காஞ்சீபுரத்தில் பிரபல ரவுடி கைது

காஞ்சீபுரம்,

காஞ்சீபுரம் பல்லவர்மேட்டைச் சேர்ந்தவர் ஆனந்தன் (வயது 28). இவர் மீது அடிதடி, கொலைமுயற்சி என பல வழக்குகள் உள்ளன. இதனால் பெரிய காஞ்சீபுரம் போலீஸ் இன்ஸ்பெக்டர் ஜெய்சங்கர் தலைமையில் போலீசார் ரவுடி ஆனந்தனை வலைவீசி தேடி வந்தனர். கடந்த 2 மாதங்களாக ஆனந்தன் தலைமறைவாகி விட்டார்.

இந்த நிலையில் ஆனந்தன் அவரது வீட்டில் இருப்பதாக ரகசிய தகவல் வந்தது. உடனே இன்ஸ்பெக்டர் ஜெய்சங்கர் மற்றும் போலீசார் விரைந்துசென்று ஆனந்தனை கைது செய்தனர். அவரிடம் இருந்து பெரிய கத்தி ஒன்று பறிமுதல் செய்யப்பட்டது. கைது செய்யப்பட்ட ஆனந்தனை போலீசார், காஞ்சீபுரம் குற்றவியல் கோர்ட்டில் ஆஜர்படுத்தி வேலூர் மத்திய சிறையில் அடைத்தனர்.