மாவட்ட செய்திகள்

சட்டசபை, தலைமை செயலகத்தில் தீவிரவாதிகள் தாக்குதலை முறியடிப்பது குறித்து பாதுகாப்பு ஒத்திகை + "||" + Security rehearsal on counter-insurgency operation at Assembly, General Secretariat

சட்டசபை, தலைமை செயலகத்தில் தீவிரவாதிகள் தாக்குதலை முறியடிப்பது குறித்து பாதுகாப்பு ஒத்திகை

சட்டசபை, தலைமை செயலகத்தில் தீவிரவாதிகள் தாக்குதலை முறியடிப்பது குறித்து பாதுகாப்பு ஒத்திகை
புதுவை சட்டசபை மற்றும் தலைமை செயலகத்தில் தீவிரவாதிகளின் தாக்குதலை முறியடிப்பது தொடர்பாக பாதுகாப்பு ஒத்திகை நடந்தது.
புதுச்சேரி, 

நாடு முழுவதும் சட்டசபை, தலைமைச் செயலகம் ஆகியவற்றில் பாதுகாப்பினை பலப்படுத்த மத்திய அரசு உத்தரவிட்டுள்ளது. அதன்படி தீவிரவாதிகள் தாக்குதல் நடத்தினால் அதை சமாளிப்பது எப்படி என்பது பற்றி ஆய்வு செய்ய தேசிய புலனாய்வு முகமையின் தென்மண்டல மேஜர் ராஜேஷ் தாக்கூர் தலைமையில் பாதுகாப்பு படையினர் புதுச்சேரிக்கு வந்தனர்.

சட்டசபை வளாகத்தில் தீவிரவாதிகள் தாக்குதலை முறியடிப்பது தொடர்பாகவும், பாதுகாப்பு குறித்து சட்டசபை காவலர்கள் செயல்பட வேண்டிய விதம் குறித்தும் கமாண்டோ பயிற்சி முடித்த போலீசாருக்கு ஐ.ஆர்.பி. துணை கமாண்டன்ட் செந்தில்குமரன் பயிற்சி அளித்தார்.

இதையடுத்து புதுவை சட்டசபை மற்றும் தலைமை செயலகத்தில் நேற்று மாலை 6 மணி முதல் தீவிரவாதிகள் தாக்குதலை முறியடிப்பது தொடர்பாக பாதுகாப்பு ஒத்திகை நிகழ்ச்சி நடந்தது.

பிணைக் கைதிகள்

இதில் சட்டசபை மற்றும் தலைமை செயலகத்தில் தீவிரவாதிகள் நுழைந்து டம்மி வெடிகுண்டு வீசுதல், துப்பாக்கி சூடு ரப்பர் குண்டு மூலமாக தாக்குதல் நடத்தி அரசு அதிகாரிகள், பொதுமக்களை பிணைக் கைதிகளாக சிறைப்பிடித்து பணம் கேட்டு மிரட்டுதல் போன்று பாதுகாப்பு ஒத்திகை நடத்திக் காட்டினர்.

இதில் தேசிய புலனாய்வு முகமையின் பாதுகாப்பு படையினருடன் உள்ளூர் போலீசார், ஐ.ஆர்.பி.என். போலீசார், ஊர்காவல் படையினர், சட்டசபை காவலர்கள் என 100-க்கும் மேற்பட்டோர் மீட்பது போன்று ஒத்திகை நடந்தது.

இதன் காரணமாக சட்டசபை, தலைமை செயலகத்தை சுற்றியுள்ள பகுதிகளில் பொதுமக்கள் யாரும் செல்லாதபடி பாதுகாப்பு வேலிகள் அமைக்கப்பட்டு இருந்தது. மேலும் தீவிரவாதிகளில் தாக்குதலை சமாளிக்க நவீன பிரத்யேக வாகனங்களும் கொண்டு வரப்பட்டு இருந்தது. இந்த பாதுகாப்பு ஒத்திகை காரணமாக அந்த பகுதியில் பரபரப்பாக காணப்பட்டது. 

தொடர்புடைய செய்திகள்

1. அபுதாபியில், கடல் பாதுகாப்பு கண்காட்சி தொடங்கியது விமானங்கள் வானில் வண்ணப் பொடிகளை தூவி சீறி பாய்ந்தன
அபுதாபியில் கடல் பாதுகாப்பு தொடர்பான கண்காட்சியை நிர்வாக கவுன்சில் உறுப்பினர் ஷேக் ஹமத் பின் ஜாயித் அல் நஹ்யான் தொடங்கி வைத்தார். அப்போது அமீரக விமானப்படை விமானங்கள் வானில் வண்ணப் பொடிகளை தூவி சீறி பாய்ந்து சென்றன.
2. கொரோனா பாதுகாப்பு விதிமீறல்: சார்ஜாவில் ஹைபர் மார்க்கெட், சலூன் கடைக்கு சீல் பொருளாதார மேம்பாட்டுத்துறை நடவடிக்கை
கொரோனா பாதுகாப்பு விதிமீறல்: சார்ஜாவில் ஹைபர் மார்க்கெட், சலூன் கடைக்கு சீல் பொருளாதார மேம்பாட்டுத்துறை நடவடிக்கை.
3. தஞ்சை அருகே உள்ள திருக்கானூர்பட்டியில் இன்று ஜல்லிக்கட்டு பாதுகாப்பு பணியில் 300 போலீசார்
தஞ்சை அருகே திருக்கானூர்பட்டியில் இன்று(ஞாயிற்றுக்கிழமை) ஜல்லிக்கட்டு நடக்கிறது. பாதுகாப்பு பணியில் 300 போலீசார் ஈடுபட்டுள்ளனர்.
4. தமிழக சட்டசபை தேர்தல் பாதுகாப்பு பணிகளுக்கு 4,500 துணை ராணுவ வீரர்கள் மத்திய அரசு முடிவு
தமிழக சட்டசபை தேர்தல் பாதுகாப்பு பணிகளுக்கு 4 ஆயிரத்து 500 துணை ராணுவ வீரர்களை கொண்டு வருவதென்று மத்திய உள்துறை அமைச்சகம் முடிவு செய்துள்ளது.
5. கொரோனா பாதுகாப்பு விதிமீறல் சுற்றுலா நிறுவனம் மூடல்;50 ஆயிரம் திர்ஹாம் அபராதம்
துபாய் நகரின் பாலைவனப் பகுதி ஒன்றில், சுற்றுலா நிறுவனம் ஒன்று சந்திப்பு நிகழ்ச்சிக்கு ஏற்பாடு செய்திருந்தது. நகர் முழுவதும் கொரோனா பரவல் அதிகரித்து வருவதால் இந்த நிறுவனத்தில் போலீசார் ஆய்வு செய்தனர். அப்போது இந்த சந்திப்பு நிகழ்ச்சிக்கு சுற்றுலா நிறுவனம் முறையான அனுமதி பெறவில்லை என தெரிய வந்தது. மேலும் கொரோனா பாதுகாப்பு விதிமுறைகளும் சரியாக பின்பற்றப்படவில்லை.