மாவட்ட செய்திகள்

குன்னூர் அருகே, மூதாட்டி வீட்டில் நகை-பணம் திருடியவர் கைது + "||" + Near Coonoor Old woman at home Arrested for jewelery-stealing

குன்னூர் அருகே, மூதாட்டி வீட்டில் நகை-பணம் திருடியவர் கைது

குன்னூர் அருகே, மூதாட்டி வீட்டில் நகை-பணம் திருடியவர் கைது
குன்னூர் அருகே மூதாட்டி வீட்டில் நகை-பணம் திருடியவரை போலீசார் கைது செய்தனர். இதுகுறித்து போலீஸ் தரப்பில் கூறப்படுவதாவது:-
குன்னூர்,

குன்னூர் அருகே உள்ள பெட்டட்டி பகுதியை சேர்ந்தவர் செல்வராஜ். இவருடைய மனைவி மாசியம்மாள்(வயது 60). தேயிலை தோட்ட தொழிலாளி. செல்வராஜ் ஏற்கனவே இறந்து விட்டார். இதனால் மாசியம்மாள் தனியாக வசித்து வந்தார். இதற்கிடையில் கடந்த மாதம் 22-ந் தேதி காலையில் மாசியம்மாள் வழக்கம்போல் தேயிலை தோட்டத்துக்கு வேலைக்கு சென்றுவிட்டார். பின்னர் மாலையில் வேலை முடிந்து வீடு திரும்பினார். அப்போது வீட்டில் இருந்த பீரோ உடைக்கப்பட்டு இருந்தது. இதை கண்டு அதிர்ச்சி அடைந்த அவர், பீரோவில் உள்ள ரகசிய அறையை திறந்து பார்த்தார். அப்போது அங்கு வைக்கப்பட்டு இருந்த 30 பவுன் தங்க நகை மற்றும் ரூ.2 லட்சம் ரொக்கம் ஆகியவற்றை காணவில்லை. யாரோ மர்ம ஆசாமி திருடி சென்றிருப்பது தெரியவந்தது.

உடனே அருவங்காடு போலீசில் அவர் புகார் செய்தார். அதன்பேரில் சம்பவ இடத்துக்கு போலீசார் விரைந்து வந்து பார்வையிட்டனர். அப்போது கழிவறையின் ஜன்னல் கம்பியை அறுத்து, வீட்டுக்குள் மர்ம ஆசாமி நுழைந்து இருப்பது கண்டுபிடிக்கப்பட்டது. இதையடுத்து 2 தனிப்படை அமைக்கப்பட்டு, தீவிர விசாரணை நடத்தப்பட்டு வந்தது.

இந்த நிலையில் அதே பகுதியில் சந்தேகப்படும்படியாக ஒருவர் சுற்றித்திரிவதாக போலீசுக்கு தகவல் கிடைத்தது. உடனே அங்கு சென்ற போலீசார், அவரை பிடித்து விசாரித்தனர்.

விசாரணையில் அவர், குன்னூர் அருகே உள்ள எடப்பள்ளியை சேர்ந்த குமார்(48) என்பதும், மாசியம்மாள் வீட்டில் நகை மற்றும் பணத்தை திருடியதும் தெரியவந்தது. இதையடுத்து அவரை கைது செய்த போலீசார், கோர்ட்டில் ஆஜர்படுத்தி சிறையில் அடைத்தனர். மேலும் அவரிடம் இருந்து 29 பவுன் தங்க நகை மீட்கப்பட்டது குறிப்பிடத்தக்கது.

தொடர்புடைய செய்திகள்

1. நடிகர் மோகன்பாபு வீட்டில் மிரட்டிய 4 பேர் கைது
நடிகர் மோகன்பாபு வீட்டில் மிரட்டிய 4 பேர் கைது செய்யப்பட்டனர்.
2. நாகூர் அருகே வாலிபர் கொலை வழக்கில் 2 பேர் கைது
நாகூர் அருகே வாலிபர் கடந்த சில நாட்களுக்கு முன்பு குத்திக்கொலை செய்யப்பட்டார். அவர் பழிக்குப்பழியாக தீர்த்துக்கட்டப்பட்டது அம்பலமாகி உள்ளது. இதுதொடர்பாக 2 பேரை போலீசார் கைது செய்தனர்.
3. குடிபோதையில் தகராறு: மனைவியை தீ வைத்து எரித்த தொழிலாளி கைது
கோவையில் குடிபோதையில் மனைவியை தீ வைத்து எரித்த தொழிலாளி கைது செய்யப்பட்டார். இது குறித்து போலீஸ் தரப்பில் கூறப்பட்டதாவது:-
4. திருவாரூர் ரவுடி கொலையில் திடுக்கிடும் தகவல்: ஜாமீனில் எடுத்து நண்பர்களே தீர்த்துக்கட்டிய பயங்கரம்
திருவாரூரில் நடந்த பிரபல ரவுடி கொலை வழக்கில், அவரது நண்பர்களே ஜாமீனில் எடுத்து தீர்த்து கட்டி இருப்பது தெரிய வந்துள்ளது. இது தொடர்பாக 2 பேரை போலீசார் கைது செய்தனர். மேலும் 9 பேரை வலைவீசி தேடி வருகிறார்கள்.
5. கணியம்பாடி வட்டாரத்தில் 350 பசுமாடுகளை திருடிய 2 பேர் கைது
கணியம்பாடி வட்டாரத்தில் 350 பசுமாடுகளை திருடிய 2 பேரை போலீசார் கைது செய்தனர்.