வீட்டு முன்பு நிறுத்தி இருந்த ஜவுளி வியாபாரி கார் தீப்பிடித்து எரிந்தது

மதுரை,


மதுரை பீ.பி.சாவடி திருமலைப்பிள்ளை 5–வது தெருவை சேர்ந்தவர் முருகேசன்(வயது 52). பாரதீய ஜனதா கட்சியின் புறநகர் மாவட்ட பொருளாளரான இவர், ஜவுளி மொத்த வியாபாரம் செய்து வருகிறார். இவர் தனது வீட்டு முன்பு காரை நிறுத்துவது வழக்கம். வழக்கம்போல நேற்று முன்தினம் இரவு காரை வீட்டின் முன்பு நிறுத்தி வைத்திருந்தார்.

நள்ளிரவில் கார் திடீரென்று தீப்பிடித்து எரிந்தது. இதை கண்ட அக்கம்பக்கத்தினர் விரைந்து செயல்பட்டு தீயை அணைத்தனர். இதுகுறித்த புகாரின் பேரில் எஸ்.எஸ்.காலனி போலீசார் வழக்குப்பதிவு செய்து விசாரித்து வருகிறார்கள்.