ஜல்லிக்கட்டுக்கு ஆதரவு சினிமா காட்சிகள் இன்று ரத்து

ஜல்லிக்கட்டு தடையை நீக்கக்கோரி மாணவர்கள், இளைஞர்கள் நடத்தும் போராட்டத்துக்கு ஆதரவாக தமிழ் திரையுலகினரும் களம் இறங்கி இருக்கிறார்கள். சினிமா படப்பிடிப்புகள் நேற்று ரத்து செய்யப்பட்டன. நடிகர்-நடிகைகள் உண்ணாவிரத போராட்டம் இன்று நடக்கிறது. இந்த நிலையில் திரையரங்குகளும் இன்று மூடப்படுகின்றன.

இதுகுறித்து தமிழ்நாடு திரையரங்குகள் உரிமையாளர்கள் சம்மேளன தலைவர் அபிராமி ராமநாதன் நேற்று வெளியிட்ட அறிக்கையில், “ஜல்லிக்கட்டுக்கு ஆதரவாக இன்று (20-ந் தேதி) தமிழகம் முழுவதும் திரையரங்குகள் மூடப்படுகின்றன. காலை முதல் மாலை 6 மணிவரை படகாட்சிகள் ரத்து செய்யப்படுகிறது” என்று கூறியுள்ளார்.

தமிழகம் முழுவதிலும் உள்ள 1200-க்கும் மேற்பட்ட தியேட்டர்களில் சினிமா காட்சிகள் இன்று நிறுத்தப்படுகிறது. ஜல்லிக்கட்டு போராட்டத்தால் புதிய படங்கள் திரைக்கு வருவதும் தள்ளிவைக்கப்பட்டு உள்ளது.