மாவட்ட செய்திகள்

நெல்லை, தூத்துக்குடி, தென்காசி மாவட்டங்களில் மேலும் 141 பேருக்கு கொரோனா + "||" + Corona for another 141 people in Nellai, Thoothukudi and Tenkasi districts

நெல்லை, தூத்துக்குடி, தென்காசி மாவட்டங்களில் மேலும் 141 பேருக்கு கொரோனா

நெல்லை, தூத்துக்குடி, தென்காசி மாவட்டங்களில் மேலும் 141 பேருக்கு கொரோனா
கொரோனா தடுப்பு நடவடிக்கை காரணமாக, நெல்லை, தென்காசி, தூத்துக்குடி மாவட்டங்களில் கொரோனா பரவல் குறைந்து வருகிறது.
தென்காசி,

கொரோனா தடுப்பு நடவடிக்கை காரணமாக, நெல்லை, தென்காசி, தூத்துக்குடி மாவட்டங்களில் கொரோனா பரவல் குறைந்து வருகிறது. நெல்லை மாவட்டத்தில் நேற்று 66 பேர் கொரோனாவால் பாதிக்கப்பட்டனர். இதில் நெல்லை மாநகர பகுதிை-யைச் சேர்தவர்கள் 26 பேர், பாளையங்கோட்டை யூனியன் பகுதியைச் சேர்ந்தவர்கள் 18 பேர் ஆவர்.

மேலும் மானூர், நாங்குநேரி, வள்ளியூர், ராதாபுரம் ஆகிய பகுதிகளைச் சேர்ந்தவர்களுக்கும் கொரோனா தொற்று உறுதி செய்யப்பட்டு உள்ளது. அவர்களை அரசு ஆஸ்பத்திரிகள், தனியார் ஆஸ்பத்திரிகளில் தனிமைப்படுத்தி சிகிச்சை அளித்து வருகின்றனர். இதன் மூலம் நெல்லை மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 13 ஆயிரத்து 238 ஆக உயர்ந்துள்ளது.

தென்காசி மாவட்டத்தில் நேற்று 10 பேருக்கு கொரோனா தொற்று உறுதி செய்யப்பட்டது. அவர்கள் தென்காசி, செங்கோட்டை, ஆலங்குளம், சங்கரன்கோவில் உள்ளிட்ட பகுதிகளைச் சேர்ந்தவர்கள் ஆவர். தொற்று பாதிக்கப்பட்டவர்கள் அரசு ஆஸ்பத்திரி மற்றும் தனியார் ஆஸ்பத்திரிகளில் சேர்ந்து சிகிச்சை பெற்று வருகிறார்கள். தென்காசி மாவட்டத்தில் கொரோனா தொற்று பாதிப்பு எண்ணிக்கை 7,550 ஆக உயர்ந்துள்ளது.

இதேபோன்று தூத்துக்குடி மாவட்டத்தில் நேற்று 65 பேருக்கு கொரோனா உறுதி செய்யப்பட்டது. இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 13 ஆயிரத்து 856 ஆக உயர்ந்து உள்ளது. இதில் 13 ஆயிரத்து 228 பேர் முழுமையாக குணமடைந்து வீடு திரும்பினர். மாவட்டத்தில் உள்ள அரசு ஆஸ்பத்திரிகள் மற்றும் வீடுகளில் 505 பேர் தொடர்ந்து சிகிச்சை பெற்று வருகின்றனர். மாவட்டத்தில் கொரோனாவால் இதுவரை 123 பேர் இறந்துள்ளனர்.


தொடர்புடைய செய்திகள்

1. சூர்யாவின் வாடிவாசல் படம் கைவிடப்பட்டதா? படக்குழு விளக்கம்
கொரோனா காரணமாக வாடிவாசல் படம் கைவிடப்பட்டு விட்டதாக சமூக வலைத்தளத்தில் தகவல் பரவியது.
2. அரியலூரில் 2 பேருக்கு மட்டுமே கொரோனா தொற்று பெரம்பலூரில் ஒருவருக்கும் பாதிப்பு இல்லை
அரியலூரில் 2 பேருக்கு மட்டுமே புதிதாக கொரோனா தொற்று ஏற்பட்டுள்ளது. பெரம்பலூரில் யாருக்கும் பாதிப்பு இல்லை.
3. அரவக்குறிச்சி பகுதியில் பலத்த மழை: முருங்கை விற்பனை பாதிப்பு
அரவக்குறிச்சி மற்றும் அதன் சுற்றுவட்டார பகுதிகளில் விவசாயிகள் பெரும்பாலும் அதிக அளவு முருங்கை பயிரிட்டு இருந்தனர்.
4. கொரோனா தொற்று குறைந்து வரும் நாடுகள் விழிப்புடன் இருக்க வேண்டும் - உலக சுகாதார மையம் எச்சரிக்கை
கொரோனா தொற்று எண்ணிக்கை குறைந்து வரும் நாடுகள் விழிப்புடன் இருக்க வேண்டும் என உலக சுகாதார மையத்தின் தொழில்நுட்ப தலைவர் தெரிவித்துள்ளார்.
5. வங்கி ஊழியர்கள் வேலை நிறுத்தம்: ரூ.400 கோடிக்கு பணபரிவர்த்தனை பாதிப்பு
நாமக்கல் மாவட்டத்தில் நேற்று வங்கி ஊழியர்களின் வேலைநிறுத்த போராட்டம் காரணமாக சுமார் ரூ.400 கோடி அளவுக்கு பணபரிவர்த்தனை பாதிக்கப்பட்டதாக வங்கி ஊழியர்கள் சங்கத்தின் நிர்வாகி கூறினார்.

அதிகம் வாசிக்கப்பட்டவை