பட்ஜெட்

மோடி அரசின் கனவுத் திட்டம்: 2022-ம் ஆண்டுக்குள் அனைவருக்கும் வீடு - ரூ.45 லட்சம் வீட்டு கடன்களுக்கு கூடுதல் வட்டிச்சலுகை + "||" + Modi government's dream plan: By the year 2022 Home for everyone - Additional Interest Rate for Home Loans of Rs.45 Lakhs

மோடி அரசின் கனவுத் திட்டம்: 2022-ம் ஆண்டுக்குள் அனைவருக்கும் வீடு - ரூ.45 லட்சம் வீட்டு கடன்களுக்கு கூடுதல் வட்டிச்சலுகை

மோடி அரசின் கனவுத் திட்டம்: 2022-ம் ஆண்டுக்குள் அனைவருக்கும் வீடு - ரூ.45 லட்சம் வீட்டு கடன்களுக்கு கூடுதல் வட்டிச்சலுகை
2022-ம் ஆண்டுக்குள் அனைவருக்கும் வீடு என்ற கனவு திட்டத்தை நிறைவேற்றப்போவதாக மோடி அரசு பட்ஜெட்டில் அறிவித்துள்ளது. ரூ.45 லட்சம் வரையிலான வீட்டு கடன்களுக்கு கூடுதல் வட்டிச்சலுகையும் அறிவிக்கப்பட்டுள்ளது.
புதுடெல்லி,

குடியிருக்க சொந்தமாக ஒரு வீடு என்பதுதான் மனிதராகப் பிறந்த அத்தனைபேரின் கனவாக இருக்கிறது. ஆனால் அத்தனைபேருக்கும் அது சாத்தியம் இல்லை. குறிப்பாக கீழ்மட்ட நடுத்தர வர்க்கத்தினர், அடிமட்டத்தினருக்கு சொந்த வீடு என்பது நிறைவேறாமல் போய் விடுகிறது.


இந்த நிலையை மாற்றுவதற்கு அனைவருக்கும் வீடு என்ற கனவு திட்டத்தை மத்தியில் அமைந்துள்ள மோடி அரசு நிறைவேற்ற உள்ளது. இதை பட்ஜெட்டில் நிதி மந்திரி நிர்மலா சீதாராமன் அறிவித்துள்ளார்.

இதுபற்றி அவர் கூறியதாவது:-

பிரதம மந்திரி அவாஸ் யோஜனா திட்டத்தின் நோக்கம், 2022-ம் ஆண்டுக்குள் அனைவருக்கும் வீடு வழங்குவது ஆகும்.

கடந்த 5 ஆண்டுகளில் 1 கோடியே 54 லட்சம் கிராமப்புற வீடுகள் கட்டி முடிக்கப்பட்டுள்ளன.

இரண்டாவது கட்டமாக 2019-20-ல் இருந்து 2021-22 வரையில் தகுதி வாய்ந்த பயனாளிகளுக்கு 1 கோடியே 95 லட்சம் வீடுகள் வழங்க திட்டமிடப்பட்டுள்ளது.

இந்த வீடுகளில் கழிவறை, மின்சாரம், சமையல் கியாஸ் இணைப்பு போன்ற வசதிகள் வழங்கப்படும்.

தொழில் நுட்பத்தின் பயன்பாடு, நேரடி பயன்பாடு மாற்றம் ஆகியவற்றின் காரணமாக ஒரு வீடு கட்டி முடிப்பதற்கான கால கட்டம் 2015-16-ம் ஆண்டில் 314 என்று இருந்தது, 2017-28-ல் 114 நாட்களாக குறைந்துள்ளது. இவ்வாறு அவர் கூறினார்.

அனைவருக்கும் வீடு, மலிவு விலை வீடு என்ற நோக்கத்தை அடைவதற்காக வட்டி சலுகை வழங்கப்பட்டு வருகிறது.

அதாவது 2020-ம் ஆண்டு மார்ச் மாதம் 31-ந் தேதி வரை ரூ.45 லட்சம் வரையில் வாங்கிய வீட்டு கடன்களுக்கு வட்டியில் ரூ.2 லட்சம் சலுகை வழங்கப்படுகிறது. இந்த நிலையில் மேலும் ரூ.1½ லட்சம் வட்டியில் சலுகை அறிவிக்கப்பட்டுள்ளது.

இதன்மூலம் வீட்டுக்கடன் வட்டிச்சலுகை ரூ.3½ லட்சமாக உயர்கிறது. அதே நேரத்தில் 15 ஆண்டுகளில் திரும்ப செலுத்தத்தக்க வீட்டு கடன்களில் இந்த வட்டிச்சலுகை ரூ.7 லட்சமாக இருக்கும் என பட்ஜெட்டில் கூறப்பட்டுள்ளது.



தொடர்புடைய செய்திகள்

1. ஜெய்சங்கருடன் பேச்சுவார்த்தை: மோடியுடன் அமெரிக்க வெளியுறவு மந்திரி சந்திப்பு - இரு தரப்பு உறவை வலுப்படுத்த முக்கிய ஆலோசனை நடத்தினர்
பிரதமர் மோடியை அமெரிக்க வெளியுறவு மந்திரி மைக் பாம்பியோ சந்தித்து பேசினார். இரு தரப்பு உறவை மேலும் வலுப்படுத்துவது தொடர்பாக அவர்கள் முக்கிய ஆலோசனை நடத்தினர்.
2. மோடி: துலாபார பூக்களின் பின்னணி ரகசியங்கள்
பிரதமர் நரேந்திர மோடி மீண்டும் பிரதமராக தேர்ந்தெடுக்கப்பட்ட பின்பு குருவாயூர் கோவிலில் வழிபாடு செய்தார். அப்போது துலாபாரம் நடத்தி, தனது எடைக்கு எடை தாமரை பூக்களை இறைவனுக்கு சமர்ப்பணம் செய்தார்.
3. மோடியும், இம்ரான்கானும் நலம் விசாரித்தனர்
கிர்கிஸ்தான் நாட்டில் பிஷ்கேக் நகரில் நடைபெற்ற ஷாங்காய் ஒத்துழைப்பு அமைப்பின் மாநாட்டில் பிரதமர் நரேந்திர மோடி பங்கேற்றார்.
4. கிர்கிஸ்தான் நாட்டில் ஷாங்காய் ஒத்துழைப்பு மாநாட்டின்போது சீன அதிபருடன் பிரதமர் மோடி சந்திப்பு
கிர்கிஸ்தான் நாட்டில் ஷாங்காய் ஒத்துழைப்பு மாநாட்டின்போது சீன அதிபர் ஜின்பிங்கை பிரதமர் மோடி சந்தித்து பேசினார். ரஷிய அதிபர் புதினையும் அவர் சந்தித்து பேச்சுவார்த்தை நடத்தினார்.
5. மோடியுடன் ஒடிசா முதல்-மந்திரி சந்திப்பு: ‘பானி’ புயல் பாதிப்பால் மாநிலத்துக்கு சிறப்பு அந்தஸ்து கோரினார்
பிரதமர் மோடியை ஒடிசா முதல்-மந்திரி நேற்று சந்தித்தார். அந்த சந்திப்பில் ‘பானி’ புயல் பாதிப்பால் மாநிலத்துக்கு சிறப்பு அந்தஸ்து வழங்குமாறு கோரிக்கை விடுத்தார்.