மாவட்ட செய்திகள்

சேலத்தில் உடல் எரிந்த நிலையில் ஆண் பிணம் கொலையா? போலீஸ் விசாரணை + "||" + Male corpse killing in Salem? Police are investigating

சேலத்தில் உடல் எரிந்த நிலையில் ஆண் பிணம் கொலையா? போலீஸ் விசாரணை

சேலத்தில் உடல் எரிந்த நிலையில் ஆண் பிணம் கொலையா? போலீஸ் விசாரணை
சேலத்தில் உடல் எரிந்த நிலையில் ஆண் பிணம் கிடந்தது. அவர் கொலை செய்யப்பட்டாரா? என போலீசார் விசாரணை நடத்தி வருகிறார்கள்.
சேலம்,

சேலம் செவ்வாய்பேட்டை பால் மார்க்கெட் அருகே தொட்டு ராமசாமி தெரு உள்ளது. இங்குள்ள ரெயில்வே காம்பவுண்ட் சுவரையொட்டி நேற்று அதிகாலை 55 வயதான ஒருவர் உடல் எரிந்த நிலையில் பிணமாக கிடந்தார். இதைப்பார்த்து அந்த வழியாக சென்றவர்கள் செவ்வாய்பேட்டை போலீஸ் நிலையத்துக்கு தகவல் தெரிவித்தனர்.

அதன்பேரில் போலீஸ் இன்ஸ்பெக்டர் சுந்தரம்மாள் மற்றும் போலீசார் அங்கு விரைந்து சென்றனர். பின்னர் போலீசார் எரிந்த நிலையில் கிடந்த பிணத்தை மீட்டு பிரேத பரிசோதனைக்காக சேலம் அரசு ஆஸ்பத்திரிக்கு அனுப்பி வைத்தனர். உடல் முழுவதும் எரிந்த நிலையில் இருந்ததால் இறந்தவர் யார்? எந்த ஊரை சேர்ந்தவர்? என்ற விவரம் தெரியவில்லை. காகிதங்கள் பொறுக்கும் தொழிலாளி யாராவது? இரவில் இந்த பகுதியில் கொசுவர்த்தி சுருள் வைத்து கொண்டு தூங்கும் போது அதிலிருந்து தீ பரவி உடல் கருகி இறந்திருக்கலாம் எனவும் போலீசார் கருதுகின்றனர்.

கொலையா?

மேலும் அவர் தற்கொலை செய்து கொண்டாரா? அல்லது அவரை யாராவது எரித்து கொலை செய்தார்களா? என பல்வேறு கோணங்களில் போலீசார் தொடர்ந்து விசாரணை நடத்தி வருகின்றனர். இந்த சம்பவம் குறித்து செவ்வாய்பேட்டை போலீசார் வழக்குப்பதிவு செய்து உள்ளனர்.

செவ்வாய்பேட்டையில் மார்க்கெட் இருப்பதால் அந்த பகுதி எப்போதும் மக்கள் நடமாட்டம் அதிகமாக காணப்படும். இந்த இடத்தில் ஒருவர் எரிந்த நிலையில் பிணமாக கிடந்தது பெரும் பரபரப்பை ஏற்படுத்தி உள்ளது. 

தொடர்புடைய செய்திகள்

1. சென்னையில் பரபரப்பு: கார் விபத்தால் சிக்கிய யானை தந்தங்கள், மான் கொம்பு வனத்துறையினர் விசாரணை
சென்னையில் நடந்த கார் விபத்தில் யானை தந்தங்கள், மான் கொம்பு சிக்கி பரபரப்பை ஏற்படுத்தி உள்ளது. இதுகுறித்து வனத்துறையினர் விசாரணை நடத்தி வருகின்றனர்.
2. கோடநாடு கொலை, கொள்ளை சம்பவம்: ஜெயலலிதாவின் கார் டிரைவர் கனகராஜ் விபத்து வழக்கில் மீண்டும் விசாரணை
கோடநாடு கொலை, கொள்ளை சம்பவம் தொடர்பாக ஜெயலலிதாவின் கார் டிரைவர் கனகராஜ் விபத்து வழக்கில் மீண்டும் விசாரணை நடத்த தனிப்படை போலீசார் முடிவு செய்துள்ளனர்.
3. திருமண இணையதள மோசடி: கைதான நைஜீரிய ஆசாமிகளிடம் போலீஸ் காவலில் விசாரணை
திருமண இணையதள மோசடி: கைதான நைஜீரிய ஆசாமிகளிடம் போலீஸ் காவலில் விசாரணை 32 பெண்களை ஏமாற்றியதாக திடுக்கிடும் வாக்குமூலம்.
4. அரசு அதிகாரி மீது ரூ.9 லட்சம் மோசடி புகார் போலீசார் விசாரணை
அரசு அதிகாரி மீது ரூ.9 லட்சம் மோசடி புகார் போலீசார் விசாரணை.
5. திரிபுராவில் பா.ஜ.க-கம்யூனிஸ்டு மோதல் முற்றுகிறது அடிதடியில் 50 பேர் காயம்; பதற்றத்தால் போலீஸ் குவிப்பு
திரிபுராவில் பா.ஜ.க-மார்க்சிஸ்ட் கம்யூனிஸ்டு கட்சியினர் இடையே மோதல் முற்றி உள்ளது. 2 நாட்களில் அடிதடியில் 50-க்கும் மேற்பட்டவர்கள் காயம் அடைந்து உள்ளனர். பதற்றம் நிலவுவதால் போலீஸ் குவிக்கப்பட்டு உள்ளது.