மாவட்ட செய்திகள்

கணமூர் கிராமத்தில் அம்மா இளைஞர் விளையாட்டு திட்டம் கலெக்டர் பிரபாகர் தொடங்கி வைத்தார் + "||" + Inaugurated by Amma Youth Sports Project Collector Prabhakar in Ganamur Village

கணமூர் கிராமத்தில் அம்மா இளைஞர் விளையாட்டு திட்டம் கலெக்டர் பிரபாகர் தொடங்கி வைத்தார்

கணமூர் கிராமத்தில் அம்மா இளைஞர் விளையாட்டு திட்டம் கலெக்டர் பிரபாகர் தொடங்கி வைத்தார்
கணமூர் கிராமத்தில் அம்மா இளைஞர் விளையாட்டு திட்டத்தை கலெக்டர் பிரபாகர் தொடங்கி வைத்தார்.
பர்கூர்,

கிருஷ்ணகிரி மாவட்டம் பர்கூர் ஒன்றியம் ஒப்பதவாடி அருகே உள்ள கணமூர் கிராமத்தில், தமிழ்நாடு விளையாட்டு மேம்பாட்டு ஆணையம் சார்பாக அம்மா இளைஞர் விளையாட்டு திட்டத்தின் கீழ் விளையாட்டு போட்டிகள் நடந்தது. இந்த நிகழ்ச்சிக்கு கலெக்டர் பிரபாகர் தலைமை தாங்கி விளையாட்டு போட்டிகளை தொடங்கி வைத்தார். சி.வி.ராஜேந்திரன் எம்.எல்.ஏ. முன்னிலை வகித்தார். மாவட்ட விளையாட்டு அலுவலர் உமாசங்கர் வரவேற்றார்.

இந்நிகழ்ச்சியின் போது, இளைஞர்களுக்கு ரூ. 58 ஆயிரம் மதிப்பிலான விளையாட்டு உபகரணங்களை கலெக்டர் வழங்கி பேசினார். அப்போது அவர் பேசியதாவது:- இந்த திட்டத்தின்கீழ் ஒப்பதவாடி, கட்டிகானப்பள்ளி, அரசம்பட்டி மற்றும் நாகோஜனஅள்ளி பேரூராட்சி உள்ளிட்ட பகுதிகளில் தற்போது தலா ரூ. 58 ஆயிரம் மதிப்பில் கபடி, வாலிபால், பால் பேட்மிண்டன் போன்ற விளையாட்டு போட்டிகளுக்கான உபகரணங்கள் வழங்கப்பட்டுள்ளது.

பயிற்சி

மாவட்டம் முழுவதும் உள்ள 333 கிராம ஊராட்சிகள், 6 பேரூராட்சிகள் உள்ளிட்ட பகுதிகளுக்கு ரூ. ஒரு கோடியே 97 லட்சத்து 99 ஆயிரம் மதிப்பில் தொடர்ச்சியாக விளையாட்டு உபகரணங்கள் வழங்கப்பட உள்ளது. இந்த திட்டத்தினை சிறப்பாக செயல்படுத்திட மாவட்ட அளவிலான விளையாட்டு ஆலோசனை குழு மற்றும் ஊராட்சி, பேரூராட்சி விளையாட்டு ஆலோசனை குழு அமைக்கப்பட்டுள்ளன. அனைத்து இடங்களிலும் கபடி, வாலிபால், கிரிக்கெட் மற்றும் பூப்பந்து ஆகிய விளையாட்டுகளுக்கு பயிற்சி அளிக்கப்படும். பின்னர், ஊராட்சி அளவில், மாவட்ட அளவில், மாநில அளவில் போட்டிகள் நடத்தப்படும். மாநில அளவில் நடைபெறும் போட்டிகளில் வெற்றி பெறும் அணிக்கு பரிசுகள் வழங்கப்படும்.

இவ்வாறு அவர் பேசினார்.

இதில், மாவட்ட ஊரக வளர்ச்சி திட்ட இயக்குனர் பெரியசாமி, தாசில்தார் சித்ரா, வட்டார வளர்ச்சி அலுவலர் அன்வர்பாஷா, மாவட்ட ஊராட்சி குழு தலைவர் மணிமேகலை நாகராஜ், ஒன்றிய குழு தலைவர் கவிதா கோவிந்தராஜ், செய்தி மக்கள் தொடர்பு அலுவலர் சேகர் உள்ளிட்ட பலர் கலந்துகொண்டனர். 

தொடர்புடைய செய்திகள்

1. நாகர்கோவிலில் மாணவ-மாணவிகளுக்கு விளையாட்டு போட்டிகள்
நாகர்கோவில் அண்ணா விளையாட்டு அரங்கத்தில் மாணவ-மாணவிகளுக்கு விளையாட்டு போட்டிகள் நடந்தன.
2. தொழிற்பயிற்சி நிலையங்களுக்கு இடையேயான மாவட்ட அளவிலான விளையாட்டு போட்டி 300 மாணவர்கள் பங்கேற்பு
தஞ்சை மாவட்ட அளவிலான தொழிற்பயிற்சி நிலையங்களுக்கு இடையேயான விளையாட்டு போட்டி தஞ்சையில் நடந்தது. இதில் 300 மாணவர்கள் கலந்து கொண்டனர்.
3. நாமக்கல்லில் அரசு அலுவலர்களுக்கான விளையாட்டு போட்டி
நாமக்கல்லில் அரசு அலுவலர்களுக்கான விளையாட்டு போட்டி நடந்தது.
4. சரபோஜி மார்க்கெட் கடைகளை காலி செய்வதற்காக வந்த அதிகாரிகள் போலீசார் குவிக்கப்பட்டதால் பரபரப்பு
நிர்ணயிக்கப்பட்ட கெடு முடிந்தும் அப்புறப்படுத்தாததால் சரபோஜி மார்க்கெட் கடைகளை காலி செய்வதற்காக அதிகாரிகள் வந்தனர். இதனால் அங்கு போலீசார் குவிக்கப்பட்டதால் பரபரப்பு ஏற்பட்டது.
5. 5, 8-ம் வகுப்பு பொதுத்தேர்வில் அனைத்து மாணவர்களும் வெற்றி பெறுவார்கள் அமைச்சர் செங்கோட்டையன் பேட்டி
5, 8-ம் வகுப்பு பொதுத்தேர்வில் அனைத்து மாணவர்களும் வெற்றி பெறுவார்கள் என அமைச்சர் செங்கோட்டையன் கூறினார்.

அதிகம் வாசிக்கப்பட்டவை