மாவட்ட செய்திகள்

மோசமான வானிலையால் சீரடி விமானம் ரத்து சென்னையில் பயணிகள் வாக்குவாதம் + "||" + Siradi flight canceled due to bad weather

மோசமான வானிலையால் சீரடி விமானம் ரத்து சென்னையில் பயணிகள் வாக்குவாதம்

மோசமான வானிலையால் சீரடி விமானம் ரத்து சென்னையில் பயணிகள் வாக்குவாதம்
மோசமான வானிலையால் சீரடி செல்ல இருந்த விமானம் ரத்து செய்யப்பட்டது. இதனால் சென்னை விமான நிலையத்தில் விமான நிறுவன அதிகாரிகளுடன் பயணிகள் வாக்குவாதத்தில் ஈடுபட்டனர்.
ஆலந்தூர்,

சென்னை மீனம்பாக்கம் உள்நாட்டு விமான நிலையத்தில் இருந்து சீரடிக்கு நேற்று மதியம் 2 மணிக்கு விமானம் புறப்பட தயாரானது. அந்த விமானத்தில் 190 பயணிகள், பயணம் செய்ய இருந்தனா். பயணிகள் 12.30 மணிக்கே சென்னை விமான நிலையம் வந்துவிட்டனர்.


ஆனால் சீரடியில் மோசமான வானிலை நிலவுவதால் விமானம் தாமதமாக புறப்படும் என்று தனியாா் விமான நிறுவன அதிகாரிகள் அறிவித்தனா். இதனால் பயணிகள், விமான நிலையத்தில் காத்திருந்தனா். சிறிது நேரத்தில் சீரடியில் வானிலை இன்னும் சரியாகவில்லை. எனவே விமானம் ரத்து செய்யப்படுகிறது. சீரடிக்கு நாளை(அதாவது இன்று) விமானம் புறப்பட்டு செல்லும் என்று அறிவித்தனா்.

இதை கேட்ட பயணிகள் அதிா்ச்சி அடைந்தனா். சீரடிக்கு செல்பவா்கள் 48 மணி நேரத்துக்கு முன்பு கொரோனா தொற்று இல்லை என்ற சான்றிதழுடன்தான் பயணிக்க வேண்டும். நாளைக்கு பயணம் என்றால் ஏற்கனவே செய்த கொரோனா பரிசோதனை சான்றிதழ் காலாவதி ஆகிவிடும். மீண்டும் புதிய பரிசோதனை சான்றிதழ் எடுக்க வேண்டிய நிலை ஏற்படும் என்று கூறி விமான நிறுவன அதிகாரிகளுடன் பயணிகள் வாக்குவாதத்தில் ஈடுபட்டனர். மேலும் இதில் தங்களுக்கு விதிவிலக்கு அளிக்க வேண்டும் என்றும் கோரிக்கை விடுத்தனர்.

ஆனால் விமான நிறுவனம், எங்கள் மீது தவறு எதுவும் இல்லை. மோசமான வானிலையால் விமானம் ரத்து செய்யப்பட்டது என்று கூறிவிட்டனா். வாக்குவாதம் செய்த பயணிகளை விமான நிலைய அதிகாரிகளும், பாதுகாப்பு அதிகாரிகளும் அமைதிப்படுத்தி அனுப்பி வைத்தனா்.

இது போல் சீரடியில் இருந்து மாலை 6 மணிக்கு சென்னை வரவேண்டிய பயணிகள் விமானமும் ரத்து செய்யப்பட்டது. அந்த விமானத்தில் சென்னை வர இருந்த 105 பயணிகளும் சீரடியில் தவித்து கொண்டிருக்கின்றனா்.

மோசமான வானிலை காரணமாக சென்னையில் இருந்து சீரடிக்கும், சீரடியில் இருந்து சென்னைக்கும் 2 விமானங்கள் ரத்து செய்யப்பட்டதால் 295 பயணிகள் அவதிக்கு உள்ளானார்கள்.

தொடர்புடைய செய்திகள்

1. சென்னை - திருப்பதி ரயில்கள் திடீர் ரத்து..!
சென்னையில் இருந்து திருப்பதிக்கு இயக்கப்படக்கூடிய இரண்டு ரயில்கள் 17 , 18 ஆகிய தேதிகளில் ரத்து செய்யப்படுவதாக தெற்கு ரயில்வே தெரிவித்துள்ளது.
2. மாற்றுத்திறனாளி குழந்தையை விமானத்தில் ஏறவிடாமல் ஊழியர்கள் தடுத்து நிறுத்தியதாக புகார்; இண்டிகோ நிறுவனம் விளக்கம்
இண்டிகோ விமான நிறுவன ஊழியர்கள் மாற்றுத்திறனாளி குழந்தையுடன் வந்த பெற்றோரை விமானத்தில் ஏற விடாமல் தடுத்தனர் என்று சமூக வலைதளங்களில் பதிவிடப்பட்டது.
3. எரிபொருள் விலை உயர்வு; நைஜீரிய விமான சேவை மே 9 முதல் தற்காலிக ரத்து
எரிபொருள் விலை உயர்வை முன்னிட்டு நைஜீரிய விமான நிறுவனங்கள் மே 9 முதல் அடுத்த அறிவிப்பு வெளியிடும் வரை தற்காலிக ரத்து செய்யப்படுகின்றன.
4. நிலக்கரி பற்றாக்குறை; 42 ரெயில்கள் நாடு முழுவதும் காலவரையின்றி ரத்து
நிலக்கரி கொண்டு செல்லும் சரக்கு ரெயில் செல்வதற்காக 42 ரெயில்கள் நாடு முழுவதும் காலவரையின்றி ரத்து செய்யப்படுகின்றன.
5. சீனர்களுக்கு வழங்கிய சுற்றுலா விசா ரத்து; இந்தியா அதிரடி நடவடிக்கை
ஆயிரக்கணக்கான இந்திய மாணவர்களின் கல்வி கேள்விக்குறியான சூழலில், சீனர்களுக்கு வழங்கிய சுற்றுலா விசாவை இந்தியா ரத்து செய்து உள்ளது.