மாவட்ட செய்திகள்

நெல்லை அரசு சித்த மருத்துவ கல்லூரி மாணவர்கள் உள்ளிருப்பு போராட்டம் தங்கும் விடுதி வசதி ஏற்பாடு செய்யக் கோரிக்கை + "||" + Nellai Government Siddha Medical College Students Sitting Struggle

நெல்லை அரசு சித்த மருத்துவ கல்லூரி மாணவர்கள் உள்ளிருப்பு போராட்டம் தங்கும் விடுதி வசதி ஏற்பாடு செய்யக் கோரிக்கை

நெல்லை அரசு சித்த மருத்துவ கல்லூரி மாணவர்கள் உள்ளிருப்பு போராட்டம் தங்கும் விடுதி வசதி ஏற்பாடு செய்யக் கோரிக்கை
தங்கும் விடுதி வசதி ஏற்பாடு செய்யக் கோரி நெல்லை அரசு சித்த மருத்துவ கல்லூரி மாணவர்கள் நேற்று உள்ளிருப்பு போராட்டம் நடத்தினர்.
நெல்லை,

நெல்லை அரசு சித்த மருத்துவ கல்லூரியில் சுற்று வட்டார பகுதியை சேர்ந்த ஏராளமானவர்கள் படித்து வருகிறார்கள். வெளி மாவட்டத்தை சேர்ந்த மாணவர்களும் படிக்கிறார்கள்.

இந்த மருத்துவ கல்லூரிக்கு நெல்லை வண்ணார்பேட்டையில் தங்கும் விடுதி இருந்தது. அங்கு மாணவர்கள் தங்கி படித்து வந்தனர். கடந்த சில ஆண்டுகளுக்கு முன்பு அந்த தங்கும் விடுதி இடிக்கப்பட்டது. மேலும் அந்த விடுதி தொடர்பாக கோர்ட்டில் வழக்குகள் இருப்பதாக கூறப்படுகிறது. இதனால் மாணவர்கள் வெளியே அறை எடுத்து தங்கி படித்து வந்தனர்.

இந்த நிலையில் விடுமுறை முடிந்து நேற்று வந்த மாணவர்கள் கல்லூரி வாளகத்தில் சாமியானா பந்தல் அமைத்து உள்ளிருப்பு போராட்டதை தொடங்கினார்கள். வீட்டில் இருந்து குடங்கள், படுக்கை, தலையணை உள்ளிட்ட உைடமைகளை கொண்டு வந்தனர். அவற்றை பந்தல் முன்பு வைத்து போராட்டத்தை நடத்தினர்.

வெளியூரில் இருந்து வந்து படிக்கும் தங்களுக்கு(மாணவர்களுக்கு) தங்கும் விடுதி வசதியை ஏற்படுத்தி தர வேண்டும் என்ற கோரிகையை முன் வைத்தனர்.

இது குறித்து மாணவர்கள் கூறும் போது, “நாங்கள் கல்லூரியில் சேரும் போது, தங்கும் விடுதி வசதி இருக்கிறது என்று கூறினார்கள். அதை நம்பி தான் நாங்கள் இந்த கல்லூரியில் சேர்ந்தோம். தற்போது நாங்கள் வெளியே அறை தங்கி படித்து வருகிறோம். தினந்தோறும் வெளியே சாப்பிட்டால் அதிகம் செலவாகிறது.

அதை எங்களால் சமாளிக்க முடியவில்லை. இது பற்றி கல்லூரி நிர்வாகத்திடம் பல முறை கூறிவிட்டோம். சாப்பாடுக்காவது ஒரு மெஸ் ஏற்பாடு செய்து தாருங்கள் என்று கேட்டோம். எங்கள் கோரிக்கையை கல்லூரி நிர்வாகம் ஏற்க மறுக்கிறது. முதலாம் ஆண்டு மாணவர்கள் 19 பேர் இங்கு இருக்கிறார்கள். மொத்தம் 110 பேர் இந்த உள்ளிருப்பு போராட்டத்தில் ஈடுபட்டு இருக்கிறோம். நாங்கள் வகுப்புகளுக்கு செல்வோம்.. அதன் பிறகு இங்கு வந்து தங்கி விடுவோம். எங்கள் கோரிக்கை நிறைவேறும் வரை போராட்டம் தொடரும்“ என்றனர்.

தொடர்புடைய செய்திகள்

1. நெல்லை சுத்தமல்லியில் பரபரப்பு: போலீசார் முன்னிலையில் தீக்குளித்து பெண் தற்கொலை
நெல்லை சுத்தமல்லியில் போலீசார் முன்னிலையில் பெண் ஒருவர் தீக்குளித்து தற்கொலை செய்துகொண்டார்.
2. நெல்லை, தென்காசி மாவட்டங்களில் விடிய, விடிய மழை: ஒரே நாளில் 3 அணைகள் நிரம்பின
நெல்லை, தென்காசி மாவட்டங்களில் விடிய, விடிய மழை பெய்தது. இதனால் ஒரே நாளில் 3 அணைகள் நிரம்பின.
3. நெல்லை, தூத்துக்குடி உள்ளிட்ட மாவட்டங்களில் கனமழைக்கு வாய்ப்பு - வானிலை மையம் தகவல்
தமிழகத்தின் கடலோர மாவட்டங்களில் அடுத்த 24 மணி நேரத்திற்கு மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
4. நெல்லை, தென்காசி மாவட்டங்களில் பரவலாக மழை - விவசாய பணிகள் தீவிரம்
நெல்லை, தென்காசி மாவட்டங்களில் பரவலாக மழை பெய்தது. விவசாய பணிகளில் விவசாயிகள் தீவிரமாக ஈடுபட்டு உள்ளனர்.
5. நெல்லை, தூத்துக்குடியில் 95 பேருக்கு கொரோனா- தென்காசியில் மூதாட்டி சாவு
நெல்லை, தூத்துக்குடியில் நேற்று 95 பேருக்கு கொரோனா பாதிப்பு ஏற்பட்டது. தென்காசியில் மூதாட்டி இறந்துள்ளார்.