நெசவு தொழில் செய்யும் இடத்தில் கழிப்பறை கட்டக்கூடாது; செங்குந்தர் மகாஜன சங்கத்தினர் கலெக்டரிடம் மனு


நெசவு தொழில் செய்யும் இடத்தில் கழிப்பறை கட்டக்கூடாது; செங்குந்தர் மகாஜன சங்கத்தினர் கலெக்டரிடம் மனு
x
தினத்தந்தி 15 Dec 2016 10:45 PM GMT (Updated: 2016-12-16T03:22:23+05:30)

நெசவு தொழில் செய்யும் இடத்தில் கழிப்பறை கட்டக்கூடாது; செங்குந்தர் மகாஜன சங்கத்தினர் கலெக்டரிடம் மனு

ஈரோடு,

தென் இந்திய செங்குந்தர் மகாஜன சங்கத்தின் மாநில தலைவர் செல்வராஜ், ஒருங்கிணைப்பாளர் லோகநாதன் உள்பட 20 பேர் ஈரோடு மாவட்ட கலெக்டர் முகாம் அலுவலகத்துக்கு வந்து மாவட்ட கலெக்டர் எஸ்.பிரபாகரிடம் ஒரு கோரிக்கை மனு கொடுத்தனர். அந்த மனுவில் கூறப்பட்டு இருந்ததாவது:-

அவல்பூந்துறை பகுதியில் செங்குந்தர் முதலியார் இனத்தை சேர்ந்த சுமார் 300 குடும்பத்தினர் வசித்து வருகிறோம். நாங்கள் அனைவரும் நெசவு தொழில் செய்து வருகிறோம். எங்கள் தொழிலுக்கு அடிப்படையான பாவு தோயும் இடமாக பாவடி என்ற இடம் எங்களுடைய அனுபவத்தில் பல தலைமுறைகளாக இருந்து வருகிறது. தற்போது இந்த இடத்தில் பேரூராட்சியின் சார்பில் கழிவறைகளுடன் கூடிய பயணிகள் நிழற்குடை ரூ.10 லட்சம் செலவில் அமைக்கப்பட உள்ளதாக விளம்பர பலகை வைக்கப்பட்டு உள்ளது. எனவே நாங்கள் நெசவு செய்து வரும் பாவடி இடத்தில் கழிப்பறை கட்டக்கூடாது.

இவ்வாறு அந்த மனுவில் அவர்கள் கூறி இருந்தார்கள்.

Next Story