மாவட்ட செய்திகள்

அரும்பாக்கம் கூவம் நதிக்கரையோரம் குடியிருப்பவர்களை மறுகுடியமர்வு செய்யும் வரை ஆக்கிரமிப்புகளை இடிக்க கூடாது + "||" + Occupancies should not be demolished until the resettlement of residents along the Arumbakkam Koovam river

அரும்பாக்கம் கூவம் நதிக்கரையோரம் குடியிருப்பவர்களை மறுகுடியமர்வு செய்யும் வரை ஆக்கிரமிப்புகளை இடிக்க கூடாது

அரும்பாக்கம் கூவம் நதிக்கரையோரம் குடியிருப்பவர்களை மறுகுடியமர்வு செய்யும் வரை ஆக்கிரமிப்புகளை இடிக்க கூடாது
அரும்பாக்கம் கூவம் நதிக்கரையோரம் குடியிருப்பவர்களை மறுகுடியமர்வு செய்யும் வரை ஆக்கிரமிப்புகளை இடிக்க கூடாது மாநகராட்சி அறிவுறுத்தல்.
சென்னை,

பெருநகர சென்னை மாநகராட்சி வெளியிட்டுள்ள செய்திக்குறிப்பில் கூறப்பட்டிருப்பதாவது:-

சென்னை நதிகள் மறுசீரமைப்பு அறக்கட்டளை திட்டத்தின் கீழ் கூவம் நதியோரம் உள்ள ஆக்கிரமிப்புகளை அகற்றி அங்கு வசித்து வரும் குடும்பங்கள் தமிழ்நாடு குடிசைப் பகுதி மாற்றுவாரிய குடியிருப்புகளில் மறுகுடியமர்வு செய்யப்பட்டு வருகின்றனர். நீர்நிலைகளின் கரையோரங்களில் உள்ள ஆக்கிரமிப்புகளை அகற்றும் ஒரு பகுதியாக அரும்பாக்கம் ராதாகிருஷ்ணன் நகர் பகுதியில் கூவம் நதிக்கரையோரம் 243 குடியிருப்புகள் ஆக்கிரமிப்புகள் என கண்டறியப்பட்டு அவற்றை அகற்ற மாநகராட்சியின் சார்பில் நடவடிக்கைகள் மேற்கொள்ளப்பட்டன. இவர்களில் 93 ஆக்கிரமிப்பு குடும்பங்களுக்கு புளியந்தோப்பு பகுதியில் உள்ள கே.பி. பார்க் தமிழ்நாடு குடிசைப் பகுதி மாற்று வாரிய குடியிருப்பில் ரூ.15 லட்சம் மதிப்பிலான நவீன வீடுகள் ஒதுப்பட்டு மறுகுடியமர்த்தபட்டுள்ளனர்.


மேலும் ராதாகிருஷ்ணன் நகர் பகுதியில் ஆக்கிரமிப்புகள் அகற்றப்படும்போது பொதுமக்கள் அளித்த கோரிக்கை மனுக்கள் பரிசீலிக்கப்பட்டு தகுதியுள்ள நபர்களுக்கு விதிமுறைகளுக்குட்பட்டு தமிழ்நாடு குடிசைப் பகுதி மாற்றுவாரிய குடியிருப்பில் வீடுகள் ஒதுக்கீடு செய்ய நடவடிக்கை மேற்கொள்ளப்படும்.

எனவே, ஆக்கிரமிப்பு பகுதியில் குடியிருக்கும் எஞ்சிய மக்கள் அனைவருக்கும் தமிழ்நாடு குடிசைப் பகுதி மாற்றுவாரிய குடியிருப்புகளில் வீடுகள் ஒதுக்கீடு பெறப்பட்டு முறையாக மறுகுடியமர்வு செய்யப்படும் வரை ஆக்கிரமிப்புகளை இடிக்க கூடாது என பொதுப்பணித்துறைக்கு மாநகராட்சியின் சார்பில் அறிவுறுத்தப்பட்டுள்ளது.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. 68 தமிழக மீனவர்களையும் மீட்க துரித நடவடிக்கை மத்திய அரசுக்கு மதுரை ஐகோர்ட்டு அறிவுறுத்தல்
புத்தாண்டை குடும்பத்தினருடன் கொண்டாடும் வகையில் 68 தமிழக மீனவர்களையும் மீட்க துரித நடவடிக்கை எடுக்கும்படி மத்திய அரசுக்கு மதுரை ஐகோர்ட்டு அறிவுறுத்தி உள்ளது.
2. கொரோனா பாதிப்பு; கலெக்டர்களுக்கு சுகாதார துறை அறிவுறுத்தல்
தமிழகத்தில் கொரோனா பாதிப்பு கூடினால் அதனை எதிர்கொள்ள தயாராக இருங்கள் என மாவட்ட கலெக்டர்களுக்கு சுகாதார துறை அறிவுறுத்தி உள்ளது.
3. திரைப்பட விமா்சனங்களை தவிா்க்க பா.ஜ.க.வினருக்கு அண்ணாமலை அறிவுறுத்தல்
திரைப்பட விமா்சனங்களை தவிா்க்கும்படி கட்சி நிா்வாகிகளை தமிழக பா.ஜ.க. தலைவா் அண்ணாமலை அறிவுறுத்தியுள்ளாா்.
4. சுரங்கப்பாதையில் தேங்கிய மழைநீர் ராட்சத மோட்டார் மூலம் வெளியேற்றம் மாநகராட்சி நடவடிக்கை
சென்னையில் கனமழையால் சுரங்கப்பாதைகளில் தேங்கி நின்ற மழைநீரை ராட்சத மோட்டார் மூலம் மாநகராட்சி அதிகாரிகள் வெளியேற்றினார்கள்.
5. வாக்காளர் பட்டியல் பணிகளில் அ.தி.மு.க.வினர் முனைப்போடு செயல்பட வேண்டும் ஓ.பன்னீர்செல்வம், எடப்பாடி பழனிசாமி அறிவுறுத்தல்
வாக்காளர் பட்டியல் பணிகளில் அ.தி.மு.க.வினர் முனைப்போடு செயல்பட வேண்டும் என்று ஓ.பன்னீர்செல்வம், எடப்பாடி பழனிசாமி அறிவுறுத்தியுள்ளனர்.