சங்கடஹர சதுர்த்தியையொட்டி விநாயகர் கோவில்களில் சிறப்பு வழிபாடு திரளான பக்தர்கள் சாமி தரிசனம்

வேதாரண்யம்

வேதாரண்யம் நகரில் அமைந்துள்ள அச்சம் தீர்த்த விநாயகர் கோவிலில் சங்கடஹர சதுர்த்தியையொட்டி சிறப்பு வழிபாடு நடைபெற்றது. முன்னதாக விநாயகருக்கு சிறப்பு அபிஷேகம் செய்யப்பட்டு, வண்ணமலர்களால் அலங்கரிக்கப்பட்டு தீபாராதனை காண்பிக்கப்பட்டது. நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதுபோல வேதாரண்யம் நகரில் உள்ள கற்பக விநாயகர், கட்சுவான் முனிஸ்வரர் கோவிலில் உள்ள விநாயகர், இலக்கு அறிவித்த விநாயகர், சேது சாலையில் உள்ள சித்தி விநாயகர் கோவில், மண்டபகுளம் கரையில் உள்ள சங்கடம் தீர்த்த விநாயகர் கோவில், குரவப்புலம் சித்தி அரசு விநாயகர் கோவில், நாட்டுமடம் மாரியம்மன் கோவிலில் அமைந்துள்ள விநாயகர், நாகை சாலை மருதமரத்து விநாயகர் கோவில், ஞான விநாயகர், தேத்தாகுடி தெற்கு மேலவெளி கற்பக விநாயகர் கோவில், புஷ்பவனம் புஷ்ப விநாயகர் கோவில், ஆறுக்காட்டுத்துறை விநாயகர் கோவில், வேதாரண்யம் வேதாரண்யேஸ்வரர் கோவிலில் உள்ள வீரகத்தி விநாயகர், நடுக்கம் தீர்த்த விநாயகர் கோவில் உள்ளிட்ட விநாயகர் கோவில்களில் சங்கடஹர சதுர்த்தியையொட்டி சிறப்பு வழிபாடு நடைபெற்றது.