ஜல்லிக்கட்டுக்கு ஆதரவாக கல்லூரி மாணவர்கள் ரெயில் மறியல்

செங்கல்பட்டு,

ஜல்லிக்கட்டுக்கு ஆதரவாகவும் பீட்டா அமைப்புக்கு தடை விதிக்க கோரியும் செங்கல்பட்டு அரசு சட்டக்கல்லூரி மாணவர்கள், அரசு மருத்துவக்கல்லூரி மாணவர்கள், அரசு கலைக்கல்லூரி மாணவர்கள் பேரணியாக செங்கல்பட்டு ரெயில் நிலையத்திற்கு நடந்து சென்றனர்.

ரெயில் நிலையத்திற்குள் நுழைந்த அவர்கள் சோழன் எக்ஸ்பிரஸ் ரெயில் மற்றும் மின்சார ரெயிலை மறித்து போராட்டத்தில் ஈடுபட்டனர்.

தகவல் அறிந்து சம்பவ இடத்திற்கு வந்த ரெயில்வே போலீசார் மாணவர்களை சமாதானப்படுத்தி அனுப்பி வைத்தனர்.