மாவட்ட செய்திகள்

அ.தி.மு.க.வை வலுப்படுத்த 6 அமைச்சர்கள் உள்பட 11 பேர் அடங்கிய வழிகாட்டு குழு எடப்பாடி பழனிசாமி அறிவிப்பு + "||" + Edappadi Palanisamy announces 11-member steering committee to strengthen AIADMK

அ.தி.மு.க.வை வலுப்படுத்த 6 அமைச்சர்கள் உள்பட 11 பேர் அடங்கிய வழிகாட்டு குழு எடப்பாடி பழனிசாமி அறிவிப்பு

அ.தி.மு.க.வை வலுப்படுத்த 6 அமைச்சர்கள் உள்பட 11 பேர் அடங்கிய வழிகாட்டு குழு எடப்பாடி பழனிசாமி அறிவிப்பு
அ.தி.மு.க.வை வலுப்படுத்துவதற்காக 6 அமைச்சர்கள் உள்பட 11 பேர் அடங்கிய வழிகாட்டு குழுவை முதல்-அமைச்சர் எடப்பாடி பழனிசாமி அறிவித்தார்.
சென்னை,

அ.தி.மு.க.வை வலுப்படுத்துவதற்காக 11 பேர் கொண்ட வழிகாட்டு குழு அமைக்கப்படும் என்று சென்னையில் கடந்த ஆண்டு டிசம்பர் மாதம் நடைபெற்ற அக்கட்சியின் பொதுக்குழு கூட்டத்தில் தீர்மானிக்கப்பட்டது. ஆனால் அதற்கான நடவடிக்கைகள் மேற்கொள்ளப்படாமல் இருந்து வந்தது.

இந்தநிலையில் முதல்-அமைச்சர் வேட்பாளர் விவகாரத்துடன், வழிகாட்டுதல் குழு விவகாரமும் விஸ்வரூபம் எடுத்தது. 11 பேர் கொண்ட வழிகாட்டு குழுவை அமைத்து, அந்த குழுவே முதல்-அமைச்சர் வேட்பாளரை தேர்வு செய்யவேண்டும் என்று துணை முதல்-அமைச்சர் ஓ.பன்னீர்செல்வம் தனது விருப்பத்தை வெளிப்படுத்தினார். இதுதொடர்பாக அவர் தொடர்ந்து வலியுறுத்தி வந்தார். ஆனால் அதற்கு முதல்-அமைச்சர் எடப்பாடி பழனிசாமி உடன்படாமல் இருந்து வந்தார்.

இந்தநிலையில் நேற்று முன்தினம் இரவு நடந்த இறுதிக்கட்ட பேச்சுவார்த்தையில் அ.தி.மு.க. முதல்-அமைச்சர் வேட்பாளரும், வழிகாட்டுதல் குழுவும் இறுதி செய்யப்பட்டது.

அதன்படி அ.தி.மு.க. தலைமை அலுவலகத்தில் நேற்று முதல்-அமைச்சர் வேட்பாளர் அறிவிப்புடன், வழிகாட்டுதல் குழு அறிவிப்பும் வெளியிடப்பட்டது.

11 பேர்கள் யார்-யார்?

இந்த அறிவிப்பை அ.தி.மு.க. இணை ஒருங்கிணைப்பாளரும், முதல்-அமைச்சருமான எடப்பாடி பழனிசாமி வெளியிட்டு பேசியதாவது:-

ஜெயலலிதாவின் நல்ல ஆசியோடு வழிகாட்டுதல் குழு அமைக்கப்பட்டுள்ளது. அவைத்தலைவர் மதுசூதனன் தலைமையில் நடைபெற்ற ஆலோசனை கூட்டத்தில், ஒருங்கிணைப்பாளர் (ஓ.பன்னீர்செல்வம்), இணை ஒருங்கிணைப்பாளர் (எடப்பாடி பழனிசாமி), துணை ஒருங்கிணைப்பாளர்களின் ஏகமனதோடு பொதுக்குழு தீர்மானித்தபடி 11 பேர் கொண்ட வழிகாட்டுதல் குழு அமைக்கப்படுகிறது.

வழிகாட்டு குழு உறுப்பினர்களின் விவரம் வருமாறு:-

கட்சியின் அமைப்பு செயலாளர்களும், அமைச்சர்களுமான திண்டுக்கல் சீனிவாசன், பி.தங்கமணி, எஸ்.பி.வேலுமணி, டி.ஜெயக்குமார், மாவட்ட செயலாளர்களும், அமைச்சர்களுமான சி.வி.சண்முகம், ஆர்.காமராஜ், அமைப்பு செயலாளர்களான முன்னாள் எம்.எல்.ஏ. ஜே.சி.டி.பிரபாகர், முன்னாள் எம்.பி. பி.எச்.மனோஜ் பாண்டியன், முன்னாள் அமைச்சர் ப.மோகன், தேர்தல் பிரிவு இணை செயலாளரான முன்னாள் எம்.பி. கோபாலகிருஷ்ணன், சோழவந்தான் எம்.எல்.ஏ. கி.மாணிக்கம் ஆகிய 11 பேர் நியமிக்கப்படுகின்றனர்.

