொடர்ந்து அதிகரித்து வருவதால் கரையோரத்தில் பரமத்தி காந்திநகர் பகுதியில் உள்ள 5-க்கும் மேற்பட்ட குடியிருப்பு மற்றும் மாட்டு தொழுவங்களுக்குள் வெள்ளநீர் புகுந்துள்ளது. இதனால் பொதுமக்கள் அவதிக்குள்ளாகி உள்ளனர்.

தூர்வார வேண்டும்

திருமணிமுத்தாறு மற்றும் இடும்பன் குளத்தை சீமைகருவேல மரங்கள் சூழ்ந்துள்ளது. இதனால் தண்ணீரின் போக்கு சரிவர இல்லாமல், இடும்பன் குளம் இதுவரை நிரம்பவில்லை. மேலும் மீன்கள் முள்ளில் சிக்கி அதிகளவில் செத்து மிதக்கின்றன. இடும்பன் குளத்தை முறையாக தூர்வாரினால் பரமத்தி மற்றும் சுற்றுவட்டார பகுதிகளை சேர்ந்த ஆயிரத்திற்கும் மேற்பட்ட ஏக்கர் விளை நிலங்கள் பாசன வசதி பெறும் என விவசாயிகள் தெரிவிக்கின்றனர்.

இதற்கிடையில் தொடர்ந்து திருமணிமுத்தாறில் தண்ணீர் வரத்து உள்ளதால் சுற்றுவட்டார பகுதிகளில் உள்ள ஆழ்துளை மற்றும் விவசாய கிணறுகளில் நிலத்தடி நீர்மட்டம் உயர்ந்து வருகிறது. இதனால் பொதுமக்கள் மற்றும் விவசாயிகள் மகிழ்ச்சி அடைந்துள்ளனர்.

தொடர்புடைய செய்திகள்

1. கனமழை கொட்டித்தீர்த்தது பெங்களூருவில் வீடுகளுக்குள் வெள்ளம் புகுந்தது விடிய, விடிய மக்கள் அவதி
பெங்களூருவில் கனமழை கொட்டித்தீர்த்தது. தாழ்வான பகுதிகளில் உள்ள வீடுகளில் வெள்ளம் புகுந்தது. இதனால் விடிய, விடிய மக்கள் அவதிப்பட்டனர்.
2. கடம்பூர் மலைப்பகுதியில் பலத்த மழையால் கரைபுரண்ட காட்டாற்று வெள்ளம் பஸ் செல்ல முடியாததால் பயணிகள் தவிப்பு
கடம்பூர் மலைப்பகுதியில் பெய்த பலத்த மழையால், காட்டாற்று வெள்ளம் கரைபுரண்டு ஓடியது. பஸ் செல்ல முடியாததால் பயணிகள் தவிக்கும் நிலை ஏற்பட்டது.
3. நேபாளத்தில் வெள்ளம், நிலச்சரிவுக்கு கடந்த 40 நாட்களில் 132 பேர் பலி
நேபாளத்தில் வெள்ளம் மற்றும் நிலச்சரிவுகளால் கடந்த 40 நாட்களில் 132 பேர் பலியாகி உள்ளனர்.
4. நேபாளத்தில் கடும் வெள்ளம், நிலச்சரிவு; 60 பேர் பலி
நேபாளத்தில் ஏற்பட்டு உள்ள கடும் வெள்ளம் மற்றும் நிலச்சரிவுகளில் சிக்கி கடந்த 4 நாட்களில் 60 பேர் பலியாகி உள்ளனர்.
5. செஞ்சியில் 1½ மணி நேரத்தில் 11 செ.மீ. மழை கொட்டியது வீடுகளுக்குள் தண்ணீர் புகுந்தது
செஞ்சியில் நேற்று மாலை 1½ மணி நேரத்தில் 11 செ.மீ. மழை கொட்டி தீர்த்தது. இதில் பஸ் நிலையம் உள்பட பல்வேறு பகுதிகளில் மழைநீர் சூழ்ந்தது.