வண்டலூர், 

செங்கல்பட்டு மாவட்டம் வண்டலூரை அடுத்த கொளப்பாக்கம் அண்ணா நகர் அம்பேத்கர் தெருவை சேர்ந்தவர் சாம்சன் தினகரன் (வயது 65). இவரது 2-வது மனைவி ஜெனட் (52). இவர்கள் இருவரையும் கடந்த 17-ந்தேதி மர்ம நபர்கள் கொலை செய்து அவரது வீட்டில் உள்ள குடிநீர் தொட்டியில் உடலை வீசிவிட்டு சென்றனர்.

இது குறித்து ஒட்டேரி போலீஸ் இன்ஸ்பெக்டர் அசோகன் வழக்குப்பதிவு விசாரித்து வந்தார். 6 நாட்கள் ஆன பின்னரும் கொலையாளிகள் கைது செய்யப்பட வில்லை. இந்த கொலை சம்பவம் குறித்து செங்கல்பட்டு மாவட்ட போலீஸ் சூப்பிரண்டு விஜயகுமார் தனி கவனம் செலுத்தி 5 தனிப்படை அமைத்துள்ளார். இந்த கொலை நகைக்காக நடைபெற்றிருப்பது முதல்கட்ட விசாரணையில் தெரியவந்துள்ளது.

இந்த கொலை சம்பவம் குறித்து செங்கல்பட்டு மாவட்ட போலீஸ் சூப்பிரண்டு விஜயகுமார் கூறியதாவது:-

கொளப்பாக்கத்தில் கணவன், மனைவி கொலை சம்பவத்தில் ஈடுபட்ட கொலையாளிகளை மிக விரைவில் பிடித்து விடுவோம், தொடர்ந்து புலன் விசாரணை நடந்து வருகிறது.

இவ்வாறு அவர் கூறினார்.