அரக்கோணம் தாலுகா அலுவலகம் முன்பு தேசிய கொடியுடன் முதியவர் போராட்டம்

அரக்கோணம்,

பின்னர் அவர் நிருபர்களிடம் கூறியதாவது:-

அரக்கோணம் அருகே வளர்புரம் கிராமத்தில் உள்ள என்னுடைய நிலத்தை வேறு நபர்களுக்கு பட்டா செய்து கொடுத்துள்ளனர். அதை உடனடியாக நீக்கி எனக்கு மாற்றித்தர வேண்டும். இது குறித்து கடந்த 8 ஆண்டுகளாக கலெக்டர் அலுவலகம், தாலுகா அலுவலகம் சென்று மனு கொடுத்து உள்ளேன். அதிகாரிகள் மனுவை பெற்றுக்கொண்டு எந்தவித நடவடிக்கையும் எடுக்கவில்லை.

கலெக்டர் அலுவலகத்தில் 2 முறையும், அரக்கோணம் தாலுகா அலுவலகம் முன்பாக 2 முறையும் போராட்டம் நடத்தி உள்ளேன். போராட்டம் நடத்தும்போது பேச்சுவார்த்தை நடத்தி அனுப்பி வைத்து விடுகின்றனர். அதன் பின்னர் எதுவும் செய்வதில்லை. தற்போது 3-வது முறையாக போராட்டம் நடத்துகிறேன். எனது நிலப்பிரச்சினைக்கு அரசு தீர்வு ஏற்படுத்தி தரவில்லை என்றால் தொடர்ந்து போராட்டம் நடத்துவேன்.

இவ்வாறு அவர் கூறினார்.

இதுகுறித்து வருவாய் துறையினர் விசாரணை நடத்தி வருகின்றனர்.