கொரட்டூரில் மூதாட்டியிடம் நகை பறிப்பு

ஆவடி,

சென்னை கொரட்டூர் வீட்டுவசதி வாரிய குடியிருப்பைச் சேர்ந்தவர் ஜெயந்தி(வயது 62). இவர், நேற்று காலை பக்கத்து தெருவில் உள்ள கடைக்கு சென்று விட்டு வீட்டுக்கு நடந்து வந்து கொண்டிருந்தார்.

அப்போது அவருக்கு எதிரே மோட்டார் சைக்கிளில் வந்த 2 மர்மநபர்கள் திடீரென ஜெயந்தியின் கழுத்தில் அணிந்து இருந்த 4 பவுன் தங்க சங்கிலியை பறித்துச் சென்று விட்டனர். இதுபற்றி கொரட்டூர் போலீசார் வழக்குப்பதிவு செய்து விசாரித்து வருகின்றனர்.