மாவட்ட செய்திகள்

கொரோனாவுக்கு 3 பேர் பலி புதிதாக 133 பேருக்கு பாதிப்பு + "||" + Corona kills 3, 133 new victims

கொரோனாவுக்கு 3 பேர் பலி புதிதாக 133 பேருக்கு பாதிப்பு

கொரோனாவுக்கு 3 பேர் பலி புதிதாக 133 பேருக்கு பாதிப்பு
ஈரோடு மாவட்டத்தில் கொரோனாவுக்கு 3 பேர் பலியானார்கள். மேலும், புதிதாக 133 பேருக்கு பாதிப்பு ஏற்பட்டது.
ஈரோடு,

ஈரோடு மாவட்டத்தில் நேற்று ஒரே நாளில் 133 பேருக்கு கொரோனா தொற்று உறுதி செய்யப்பட்டது. இதனால் மாவட்டத்தில் மொத்த பாதிப்பு எண்ணிக்கை 4 ஆயிரத்து 534 ஆக உயர்ந்தது.

இதில் ஈரோடு மாநகராட்சிக்கு உள்பட்ட திண்டல் கே.ஏ.எஸ்.நகர், வீரப்பன்சத்திரம், மொசுவண்ணவீதி, மாதவகிருஷ்ணாவீதி, சூரம்பட்டி காந்திநகர்காலனி, குமரன்வீதி, முனிசிபல்காலனி, ஆர்.என்.புதூர், ஆசிரியர் காலனி, கருங்கல்பாளையம், கிருஷ்ணம்பாளையம், ரெயில்வே காலனி, பழையபாளையம், வெட்டுக்காட்டுவலசு, கொல்லம்பாளையம், ஈ.பி.பி.நகர், காசிபாளையம், மாணிக்கம்பாளையம், முத்தம்பாளையம், ரங்கம்பாளையம், மாமரத்துப்பாளையம் உள்ளிட்ட பகுதிகளில் கொரோனா பாதிப்பு ஏற்பட்டது. இதேபோல் பவானி, பெருந்துறை, சித்தோடு, கோபிசெட்டிபாளையம், கொடுமுடி, அம்மாபேட்டை, டி.என்.பாளையம், மொடக்குறிச்சி, சத்தியமங்கலம் ஆகிய பகுதிகளிலும் கொரோனா தொற்று உறுதி செய்யப்பட்டது. இந்த பகுதிகளில் கிருமி நாசினி தெளித்தல் உள்ளிட்ட சுகாதார பணிகள் மேற்கொள்ளப்பட்டன.

3 பேர் பலி

நேற்று மட்டும் 85 பேர் கொரோனா தொற்றில் இருந்து குணமடைந்தார்கள். இதுவரை மொத்தம் 3 ஆயிரத்து 432 பேர் குணமடைந்து உள்ளனர். 1,043 பேர் சிகிச்சை பெற்று வருகிறார்கள். ஏற்கனவே மாவட்டத்தில் 56 பேர் கொரோனாவுக்கு பலியாகி இருந்த நிலையில், மேலும் 3 பேர் உயிரிழந்து உள்ளனர். இதில் பவானி சீனிவாசபுரத்தை சேர்ந்த 73 வயது முதியவர் கொரோனா தொற்று காரணமாக பெருந்துறையில் உள்ள அரசு மருத்துவ கல்லூரி ஆஸ்பத்திரியில் சிகிச்சைக்காக அனுமதிக்கப்பட்டார். அங்கு அவர் சிகிச்சை பலனின்றி கடந்த 11-ந் தேதி இறந்தார்.

இதேபோல் அந்த ஆஸ்பத்திரியில் கொரோனாவுக்கு சிகிச்சை பெற்று வந்த பவானியை சேர்ந்த 69 வயது முதியவரும், கவுந்தப்பாடியை சேர்ந்த 58 வயது ஆணும் நேற்று முன்தினம் உயிரிழந்தனர். இதனால் மாவட்டத்தில் கொரோனாவுக்கு பலியானவர்களின் எண்ணிக்கை 59 ஆக உயர்ந்தது.

தொடர்புடைய செய்திகள்

1. புதுச்சேரியில் தொற்று பாதிப்பு அதிரடியாக குறைந்தது 29 ஆயிரத்து 600 பேர் மீண்டனர்
புதுச்சேரியில் தொற்று பாதிப்பு அதிரடியாக குறைந்து வருகிறது. இதுவரை 29 ஆயிரத்து 600 பேர் கொரோனாவில் இருந்து வீடு திரும்பி உள்ளனர்.
2. கர்நாடகத்தில் கொரோனா பாதிப்பு, உயிரிழப்பு திடீர் குறைவு
கர்நாடகத்தில் கொரோனா பாதிப்பும், உயிரிழப்பும் திடீரென குறைந்து உள்ளது.
3. தேவேந்திர பட்னாவிசுக்கு கொரோனா ஆஸ்பத்திரியில் அனுமதி
சட்டசபை எதிர்க்கட்சி தலைவர் தேவேந்திர பட்னாவிஸ் கொரோனாவால் பாதிக்கப்பட்டுள்ளார்.
4. மும்பையில் கொரோனா பாதிப்பு 2½ லட்சத்தை தாண்டியது
மும்பையில் கொரோனா பாதிப்பு 2½ லட்சத்தை தாண்டி உள்ளது.
5. புதிதாக 6 ஆயிரத்து 417 பேருக்கு பாதிப்பு மராட்டியத்தில் கொரோனாவில் இருந்து 89 சதவீதம் பேர் மீண்டனர்
மராட்டியத்தில் புதிதாக 6 ஆயிரத்து 417 பேருக்கு கொரோனா பாதிப்பு ஏற்பட்டுள்ளது. 88.78 சதவீதம் பேர் குணமடைந்தனர்.