கடமலைக்குண்டு அருகே கஞ்சா பதுக்கி வைத்திருந்தவர் கைது

கடமலைக்குண்டு

கடமலைக்குண்டு அருகே உள்ள கோம்பைத்தொழு கிராமத்தை சேர்ந்தவர் சொக்கர் (வயது 59). இவர் வீட்டில் கஞ்சா பதுக்கி வைத்திருப்பதாக மாவட்ட போலீஸ் சூப்பிரண்டு அலுவலக தனிப்பிரிவு போலீசாருக்கு தகவல் கிடைத்தது. அதனைத் தொடர்ந்து போலீசார் அங்கு விரைந்து சென்று சொக்கர் வீட்டில் அதிரடி சோதனை நடத்தினர். அப்போது விற்பனை செய்வதற்காக வீட்டில் பதுக்கி வைக்கப்பட்டிருந்த 300 கிராம் கஞ்சாவை பறிமுதல் செய்தனர்.

 இதுகுறித்து போலீசார் வழக்குப்பதிவு செய்து சொக்கரை கைது செய்தனர்.