தோனி சூப்பர் ஹீரோவாக இடம்பெறும் ‘அதர்வா - தி ஆரிஜின்’ மோஷன் போஸ்டர் வெளியீடு..!


தோனி சூப்பர் ஹீரோவாக இடம்பெறும் ‘அதர்வா - தி ஆரிஜின்’ மோஷன் போஸ்டர் வெளியீடு..!
x
தினத்தந்தி 2 Feb 2022 2:01 PM GMT (Updated: 2 Feb 2022 2:01 PM GMT)

கிரிக்கெட் வீரர் தோனி சூப்பர் ஹீரோவாக இடம்பெறும் கிராஃபிக் நாவலான அதர்வா - தி ஆரிஜினின் மோஷன் போஸ்டர் வெளியிடப்பட்டுள்ளது.

புதுடெல்லி, 

காமிக் பிரியர்களுக்கும், கிரிக்கெட் வீரர் எம்.எஸ். தோனி ரசிகர்களுக்கும் மகிழ்ச்சியைத் தரும் வகையில், மிடாஸ் டீல்ஸ் பிரைவேட் லிமிடெட் உடன் இணைந்து விர்சு ஸ்டுடியோ தனது வரவிருக்கும் மெகா பட்ஜெட் கிராஃபிக் நாவலான 'அதர்வா - தி ஆரிஜின்' மோஷன் போஸ்டரை இன்று வெளியிட்டது. 

அதன் அதிகாரப்பூர்வ மோஷன் போஸ்டரை எம்எஸ் தோனி தனது அதிகாரப்பூர்வ பேஸ்புக்கில் இன்று வெளியிட்டார். மோஷன் போஸ்டரில் தோனியின் முரட்டுத்தனமான தோற்றம் உள்ளது, ரசிகர்களுக்கு அதர்வாவின் உலகத்தைப் பற்றிய ஒரு பார்வையை அளிக்கிறது, மேலும் கிரிக்கெட் வீரரின் சூப்பர் ஹீரோவின் முதல் தோற்றத்தைப் பற்றிய ஒரு கண்ணோட்டத்தையும் வழங்குகிறது.

இதுதொடர்பாக தோனி கூறுகையில், “இந்த பிரம்மாண்டமான புதிய முயற்சியில் நானும் இணைந்ததில் நான் மிகவும் மகிழ்ச்சியடைகிறேன், இது உண்மையிலேயே ஒரு அற்புதமான முயற்சியாகும். அதர்வா - தி ஆரிஜின் ஒரு ஈர்க்கும் கதையும் மற்றும் அதிஅற்புதமான கலைத்தன்மையும் கொண்ட வசீகரிக்கும் கிராபிக் நாவல். எழுத்தாளர் ரமேஷ் தமிழ்மணியின் தொலைநோக்குப் பார்வையில் நான் மிகவும் ஈர்க்கப்பட்டேன், சமகாலத்திய தொடர்புடன் இந்தியாவின் முதல் புராண சூப்பர் ஹீரோவை அறிமுகப்படுத்தும் அவரது ஐடியாவை கேட்டவுடனே, சம்மதித்தேன்” என்று அவர் தெரிவித்தார். 

அதர்வா- தி ஆரிஜின் என்பது உலகத்தரம் வாய்ந்த தொழில்நுட்பத்தைப் பயன்படுத்தி உருவாக்கப்பட்ட அதன் தெளிவான விளக்கப்படங்களுடன் ஒரு புதிய அத்தியாயத்தைத் தொடங்கும் மிகவும் எதிர்பார்க்கப்பட்ட புதிய கால கிராஃபிக் நாவல் ஆகும். முன்கூட்டிய ஆர்டர் இந்த மாதம் தொடங்கும் மற்றும் அதிகாரப்பூர்வ வெளியீட்டு தேதி விரைவில் அறிவிக்கப்படும் என்று தெரிவிக்கப்பட்டுள்ளது.



Next Story