மாவட்ட செய்திகள்

பயிர்க்காப்பீட்டு தொகை வழங்கக்கோரி விவசாயிகள் சாலை மறியல் + "||" + Crop payment Farmers Road Pickup

பயிர்க்காப்பீட்டு தொகை வழங்கக்கோரி விவசாயிகள் சாலை மறியல்

பயிர்க்காப்பீட்டு தொகை வழங்கக்கோரி விவசாயிகள் சாலை மறியல்
பயிர்க்காப்பீட்டு தொகை வழங்கக்கோரி விவசாயிகள் சாலை மறியலில் ஈடுபட்டனர்.
கோட்டூர்,

திருவாரூர் மாவட்டம் கோட்டூர் அருகே உள்ள சேரி ஊராட்சிக்கு உட்பட்ட மேலகண்டமங்கலம், கீழகண்டமங்கலம், கீழச்சேரி, மேலச்சேரி ஆகிய கிராமங்களை சேர்ந்த 500-க்கும் மேற்பட்ட விவசாயிகள் மழவராயநல்லூர் கூட்டுறவு கடன் சங்கத்தில் 2018-19-ம் ஆண்டுக்கான பயிர்க்காப்பீடு திட்டத்தில் பயிர்க்காப்பீடு செய்தனர். கஜா புயலால் பாதிப்பு ஏற்பட்ட நிலையில் இந்த பகுதியை சேர்ந்த விவசாயிகளுக்கு இதுவரை பயிர்க்காப்பீட்டு தொகை வழங்கப்படவில்லை.

இதுதொடர்பாக விவசாயிகள் பல முறை போராட்டங்கள் நடத்தி உள்ளனர். ஆனாலும் பயன் இல்லை. இந்த நிலையில் பயிர்க்காப்பீட்டு தொகை வழங்க நடவடிக்கை எடுக்காத வேளாண்மை துறை அதிகாரிகளை கண்டித்தும், பயிர்க்காப்பீட்டு தொகையை விரைந்து வழங்கக்கோரியும் நேற்று விவசாயிகள் சேரி ஊராட்சி மன்ற அலுவலகம் அருகே சாலை மறியல் போராட்டத்தில் ஈடுபட்டனர்.

பேச்சுவார்த்தை

போராட்டத்துக்கு இந்திய கம்யூனிஸ்டு கட்சி மாவட்டக்குழு உறுப்பினர் பழனி, தி.மு.க. கிளை செயலாளர் கனகநாதன் ஆகியோர் தலைமை தாங்கினர். இதில் பல்வேறு பகுதிகளை சேர்ந்த விவசாயிகள் கலந்து கொண்டு பயிர்க்காப்பீட்டு தொகை வழங்கிட வலியுறுத்தி கோஷங்கள் எழுப்பினர்.

இதுபற்றி தகவல் அறிந்த மாவட்ட வேளாண்மை துணை இயக்குனர் ரவீந்திரன், திருத்துறைப்பூண்டி துணை போலீஸ் சூப்பிரண்டு பழனிசாமி மற்றும் போலீசார் அங்கு சென்று போராட்டத்தில் ஈடுபட்டவர்களுடன் பேச்சுவார்த்தை நடத்தினர். இதில் இந்த மாதம் இறுதிக்குள் பயிர்க்காப்பீட்டு தொகை முழுவதும் வழங்கப்படும் என அதிகாரிகள் உறுதி அளித்தனர். அதன்பேரில் மறியல் போராட்டத்தை கைவிட்டு கலைந்து சென்றனர். மறியல் காரணமாக திருத்துறைப்பூண்டி-மன்னார்குடி சாலையில் 2 மணி நேரம் போக்குவரத்து பாதிக்கப்பட்டது.

முத்துப்பேட்டை

முத்துப்பேட்டை ஒன்றியத்தில் கஜா புயலால் பாதிக்கப்பட்ட மருதவனம், ஆரியலூர், தில்லைவிளாகம், கீழநம்மங்குறிச்சி, உப்பூர், விளாங்காடு, கற்பகநாதர்குளம், பின்னத்தூர், வேப்பஞ்சேரி, குன்னலூர், கோவிலூர், மங்கலூர், கழுவங்காடு, கள்ளிக்குடி உள்ளிட்ட கிராமங்களை சேர்ந்த விவசாயிகளுக்கு பயிர்க்காப்பீட்டு தொகை வழங்கப்படவில்லை. இதை கண்டித்தும், பயிர்க்காப்பீட்டு தொகை வழங்கக்கோரியும் நேற்று முத்துப்பேட்டை பழைய பஸ் நிலையத்தில் விவசாயிகள் சாலை மறியல் போராட்டத்தில் ஈடுபட்டனர்.

