மாவட்ட செய்திகள்

சென்னை விமான நிலையத்தில் ஒரு மாதத்துக்கு பிறகு 104 விமானங்கள் இயக்கப்பட்டன + "||" + At the Chennai airport After a month 104 aircraft were operated

சென்னை விமான நிலையத்தில் ஒரு மாதத்துக்கு பிறகு 104 விமானங்கள் இயக்கப்பட்டன

சென்னை விமான நிலையத்தில் ஒரு மாதத்துக்கு பிறகு 104 விமானங்கள் இயக்கப்பட்டன
சென்னை விமான நிலையத்தில் ஒரு மாதத்துக்கு பிறகு 21 நகரங்களில் இருந்து 104 விமானங்கள் இயக்கப்பட்டன. கொரோனா பரவல் குறைந்து வருவதால் அடுத்த சில தினங்களில் இது மேலும் அதிகரிக்க வாய்ப்புள்ளதாக அதிகாரிகள் தெரிவித்தனர்.
ஆலந்தூர், 

கொரோனா 2-வது அலை காரணமாக தமிழகத்தில் கடந்த 3 வாரங்களாக முழு ஊரடங்கு அமல்படுத்தப்பட்டு உள்ளது. கொரோனா அச்சம் காரணமாக விமான பயணிகள் பலா் தங்களது வெளியூா் பயணங்களை ரத்து செய்து விட்டனா். இதனால் சென்னை உள்நாட்டு விமான நிலையத்தில் கடந்த சில மாதங்களாக குறைந்த பயணிகளுடன் விமான சேவை நடக்கிறது.

கடந்த மார்ச் மாதம் முதல் வாரத்தில் 250-க்கும் மேல் இருந்த விமான சேவை, இ-பாஸ் போன்ற உத்தரவால் பயணிகள் வரத்து குறைந்து ஏப்ரல் மாதத்தில் 204 ஆகவும், மே மாதத்தில் இருந்து மேலும் குறைந்து 70 விமானங்கள் மட்டுமே இயக்கப்பட்டன.

தற்போது கொரோனா பரவல் குறைந்து வருவதால் ஊரடங்கில் சில தளர்வுகளை அரசு அறிவித்து வருகிறது. குறிப்பாக தொழிற்சாலைகள், கட்டுமான பணிகள் போன்றவற்றுக்கும் சில தளர்வுகள் வழங்கப்பட்டு உள்ளன. இதனால் சென்னை விமான நிலையத்தில் மீண்டும் விமான சேவை படிப்படியாக அதிகரித்து வருகிறது.

சென்னை மீனம்பாக்கம் விமான நிலையத்தில் இருந்து நேற்று டெல்லி, ஐதராபாத், மும்பை, கோவை, பெங்களூரூ, மதுரை, திருச்சி, தூத்துக்குடி, ஆமதாபாத், கவுகாத்தி, கொச்சி உள்பட 19 நகரங்களுக்கு 51 விமானங்களில் 1,921 பேர் புறப்பட்டு சென்றனர். அதேபோல் 21 நகரங்களில் இருந்து சென்னைக்கு 53 விமானங்களில் 2,153 பேர் வந்தனர்.

சென்னை விமான நிலையத்தில் ஒரு மாதத்துக்கு பிறகு நேற்று 104 விமானங்கள் இயக்கப்பட்டன. என்றாலும் பெரும்பாலான விமானங்களில் பயணிகள் எண்ணிக்கை குறைவாகவே இருந்தது.

டெல்லிக்கு 5 விமானங்கள் இயக்கப்பட்ட நிலையில் 8 விமானங்களாகவும், மதுரைக்கு 2 விமானங்களில் இருந்து 5 விமானங்களாகவும், ஒரு விமானம் மட்டுமே இயக்கப்பட்ட மும்பைக்கு 5 விமானங்களும், கொல்கத்தாவுக்கு 4 விமானங்களும், திருச்சி, தூத்துக்குடி, கோவை, பாட்னா, விசாகப்பட்டினம் ஆகிய நகரங்களுக்கு தலா 2 விமானங்களும் இயக்கப்பட்டன.

கன்னூர், கொச்சி, திருவனந்தபுரம் ஆகிய நகரங்களில் இருந்து தலா ஒரு விமானம் சென்னைக்கு இயக்கப்பட்டன. கொரோனா 2-வது அலை குறைந்து வருவதால் அடுத்த சில தினங்களில் விமான சேவைகள் மேலும் அதிகரிக்க வாய்ப்பு உள்ளதாக அதிகாரிகள் தெரிவித்தனர்.

தொடர்புடைய செய்திகள்

1. சென்னை விமான நிலையத்தில் ரூ.22 லட்சம் தங்கம் பறிமுதல்
சென்னை மீனம்பாக்கம் பன்னாட்டு விமான நிலையத்துக்கு சார்ஜாவில் இருந்து விமானம் வந்தது. அதில் வந்த பயணிகளை, விமான நிலைய சுங்க இலாகா அதிகாரிகள் தீவிரமாக சோதனை செய்தனர்.
2. சென்னை விமான நிலையத்தில் ரூ.65 லட்சம் தங்கம் பறிமுதல்
சென்னை மீனம்பாக்கம் பன்னாட்டு விமான நிலையத்துக்கு துபாயில் இருந்து வரும் விமானத்தில் பெருமளவு தங்கம் கடத்தி வரப்படுவதாக சென்னை விமான நிலைய சுங்க இலாகா அதிகாரிகளுக்கு கொச்சி மத்திய வருவாய் புலனாய்வு துறை அதிகாரிகள் ரகசிய தகவல் அளித்தனர்.
3. சென்னை விமான நிலையத்தில் கப்பல் கேப்டனிடம் ‘சாட்டிலைட்’ போன் பறிமுதல்
சென்னை மீனம்பாக்கம் பன்னாட்டு விமான நிலையத்தில் இருந்து கத்தாருக்கு விமானம் சென்றது. அதில் செல்ல இந்தோனேசியா நாட்டைச்சோ்ந்த டெய்ஸ் சென்டோ (வயது 50) என்பவரது உடைமைகளை பாதுகாப்பு அதிகாரிகள் சோதனை செய்தனர்.
4. சென்னை விமான நிலையத்தில் குடியுரிமை சோதனை கவுண்ட்டர்களில் குவிந்த பயணிகள்
சென்னை விமான நிலையத்தில் ஒரே நேரத்தில் வெளிநாடுகளில் இருந்து 4 விமானங்களில் வந்த பயணிகள், குடியுரிமை சோதனை கவுண்ட்டர்களில் குவிந்தனர். இதனால் கொரோனா பரவும் அபாயம் ஏற்பட்டுள்ளதாக சமூக வலைதளங்களில் பரவிய வீடியோவால் பரபரப்பு ஏற்பட்டது.
5. சென்னை விமான நிலையத்தில் அதிநவீன கொரோனா பரிசோதனைக்கான கட்டணம் குறைப்பு
வெளிநாடுகளுக்கு செல்லும் பயணிகளுக்காக 30 நிமிடத்தில் முடிவு வரும் அதிநவீன கொரோனா பரிசோதனை கட்டணம் குறைக்கப்பட்டுள்ளது.