மூதாட்டி மர்ம சாவு; போலீசார் விசாரணை

பாடாலூர்,

பெரம்பலூர் மாவட்டம் ஆலத்தூர் தாலுகா பாடாலூர் அருகே உள்ள திருவிளக்குறிச்சி கிராமத்தை சேர்ந்தவர் அமிர்தம் (வயது60). இவர் நேற்று முன்தினம் இரவு பாடாலூர் வந்து விட்டு மீண்டும் ஊருக்கு செல்வதற்காக பாடாலூர் பஸ் நிறுத்தத்தில் பஸ்சுக்காக காத்திருந்தார். அப்போது அவர் நீண்ட நேரம் பஸ் நிறுத்தத்தில் அமர்ந்து இருந்தார். இந்நிலையில் நேற்று காலையில் பார்த்தபோது அவர் பஸ் நிறுத்தத்தில் மர்மமான முறையில் இறந்து கிடந்தார். இதனை அந்த வழியாக சென்ற பொதுமக்கள் பார்த்து பாடாலூர் போலீஸ் நிலையத்திற்கு தகவல் கொடுத்தனர். தகவலின் பேரில் போலீசார் சம்பவ இடத்திற்கு விரைந்து வந்து அமிர்தம் உடலை கைப்பற்றி பிரேத பரிசோதனைக்காக பெரம்பலூர் அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்திவருகின்றனர்.