மாவட்ட செய்திகள்

திருப்பூரில் 4 நகைக்கடைகளில் வருமான வரித்துறை அதிகாரிகள் சோதனை - ஆவணங்களை எடுத்து சென்றனர் + "||" + Income Tax Officers checked in 4 jewelers in Tirupur - The documents were taken

திருப்பூரில் 4 நகைக்கடைகளில் வருமான வரித்துறை அதிகாரிகள் சோதனை - ஆவணங்களை எடுத்து சென்றனர்

திருப்பூரில் 4 நகைக்கடைகளில் வருமான வரித்துறை அதிகாரிகள் சோதனை - ஆவணங்களை எடுத்து சென்றனர்
திருப்பூரில் 4 நகைக்கடைகளில் வருமான வரித்துறை அதிகாரிகள் சோதனை மேற்கொண்டனர். சோதனையின் முடிவில் ஆவணங்களை எடுத்து சென்றனர்.
திருப்பூர்,

திருப்பூர் மற்றும் சுற்றுவட்டார பகுதிகளில் ஏராளமான நகைக்கடைகள் உள்ளன. வழக்கத்தை விட விசேஷ நாட்களில் நகைக்கடைகளில் விற்பனை களைகட்டும். பொங்கல் திருநாள் நெருங்கி வருவதாலும், தை மாதம் திருமணங்கள் அதிகம் நடைபெறும் என்பதாலும் நகைக்கடைகளில் நகை விற்பனை மும்முரமாக நடைபெறுகிறது. இதனால் அனைத்து நகைக்கடைகளில் வாடிக்கையாளர்கள் கூட்டம் அலைமோதுகிறது. இந்த நகைக்கடை வைத்துள்ளவர்கள் வருமான வரித்துறை அலுவலகத்தில் தங்களது நகைக்கடைகளின் கணக்குகளை சமர்ப்பித்து வருகிறார்கள். இதற்கிடையே முறைகேடுகளில் ஈடுபடுகிற நகைக்கடைகளில் வருமான வரித்துறை அதிகாரிகள் அதிரடி சோதனையில் ஈடுபட்டு வருகிறார்கள்.

அதன்படி திருப்பூர் யுனிவர்சல் தியேட்டர் ரோட்டில் உள்ள நடராஜ் செட்டியார் ஜூவல்லரி, ஈஸ்வரன் கோவில் வீதியில் உள்ள கந்தவேல் ஜூவல்லரி, மாநகராட்சி வீதியில் உள்ள கே.ஆர்.பி.எஸ். ஜுவல்லரி, மங்கலம் ரோட்டில் உள்ள அம்மன் ஜூவல்லரி ஆகிய 4 பிரபல நகைக்கடைகளுக்குள் காலை 10.30 மணிக்கு வருமான வரித்துறை அதிகாரிகள் அதிரடியாக புகுந்தனர்.

ஒவ்வொரு கடைக்கும் ஒவ்வொரு குழுவாக சென்ற அதிகாரிகள், கடைக்குள் சென்றதும் கடை ஷட்டரை முதலில் பூட்டினர். பின்னர் கடையில் உள்ள நகை தொடர்பான அனைத்து ஆவணங்களையும் சோதனை செய்தனர். அதை தொடர்ந்து நகை விற்பனை குறித்து கடை ஊழியர்களிடமும் விசாரணை மேற்கொண்டனர். மேலும், அந்தந்த நகைக்கடைகள் தங்கம் கொள்முதல் செய்தது மற்றும் நகைகள் விற்பனை செய்யப்பட்ட ஆவணங்கள், கடையில் இருப்பு உள்ள நகைகளின் ஆவணங்கள் மற்றும் வருமான வரித்துறை அதிகாரிகளிடம் சமர்ப்பிக்கப்பட்ட கணக்குகள், கணினியில் பதிவு செய்யப்பட்ட கணக்கு, விற்பனை போன்றவை குறித்து ஆய்வு செய்தனர். காலையில் தொடங்கிய சோதனை மாலை வரை நடைபெற்றது. சோதனையின் முடிவில் சில நகைக்கடைகளில் ஆவணங்களை அதிகாரிகள் எடுத்து சென்றுள்ளனர். ஆனால் இந்த சோதனை குறித்த எந்த விவரமும் அதிகாரிகள் தெரிவிக்கவில்லை. இந்த சோதனையின் காரணமாக பரபரப்பு ஏற்பட்டது.


தொடர்புடைய செய்திகள்

1. திருப்பூர் நல்லூர் காவல்நிலையத்தில் விசாரணைக்கு அழைத்து வரப்பட்டவர் மரணம்
திருப்பூர் நல்லூர் காவல்நிலையத்தில் விசாரணைக்கு அழைத்து வரப்பட்டவர் உயிரிழந்த சம்பவம் அதிர்ச்சியை ஏற்படுத்தியுள்ளது.
2. திருப்பூர் தெற்கு தொகுதியில் மேம்பாலப்பணிகளை விரைந்து முடிக்க வேண்டும் கலெக்டரிடம் குணசேகரன் எம்.எல்.ஏ. மனு
திருப்பூர் தெற்கு தொகுதியில் மேம்பாலப்பணிகளை விரைந்து முடிக்க நடவடிக்கை எடுக்க வேண்டும் என்று குணசேகரன் எம்.எல்.ஏ.,கலெக்டர் விஜயகார்த்திகேயனிடம் மனு கொடுத்தார்.
3. திருப்பூரில் தேர்தல் பிரசாரத்தை நாளை மறுதினம் தொடங்குகிறோம் - கே.எஸ்.அழகிரி பேட்டி
தமிழக காங்கிரஸ் கட்சி நாளை மறுதினம் முதல் சட்டமன்ற தேர்தல் பிரசாரத்தை தொடங்க உள்ளதாக கே.எஸ்.அழகிரி தெரிவித்துள்ளார். தமிழக காங்கிரஸ் தலைவர் கே.எஸ்.அழகிரி சென்னையில் நிருபர்களுக்கு அளித்த பேட்டியில் கூறியதாவது:-
4. திருப்பூரில் திருட்டில் ஈடுபட்ட 7 பேர் கைது
திருப்பூரில் தொடர் வழிப்பறி, வீடு மற்றும் கடைகளில் திருட்டு சம்பவத்தில் ஈடுபட்டு வந்த 7 பேரை போலீசார் கைது செய்தனர்.
5. திருப்பூரில் போலீசார் தீவிர கண்காணிப்பு - வெளியே வரும் வாகனங்கள் பறிமுதல்
திருப்பூர் மாவட்டத்தில் ஊரடங்கை மீறி வெளியே வரும் வாகனங்களை போலீசார் பறிமுதல் செய்து வருகின்றனர்.