பேரம்பாக்கம் அருகே மரத்தில் இருந்து தவறி விழுந்த தொழிலாளி சாவு

திருவள்ளூர்,

திருவள்ளூர் மாவட்டம் பேரம்பாக்கம் அருகே உள்ள புதுப்பட்டு பெருமாள்கோவில் தெருவை சேர்ந்தவர் டில்லிபாபு (வயது 37). கூலித்தொழிலாளி. இவர் நேற்று முன்தினம்  அதே பகுதியில் உள்ள தனது மாமனார் வீட்டில் தென்னை மரத்தில் ஏறி இளநீர் பறிக்க முயன்றார். அப்போது அவர் மரத்தில் இருந்து தவறி கீழே விழுந்தார். மரத்தின் அருகில் இருந்த மதில் சுவரில் அவரது தலை மோதி படுகாயம் அடைந்தார். உயிருக்கு போராடிய அவரை அங்கிருந்தவர்கள் உடனடியாக மீட்டு சிகிச்சைக்காக திருவள்ளூர் அரசு ஆஸ்பத்திரிக்கு அனுப்பி வைத்தனர். பின்னர் அவர் மேல்சிகிச்சைக்காக சென்னை அரசு ஆஸ்பத்திரிக்கு அனுப்பி வைக்கப்பட்டார்.

அங்கு சிகிச்சை பலனில்லாமல் டில்லிபாபு பரிதாபமாக இறந்துபோனார். இதுகுறித்து மப்பேடு போலீசார் வழக்குப்பதிவு செய்து விசாரணை நடத்தி வருகின்றனர்.