மாவட்ட செய்திகள்

நெல்லை, தென்காசியில் தொடர் மழையால் 356 குளங்கள் நிரம்பின - விவசாய பணிகள் மும்முரம் + "||" + Tirunelveli, Tenkasi by the continuous rains 356 pools fill

நெல்லை, தென்காசியில் தொடர் மழையால் 356 குளங்கள் நிரம்பின - விவசாய பணிகள் மும்முரம்

நெல்லை, தென்காசியில் தொடர் மழையால் 356 குளங்கள் நிரம்பின - விவசாய பணிகள் மும்முரம்
நெல்லை, தென்காசி மாவட்டங்களில் கடந்த சில நாட்களாக தொடர்ந்து பெய்த பலத்த மழையால் 356 குளங்கள் நிரம்பின. இதனால் விவசாய பணிகள் மும்முரமாக நடந்து வருகிறது.
நெல்லை, 

நெல்லை, தென்காசி மாவட்டங்களிலும், மேற்கு தொடர்ச்சி மலைப்பகுதியிலும் கடந்த சில நாட்களாக பலத்த மழை பெய்தது. இதனால் நெல்லை, தென்காசி மாவட்டங்களில் உள்ள அனைத்து அணைகளும் நிரம்பி வருகின்றன. அணைகளில் 85 சதவீதத்திற்கு அதிகமாக தண்ணீர் உள்ளன. தாமிரபரணி ஆற்றில் வெள்ளப்பெருக்கு ஏற்பட்டதால் நீர்வரத்து குளங்கள் என்று கூறப்படும் பாசன குளங்களில் பெரும்பாலான குளங்கள் நிரம்பி விட்டன.

நெல்லை மாவட்டத்தில் தாமிரபரணி பாசனத்தில் மொத்தம் 441 குளங்கள் உள்ளன. இதில் 206 குளங்கள் முழுமையாக நிரம்பி மறுகால் பாய்கின்றன. 12 குளங்களில் 90 சதவீதமும், 65 குளங்களில் 75 சதவீதமும், 141 குளங்களில் 50 சதவீதமும், 16 குளங்களில் 25 சதவீதமும், ஒரு குளம் 20 சதவீதமும் நிரம்பி உள்ளன.

தென்காசி மாவட்டத்தில் சிற்றாறு வடிநில கோட்டம் ராமநதி அணை பாசனத்தில் உள்ள 33 குளங்களும், கருப்பாநதி அணை பாசனத்தில் உள்ள 72 குளங்கள் உள்பட சிற்றாறு வடிநில கோட்டத்தில் மொத்தம் 150 குளங்கள் மட்டுமே நிரம்பி உள்ளன. 500-க்கும் மேற்பட்ட குளங்கள் நிரம்பாமல் உள்ளன. இதுதவிர 300-க்கும் மேற்பட்ட மானாவாரி குளங்கள் 50 சதவீதம் நிரம்பி உள்ளன. பழைய குற்றாலத்தில் தொடர்ந்து வெள்ளப்பெருக்கு ஏற்பட்டுள்ளது. இருந்தாலும் அதன் தண்ணீர் செல்லக்கூடிய பல குளங்கள் நிரம்பாமல் உள்ளன. இதற்கு சிற்றாறு வடிநில கோட்ட அதிகாரிகள் சரியான முறையில் கால்வாய்களை பராமரிக்காதது தான் காரணம் என்று அந்த பகுதி விவசாயிகள் கூறுகிறார்கள்.

நெல்லை, பாளையங்கால்வாய், கன்னடியன் கால்வாய், கோடகன் கால்வாய், கோடை மேழகியான் உள்ளிட்ட கால்வாய்கள் மூலம் 97 குளங்களும் நிரம்பி மறுகால் பாய்கின்றன. நயினார்குளம், தேனீர்குளம், அருகன்குளம், கட்டுடையார்குடியிருப்பு குளம், பால்கட்டளை குளங்கள் நிரம்பி மறுகால் பாய்கின்றன.

நெல்லை மாவட்டத்தில் தொடர் மழையால் பல இடங்களில் விவசாய பணிகள் நடந்து வருகின்றன. நெல்லை, பாளையங்கால்வாய், கோடகன் கால்வாய் பாசனப்பகுதிகளில் தற்போது நெல் நடவு செய்யும் பணிகள் மும்முரமாக நடந்து வருகிறது. எனினும் விவசாயத்திற்கு தேவையான உரங்கள் கிடைக்கவில்லை என்றும், உரங்கள் அதிக விலைக்கு விற்கப்படுகின்றன என்றும் விவசாயிகள் புகார் கூறுகிறார்கள்.

தொடர்புடைய செய்திகள்

1. நெல்லை, தென்காசி, தூத்துக்குடி மாவட்டங்களில் தொடரும் தடுப்பூசி தட்டுப்பாட்டால் பொதுமக்கள் ஏமாற்றம்
நெல்லை, தென்காசி, தூத்துக்குடியில் தொடரும் தடுப்பூசி தட்டுப்பாட்டால் அனைத்து தடுப்பூசி மையங்களும் மூடப்பட்டு உள்ளன. இதனால் ஏமாற்றம் அடைந்துள்ள பொதுமக்கள், நிலைமையை சரிசெய்ய விரைந்து நடவடிக்கை எடுக்கப்படுமா? என்று எதிர்பார்ப்பில் உள்ளனர்.
2. நெல்லையில் 2 கொரோனா சிகிச்சை மையங்கள் - காணொலி மூலம் முதல்-அமைச்சர் ஸ்டாலின் திறந்து வைத்தார்
நெல்லையில் 2 இடங்களில் அமைக்கப்பட்டுள்ள கொரோனா சிகிச்சை மையங்களை காணொலி காட்சி மூலம் முதல்-அமைச்சர் ஸ்டாலின் திறந்து வைத்தார்.
3. கருப்பு பூஞ்சை நோய் பாதிப்பால் நெல்லையில் பெண் ஒருவர் உயிரிழப்பு
நெல்லை மாவட்டத்தில் கருப்பு பூஞ்சை நோய் பாதிப்பால் பெண் ஒருவர் உயிரிழந்துள்ளார்.
4. நெல்லை, தென்காசி மாவட்டங்களில் 3 நாளில் ரூ.29½ கோடிக்கு மது விற்பனை
நெல்லை, தென்காசி மாவட்டங்களில் கடந்த 3 நாட்களில் ரூ.29½ கோடிக்கு மது விற்பனை ஆகி உள்ளது.
5. நெல்லை மாவட்டத்தில் சூறைக்காற்றுடன் கனமழை
நெல்லை மாவட்டத்தில் சூறைக்காற்றுடன் கனமழை பெய்து வருகிறது.