மாவட்ட செய்திகள்

பெரம்பலூரில் தொடர் திருட்டு சம்பவங்கள் எதிரொலி: பொதுமக்களிடம் துண்டுபிரசுரங்கள் வழங்கி விழிப்புணர்வு ஏற்படுத்திய போலீசார் + "||" + Serial theft at Perambalur Echoes of events: Police raising awareness by publicizing leaflets

பெரம்பலூரில் தொடர் திருட்டு சம்பவங்கள் எதிரொலி: பொதுமக்களிடம் துண்டுபிரசுரங்கள் வழங்கி விழிப்புணர்வு ஏற்படுத்திய போலீசார்

பெரம்பலூரில் தொடர் திருட்டு சம்பவங்கள் எதிரொலி: பொதுமக்களிடம் துண்டுபிரசுரங்கள் வழங்கி விழிப்புணர்வு ஏற்படுத்திய போலீசார்
பெரம்பலூரில் நடந்து வரும் தொடர் திருட்டு சம்பவங்கள் எதிரொலியாக, திருட்டை தடுக்க பின்பற்ற வேண்டிய வழிமுறைகள் குறித்து பொதுமக்களிடம் போலீசார் துண்டுபிரசுரங்கள் வழங்கி விழிப்புணர்வை ஏற்படுத்தி வருகின்றனர்.
பெரம்பலூர்,

பெரம்பலூர் நகர் பகுதியில் கடந்த சில மாதங்களாகவே தொடர் திருட்டு சம்பவங்கள், சங்கிலி பறிப்பு சம்பவங்கள் அதிகமாக நடைபெற்று வருகிறது. இதனால் திருடர்களின் கூடாரமாக பெரம்பலூர் மாறியுள்ளதாக பொதுமக்கள் குற்றம் சாட்டினர். தொடர் திருட்டு சம்பவங்களை தடுக்க பெரம்பலூரில் போலீசார் தீவிர ரோந்து பணியில் ஈடுபடவும், சந்தேகம்படும்படியாக சுற்றித்திரியும் நபர்களையும் பிடித்தும் போலீசார் விசாரிக்க வேண்டும் என்றும் பொதுமக்கள் மற்றும் சமூக ஆர்வலர்கள் வேண்டுகோள் விடுத்திருந்தனர். அதன்படி தொடர் திருட்டில் ஈடுபட்ட மர்மநபர்களை தனிப்படை போலீசார் வலைவீசி தேடி வருகின்றனர்.

தகவல் தெரிவிக்கவும்

இந்நிலையில் பெரம்பலூர் மாவட்ட போலீஸ் சூப்பிரண்டு நி‌ஷா பார்த்திபன் உத்தரவின்பேரில், பெரம்பலூர் சரக போலீஸ் துணை சூப்பிரண்டு கென்னடி வழிக்காட்டுதலின் பேரில் பெரம்பலூர் போலீஸ் இன்ஸ்பெக்டர் நித்யா தலைமையில் சப்-இன்ஸ்பெக்டர் அருண்குமார், போலீஸ் ஏட்டுகள் செல்வம், கார்த்திக் மற்றும் போலீசார் பெரம்பலூர் நகரில் திருட்டை தடுக்க பொதுமக்கள் பின்பற்ற வேண்டிய வழிமுறைகளை துண்டுபிரசுரங்களாக பொதுமக்களிடம் வழங்கி விழிப்புணர்வு ஏற்படுத்தி வருகின்றனர். அந்த துண்டு பிரசுரத்தில் பொதுமக்கள் தங்களது வீட்டினை பூட்டிவிட்டு வெளியூர் செல்லும் போது பெரம்பலூர் போலீஸ் துணை சூப்பிரண்டு அலுவலக எண்ணான 9498100691, போலீஸ் நிலையம் எண்ணான 9498100692, போலீஸ் இன்ஸ்பெக்டர் எண்ணான 9498169024, போலீஸ் சப்-இன்ஸ்பெக்டர்கள் எண்களான 9942245205, 9498190653-ஐ தொடர்பு கொண்டு தகவல் தெரிவித்து விட்டு செல்ல வேண்டும்.

வெளியூர் செல்லும் போது வீட்டில் நகை, பணத்தை வைக்காமலும், ஏ.டி.எம்.கார்டு மற்றும் முக்கிய பத்திர ஆவணங்களை பாதுகாப்பான இடத்தில் வைத்து பயன்படுத்தும் வகையிலும் பத்திரப்படுத்தி வைக்க வேண்டும். தங்கள் வீட்டின் முன்புறமும், பின்புறமும் மற்றும் சாலையை கவனிக்கும் வகையிலும் கண்காணிப்பு கேமராக்களை பொருத்த வேண்டும். சந்தேகம்படும்படியாக சுற்றித்திரியும் நபர்கள் குறித்து பெரம்பலூர் போலீஸ் நிலையத்திற்கு ரகசிய தகவல் தந்து ஒத்துழைப்பு கொடுக்க வேண்டும் என்று குறிப்பிடப்பட்டிருந்தது.


தொடர்புடைய செய்திகள்

1. அரிக்கன்மேட்டில் பள்ளம் தோண்டி பாதை துண்டிப்பு மணல் கடத்தலை தடுக்க நடவடிக்கை
அரிக்கன்மேட்டில் மணல் கடத்தலை தடுக்கும் வகையில் அங்கு பள்ளம் தோண்டி பாதையை போலீசார் துண்டித்தனர்.
2. மேற்கு தொடர்ச்சி மலையில் தொடர் மழை:நெல்லை, தென்காசி அணைகளில் நீர்மட்டம் உயர்வு
மேற்கு தொடர்ச்சி மலைப்பகுதியில் தொடர்ந்து மழை பெய்து வருவதால் நெல்லை, தென்காசி மாவட்டங்களில் உள்ள அணைகளில் நீர்மட்டம் படிப்படியாக உயர்ந்து வருகிறது.
3. திருப்பூரில் திருட்டில் ஈடுபட்ட 7 பேர் கைது
திருப்பூரில் தொடர் வழிப்பறி, வீடு மற்றும் கடைகளில் திருட்டு சம்பவத்தில் ஈடுபட்டு வந்த 7 பேரை போலீசார் கைது செய்தனர்.
4. மேற்கு தொடர்ச்சி மலை பகுதியில் கனமழை: பாபநாசம், சேர்வலாறு அணைகள் நீர்மட்டம் ‘கிடுகிடு’ உயர்வு
மேற்கு தொடர்ச்சி மலைப்பகுதியில் பெய்து வரும் கனமழையால் பாபநாசம், சேர்வலாறு அணைகளில் நீர்மட்டம் கிடுகிடுவென உயர்ந்து உள்ளது. களக்காடு தலையணையில் வெள்ளப்பெருக்கு ஏற்பட்டது.
5. வடக்கன்குளத்தில் தனியார் நிறுவன ஊழியர் வீட்டில் பணம் திருட்டு
வடக்கன்குளத்தில் தனியார் நிறுவன ஊழியர் வீட்டில் புகுந்து மர்ம நபர்கள் பணத்தை திருடிச் சென்று விட்டனர். வீட்டின் உரிமையாளார் 100 பவுன் நகைகளை உறவினர் வீட்டில் கொடுத்து சென்றதால் 100 பவுன் நகை தப்பியது.