போராட்டத்துக்கு இந்திய கம்யூனிஸ்டு ஒன்றிய செயலாளர் முருகையன், தி.மு.க. ஒன்றிய செயலாளர் மனோகரன், மார்க்சிஸ்ட் கம்யூனிஸ்டு கட்சி ஒன்றிய செயலாளர் பாலசுப்பிரமணியன் ஆகியோர் தலைமை தாங்கினர். இதில் வட்டார காங்கிரஸ் தலைவர்கள் வடுகநாதன், பாலகிருஷ்ணன், த.மா.கா. மாநில கொள்கை பரப்பு செயலாளர் காமராஜ், தி.மு.க. ஒன்றிய துணை செயலாளர் ராஜேந்திரன், பாசனதாரர் சங்க தலைவர் ஜீவானந்தம் மற்றும் பலர் கலந்து கொண்டனர்.

போக்குவரத்து பாதிப்பு

இதுகுறித்து தகவல் அறிந்த திருத்துறைப்பூண்டி தாசில்தார் ராஜன்பாபு, வேளாண்மை துறை உதவி இயக்குனர் முரளிபாபு, முத்துப்பேட்டை துணை போலீஸ் சூப்பிரண்டு இனிகோதிவ்யன், இன்ஸ்பெக்டர் ராஜேஷ் ஆகியோர் போராட்டத்தில் ஈடுபட்டவர்களிடம் பேச்சுவார்த்தை நடத்தினர்.

இதில் விரைவில் பயிர்க்காப்பீடு தொகை கிடைக்க ஏற்பாடு செய்யப்படும் என அதிகாரிகள் உறுதி அளித்தனர். அதன்பேரில் சாலை மறியல் போராட்டம் கைவிடப்பட்டது. போராட்டம் காரணமாக அந்த பகுதியில் 2 மணி நேரம் போக்குவரத்து பாதிக்கப்பட்டது.

தொடர்புடைய செய்திகள்

1. 4 வழிச்சாலை அமைக்கும் பணி: புழுதி பறப்பதை கண்டித்து கிராம மக்கள் மறியல்
திண்டுக்கல் அருகே 4 வழிச்சாலை அமைக்கும் பணியின்போது புழுதி பறப்பதை கண்டித்து கிராம மக்கள் மறியலில் ஈடுபட்டனர்.
2. கருப்பூர் அருகே சிமெண்டு கல் தயாரிக்கும் எந்திரத்தில் சிக்கி பெண் பலி உறவினர்கள் சாலை மறியல்
கருப்பூர் அருகே சிமெண்டு கல் தயாரிக்கும் எந்திரத்தில் சிக்கி பெண் பலியானார். ஆத்திரம் அடைந்த உறவினர்கள் சாலைமறியல் போராட்டம் நடத்தியதால் போக்குவரத்து பாதிப்படைந்தது.
3. மீன்பிடித்துறைமுகத்தை சுற்றி சுற்றுச்சுவர் அமைக்க எதிர்ப்பு கருவாடு உற்பத்தியாளர்கள் சாலை மறியல்
அக்கரைப்பேட்டை மீன்பிடி துறைமுகத்தை சுற்றி சுற்றுச்சுவர் அமைக்க எதிர்ப்பு தெரிவித்து கருவாடு உற்பத்தியாளர்கள் சாலை மறியலில் ஈடுபட்டனர்.
4. சாலை பணிக்கு ஜல்லி கற்கள் கொண்டு செல்ல அனுமதி மறுப்பு வனத்துறையை கண்டித்து பொதுமக்கள் திடீர் மறியல்
தடிக்காரன்கோணத்தில் சாலை சீரமைப்பு பணிக்கு ஜல்லி கற்கள், பொக்லைன் எந்திரம் கொண்டு செல்ல அனுமதி மறுத்ததால் வனத்துறையை கண்டித்து பொதுமக்கள் திடீர் மறியலில் ஈடுபட்டனர். இதனால் அங்கு திடீர் பரபரப்பு ஏற்பட்டது.
5. மாணவி மர்ம சாவு: தனியார் பள்ளி நிர்வாகத்தை கண்டித்து பெற்றோர்- உறவினர்கள் சாலை மறியல்
கல்லக்குடி அருகே மாணவி மர்ம சாவு தொடர்பாக தனியார் பள்ளி நிர்வாகத்தை கண்டித்து பெற்றோர் மற்றும் உறவினர்கள் சாலை மறியலில் ஈடுபட்டனர். இதையடுத்து பெண்கள் உள்பட 200 பேரை போலீசார் கைது செய்தனர்.