மாவட்ட செய்திகள்

ஆண்களை விட பெண்கள் அதிகளவில் வாக்களிப்பு + "||" + Voting

ஆண்களை விட பெண்கள் அதிகளவில் வாக்களிப்பு

ஆண்களை விட பெண்கள் அதிகளவில் வாக்களிப்பு
ராமநாதபுரம் மாவட்டத்தில் நடந்து முடிந்த சட்டமன்ற தேர்தலில் 4 தொகுதிகளிலும் 69.60 சதவீத வாக்குகள் பதிவாகி உள்ளன. இந்த தேர்தலில் ஆண்களை விட பெண்களே அதிகளவில் வாக்களித்துள்ளனர்.
ராமநாதபுரம், 

ராமநாதபுரம் மாவட்டத்தில் நடந்து முடிந்த சட்டமன்ற தேர்தலில் 4 தொகுதிகளிலும் 69.60 சதவீத வாக்குகள் பதிவாகி உள்ளன. இந்த தேர்தலில் ஆண்களை விட பெண்களே அதிகளவில் வாக்களித்துள்ளனர்.

வாக்குப்பதிவு 

ராமநாதபுரம் மாவட்டத்தில் ராமநாதபுரம், பரமக்குடி, திருவாடானை, முதுகுளத்தூர் ஆகிய 4 சட்டமன்ற தொகுதிகளில் நேற்று முன்தினம் வாக்குப்பதிவு அமைதியாக நடந்து முடிந்தது. இந்த தேர்தலில் 4 தொகுதிகளிலும் 5 லட்சத்து 79 ஆயிரத்து 908 ஆண் வாக்காளர்களும், 5 லட்சத்து 85 ஆயிரத்து 189 பெண் வாக்காளர்களும், 63 மூன்றாம் பாலினத்தவரும் என மொத்தம் 11 லட்சத்து 65 ஆயிரத்து 160 வாக்காளர்கள் வாக்களிக்க தகுதி பெற்றிருந்தனர். 
இவர்களில் நேற்று முன்தினம் நடைபெற்ற தேர்தலில் 3 லட்சத்து 78 ஆயிரத்து 551 ஆண் வாக்காளர்களும், 4 லட்சத்து 32 ஆயிரத்து 67 பெண் வாக்காளர்களும், 7 மூன்றாம் பாலினத்தவரும் என மொத்தம் 8 லட்சத்து 10 ஆயிரத்து 625 பேர் வாக்களித்துள்ளனர். இது 69.60 சதவீதம் ஆகும். 

சதவீதம் 

பரமக்குடி தொகுதியில் 85 ஆயிரத்து 34 ஆண் வாக்காளர்களும், 95 ஆயிரத்து 431 பெண் வாக்காளர்களும், 3 மூன்றாம் பாலினத்தவரும் என மொத்தம் 1 லட்சத்து 80 ஆயிரத்து 468 பேர் வாக்களித்துள்ளனர். இது 70.51 சதவீதம் ஆகும். திருவாடானை சட்டமன்ற தொகுதியில் 91 ஆயிரத்து 956 ஆண் வாக்காளர்களும், 1 லட்சத்து 7 ஆயிரத்து 987 பெண் வாக்காளர்களும், 2 மூன்றாம் பாலினத்தவரும் என மொத்தம் 1 லட்சத்து 99 ஆயிரத்து 945 பேர் வாக்களித்துள்ளனர். இது 68.77 சதவீதம் ஆகும்.
ராமநாதபுரம் சட்டமன்ற தொகுதியில் 98 ஆயிரத்து 557 ஆண் வாக்காளர்களும், 1 லட்சத்து 13 ஆயிரத்து 580 பெண் வாக்காளர்களும், 1 மூன்றாம் பாலினத்தவரும் என மொத்தம் 2 லட்சத்து 12 ஆயிரத்து 138 பேர் வாக்களித்துள்ளனர். இது 68.77சதவீதம் ஆகும். முதுகுளத்தூர் சட்டமன்ற தொகுதியில் 1 லட்சத்து 3 ஆயிரத்து 4 ஆண் வாக்காளர்களும், 1 லட்சத்து 15 ஆயிரத்து 69 பெண் வாக்காளர்களும், ஒரு மூன்றாம் பாலினத்தவரும் என மொத்தம் 2 லட்சத்து 18 ஆயிரத்து 74 வாக்காளர்கள் வாக்களித்துள்ளனர். இது 70.38 சதவீதம் ஆகும். 

பெண்களே அதிகம் 

இந்த தேர்தலில் ஆண் வாக்காளர்களை விட பெண் வாக்காளர்கள் அதிகளவில் வாக்களித்துள்ளனர். குறிப்பாக ராமநாதபுரம். திருவாடானை, முதுகுளத்தூர் ஆகிய 3 தொகுதிகளில் ஆண்களை விட அதிகளவில் பெண்களே வாக்களித்துள்ளனர் என்பது குறிப்பிடத்தக்கது. 

தொடர்புடைய செய்திகள்

1. செய்யூர், மதுராந்தகம் தொகுதி வாக்குஎந்திரங்கள் வைக்கப்பட்ட மையத்தில் விடுதலை சிறுத்தைகள் கட்சி வேட்பாளர் தர்ணா
செய்யூர், மதுராந்தகம் தொகுதிக்குட்பட்ட வாக்குஎந்திரங்கள் வைக்கப்பட்ட மையத்தில் இணையசேவை வழங்கப்பட்டுள்ளதால் முறைகேடு நடக்க வாய்ப்பு இருப்பதாக கூறி செய்யூர் விடுதலை சிறுத்தைகள் கட்சி வேட்பாளர் தர்ணா போராட்டத்தில் ஈடுபட்டார்.
2. முதியவரை ஏமாற்றி வாக்குப்பதிவு செய்த சம்பவம் குறித்து போலீசார் தீவிர விசாரணை
முதியவரை ஏமாற்றி வாக்குப்பதிவு செய்யப்பட்ட சம்பவம் தொடர்பாக அதிகாரியிடம் வேட்பாளர் புகார் அளித்ததை தொடர்ந்து, அந்த சம்பவம் தொடர்பாக போலீசார் தீவிர விசாரணை நடத்தி வருகின்றனர்.
3. வாக்குப்பதிவு சதவீதத்தில் பாலக்கோடு முதலிடம்; வில்லிவாக்கத்துக்கு கடைசி இடம்
தமிழக சட்டசபை தேர்தலுக்கான வாக்குப்பதிவு 6-ந்தேதி நடைபெற்றது. அதில் 72.78 சதவீத வாக்குகள் பதிவாகியுள்ளன. அதிகபட்சமாக பாலக்கோடு தொகுதியில் 87.33 சதவீதமும், குறைந்தபட்சமாக வில்லிவாக்கத்தில் 55.52 சதவீதமும் பதிவாகியுள்ளன.
4. 7 தொகுதிகளிலும் பெண்கள் வாக்குப்பதிவு அதிகம்
மாவட்டத்தில் உள்ள 7 சட்டமன்ற தொகுதிகளிலும் ஆண் வாக்காளர்களை விட பெண் வாக்காளர்கள் தான் கூடுதலாக வாக்குப்பதிவு செய்துள்ளனர்.
5. வாக்குப்பதிவில் திருப்பத்தூர் தொகுதி அதிகம்
சிவகங்கை மாவட்ட வாக்குப்பதிவில் திருப்பத்தூர் தொகுதி அதிகம் பதிவாகி உள்ளது.