இவ்வாறு அவர் பேசினார்.

ஓ.பன்னீர்செல்வம் வரவேற்பு

முதல்-அமைச்சர் எடப்பாடி பழனிசாமியின் இந்த அறிவிப்பை வரவேற்று, துணை முதல்-அமைச்சர் ஓ.பன்னீர்செல்வம் பேசுகையில், ‘அ.தி.மு.க.வின் பொதுக்குழு தீர்மானத்தின்படி வழிகாட்டுதல் குழு அமைக்கப்படும் என அறிவிக்கப்பட்டது. அதன்படி இணை ஒருங்கிணைப்பாளர் வழிகாட்டுதல் குழுவை அறிவித்துள்ளார். அதில் இடம்பெற்றுள்ள 11 பேருக்கும் என்னுடைய இதயபூர்வ நல்வாழ்த்துகளை தெரிவிக்க கடமைப்பட்டு இருக்கிறேன்.’ என்றார்.

அ.தி.மு.க. வழிகாட்டுதல் குழுவில் எடப்பாடி பழனிசாமி சார்பில் 6 அமைச்சர்களும், ஓ.பன்னீர்செல்வம் தரப்பில் 5 பேரும் இடம் பெற்றுள்ளனர் என்பது குறிப்பிடத்தக்கது.

தொடர்புடைய செய்திகள்

1. டிசம்பர் மாதம் முடியும் வரை கர்நாடகத்தில் பள்ளிகள் திறப்பு இல்லை முதல்-மந்திரி எடியூரப்பா அறிவிப்பு
கொரோனா பரவலை தடுக்கும் நோக்கத்தில் கர்நாடகத்தில் கடந்த மார்ச் மாதம் 25-ந் தேதி ஊரடங்கு அமல்படுத்தப்பட்டது.
2. மத்திய பிரதேசத்தில் 2 ஆயிரம் புதிய கோசாலைகள் அமைக்கப்படும்; முதல் மந்திரி அறிவிப்பு
மத்திய பிரதேசத்தில் 2 ஆயிரம் புதிய கோசாலைகள் அமைக்கப்படும் என முதல் மந்திரி சிவராஜ் சிங் சவுகான் அறிவித்துள்ளார்.
3. அரசின் மீது பழி சுமத்துவதையே மு.க.ஸ்டாலின் வாடிக்கையாக கொண்டுள்ளார் எடப்பாடி பழனிசாமி கடும் தாக்கு
அரசின் மீது பழி சுமத்துவதையே மு.க.ஸ்டாலின் வாடிக்கையாக கொண்டுள்ளார் என்று முதல்-அமைச்சர் எடப்பாடி பழனிசாமி கடுமையாக தாக்கிப் பேசினார்.
4. டெல்லியில் ஐ.சி.யூ. படுக்கைகளை அதிகரிக்க போர்க்கால அடிப்படையில் பணி; முதல் மந்திரி அறிவிப்பு
டெல்லியில் கொரோனா நோயாளிகளுக்கான ஐ.சி.யூ. படுக்கைகளை அதிகரிக்க போர்க்கால அடிப்படையில் பணிகள் நடந்து வருகின்றன என முதல் மந்திரி அறிவித்துள்ளார்.
5. அரசு பள்ளியில் படித்தவர்களுக்கு 7.5 சதவீத இடஒதுக்கீடு மருத்துவம் படிக்க மாணவர்களுக்கு ஆணை எடப்பாடி பழனிசாமி வழங்கி பெருமிதம்
தமிழகத்தில் மருத்துவ படிப்புக்கான மாணவர்கள் கலந்தாய்வு நேற்று தொடங்கியது. அரசு பள்ளியில் படித்தவர்களுக்கான 7.5 சதவீத இடஒதுக்கீட்டின் கீழ் தேர்வு பெற்ற மாணவர்களுக்கு மருத்துவம் படிக்க ஆணைகளை முதல்-அமைச்சர் எடப்பாடி பழனிசாமி வழங்கி பேசுகையில், “இந்த நாள் என் வாழ்வில் மகிழ்ச்சிகரமான நாள்” என பெருமிதத்துடன் கூறினார்.

அதிகம் வாசிக்கப்பட்டவை