<
இந்தியாவுக்கு எதிரான டெஸ்ட்: வெஸ்ட்இண்டீஸ் தனது முதல் இன்னிங்சில் 222 ரன்களில் ஆல் -அவுட்
இந்திய அணிக்கு எதிரான முதலாவது டெஸ்ட் கிரிக்கெட் போட்டியில் வெஸ்ட்இண்டீஸ் அணி தனது முதல் இன்னிங்சில் 222 ரன்கள் எடுத்துள்ளது.
ஆன்டிகுவா,
இந்தியா மற்றும் வெஸ்ட்இண்டீஸ் அணிகளுக்கு இடையேயான முதலாவது டெஸ்ட் கிரிக்கெட் போட்டி நடைபெற்று வருகிறது.
இதில் டாஸ் வென்ற வெஸ்ட்இண்டீஸ் அணி பந்து வீச்சை தேர்வு செய்தது. இதனையடுத்து முதலில் களமிறங்கிய இந்திய அணி, தனது முதல் இன்னிங்சில் அனைத்து விக்கெட்டுகளையும் இழந்து 297 ரன்கள் எடுத்தது.
இந்திய அணியில் அதிகபட்சமாக ரஹானே 81 ரன்களும், ரவீந்திர ஜடேஜா 58 ரன்களும், ராகுல் 44 ரன்களும் எடுத்தனர். வெஸ்ட்இண்டீஸ் அணியில் கெமார் ரோச் 4 விக்கெட்டுகளும், கேப்ரியல் 3 விக்கெட்டுகளும், ரோஸ்டன் சேஸ் 2 விக்கெட்டுகளும், ஜாசன் ஹோல்டர் 1 விக்கெட்டும் வீழ்த்தினர்.
இதனையடுத்து, தனது முதல் இன்னிங்சை விளையாடிய வெஸ்ட்இண்டீஸ் அணி 3-வது நாள் ஆட்டத்தில் அனைத்து விக்கெட்டுகளையும் இழந்து 222 ரன்கள் எடுத்துள்ளது. வெஸ்ட்இண்டீஸ் அணியில் அதிகபட்சமாக ரோஸ்டன் சேஸ் 48 ரன்களும், ஜாசன் ஹோல்டர் 39 ரன்களும் எடுத்தனர்.
இந்திய அணியில் இஷாந்த் சர்மா 5 விக்கெட்டுகளை சாய்த்தார். மேலும் ரவீந்திர ஜடேஜா மற்றும் முகமது ஷமி 2 விக்கெட்டுகளும், ஜஸ்பிரித் பும்ரா 1 விக்கெட்டும் வீழ்த்தினர்.
இதனையடுத்து, 75 ரன்கள் முன்னிலையுடன் இந்திய அணி களமிறங்கி விளையாடி வருகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
