மாவட்ட செய்திகள்

நெல்லையில் காங்கிரசார் தர்ணா போராட்டம் + "||" + Congressman Tarna struggle in Nellai

நெல்லையில் காங்கிரசார் தர்ணா போராட்டம்

நெல்லையில் காங்கிரசார் தர்ணா போராட்டம்
நெல்லையில் காங்கிரசார் தர்ணா போராட்டத்தில் ஈடுபட்டனர்.
நெல்லை,

நெல்லை மாநகர் மாவட்ட காங்கிரஸ் கட்சி சார்பில் நேற்று மாலையில் நெல்லை கொக்கிரகுளம் காங்கிரஸ் அலுவலகம் முன்பு சத்தியாகிரக தர்ணா போராட்டம் நடந்தது. மாவட்ட தலைவர் சங்கரப்பாண்டியன் தலைமை தாங்கினார். முன்னாள் மத்திய மந்திரி தனுஷ்கோடி ஆதித்தன் சிறப்பு அழைப்பாளராக கலந்துகொண்டு தர்ணா போராட்டத்தை தொடங்கி வைத்து பேசினார்.

உத்தரபிரதேச மாநிலத்தில் 19 வயது இளம்பெண்ணை பாலியல் பலாத்காரம் செய்து கொலை செய்தவர்களை கண்டித்தும், பாதிக்கப்பட்ட குடும்பத்தினருக்கு ஆறுதல் கூற சென்ற ராகுல் காந்தியிடம் காவல் துறையினர் நடந்து கொண்ட விதத்தை கண்டித்தும் இந்த போராட்டம் நடந்தது.

கருப்பு துணி

இதில் கலந்து கொண்டவர்கள் வாயில் கருப்பு துணி கட்டி இருந்தனர். மேலும் கோரிக்கையை வலியுறுத்தி கோஷங்கள் எழுப்பினர். இதைத்தொடர்ந்து காந்தி, அம்பேத்கர் வேடம் அணிந்து வந்தவர்களிடம் மனுக்கொடுத்தனர். போராட்டத்தில் சக்தி திட்ட ஒருங்கிணைப்பாளர் வி.பி.துரை, மாநில வக்கீல் அணி துணை தலைவர் பால்ராஜ் உள்பட பலர் கலந்து கொண்டனர்.

நிவாரண நிதி

தர்ணா போராட்டத்தில் தனுஷ்கோடி ஆதித்தன் கூறுகையில், உத்தரப்பிரதேச மாநிலத்தில் பாலியல் பலாத்காரம் செய்து கொலை செய்யப்பட்ட பெண்ணின் குடும்பத்திற்கு ஆறுதல் சொல்ல சென்ற ராகுல்காந்தி, பிரியங்கா காந்தி ஆகியோரை அவமதித்த காவல்துறையும், உத்தரபிரதேசம் அரசும் மன்னிப்பு கேட்க வேண்டும். கொலை செய்யப்பட்ட பெண்ணின் குடும்பத்திற்கு நிவாரண நிதியும், ஒருவருக்கு அரசு வேலையும் வழங்க வேண்டும். காவல்துறையினர் உடனே மன்னிப்பு கேட்கவில்லை என்றால் காங்கிரஸ் சார்பில் மிகப்பெரிய போராட்டம் நடத்தப்படும் என்றார்.

தொடர்புடைய செய்திகள்

1. ஹாங்காங்கில் சீன அரசுக்கு எதிராக போராடிய பத்திரிகை அதிபருக்கு சிறை
சீனாவின் நேரடி கட்டுப்பாட்டில் இருக்கும் ஹாங்காங்கில் கடந்த 2019-ம் ஆண்டு சீனாவுக்கு எதிராக பெரிய அளவில் போராட்டம் வெடித்தது.
2. முற்றுகை போராட்டம் எதிரொலி; அதிகாரிகளின் அனுமதியுடன் செயல்பட்ட கோயம்பேடு சில்லரை காய்கறி கடைகள்; வியாபாரிகள் மகிழ்ச்சி
கொரோனா காரணமாக பிறப்பிக்கப்பட்ட தடை உத்தரவு அமலுக்கு வந்த நிலையில், அதிகாரிகள் அனுமதியுடன் கோயம்பேடு சில்லரை காய்கறி கடைகள் செயல்பட்டன.
3. அடிப்படை வசதிகள் நிறைவேற்றப்படாததை கண்டித்து கலெக்டர் அலுவலகத்தை முற்றுகையிட்டு பொதுமக்கள் போராட்டம்
அடிப்படை வசதிகள் நிறைவேற்றப்படாததை கண்டித்து திருவள்ளூர் கலெக்டர் அலுவலகத்தை முற்றுகையிட்டு பொதுமக்கள் போராட்டத்தி்ல் ஈடுபட்டனர்.
4. குளித்தலை நகராட்சி அலுவலகத்தில் சமூக ஆர்வலர்கள்-அரசில் கட்சி பிரமுகர்கள் தர்ணா
அடைக்கப்பட்ட புறவழிச்சாலையை திறக்ககோரி குளித்தலை நகராட்சி அலுவலகத்தில் சமூக ஆர்வலர்கள்-அரசில் கட்சி பிரமுகர்கள் தர்ணாவில் ஈடுபட்டதால் பரபரப்பு ஏற்பட்டது.
5. டெல்லியில் 118-வது நாளாக விவசாயிகள் போராட்டம்; 3 மாநிலங்களில் சுங்க கட்டண இழப்பு ரூ.815 கோடி
டெல்லியில் விவசாயிகள் 118-வது நாளாக போராட்டம் நடத்தி வருவதால் 3 மூன்று மாநிலங்களில் ரூ.815 கோடி சுங்க கட்டண இழப்பு ஏற்பட்டு இருப்பதாக மத்திய அரசு தெரிவித்துள்ளது.

அதிகம் வாசிக்கப்பட்டவை