இந்தியன் வங்கியில் வாடிக்கையாளர்கள் கூட்டம்

கண்ணமங்கலம்,

கண்ணமங்கலத்தில் உள்ள இந்தியன் வங்கியில் நேற்று மாலை வாடிக்கையாளர்கள் கூட்டம் நடந்தது. வங்கி மேலாளர் ரகுல்லா தலைமை தாங்கினார். போளூர் கிளை மேலாளர் கோவிந்தராஜ் முன்னிலை வகித்தார்.

கூட்டத்தில் ஓய்வு பெற்ற துணை கலெக்டர் மூர்த்தி, ஓய்வு பெற்ற ஆசிரியர் கார்த்திகேயன், அத்திமலைப்பட்டு அறிஞர் அண்ணா பட்டு கூட்டுறவு சங்க மேலாளர் கணேசன், கால்நடை ஆய்வாளர் வேலு மற்றும் வாடிக்கையாளர்கள் கலந்து கொண்டனர்.

இதில் புதிய கிளை மேலாளராக பொறுப்பேற்ற ரகுல்லா வாடிக்கையாளர்களுக்கு அறிமுகம் செய்து வைக்கப்பட்டார். இங்கிருந்து மாறுதலாகி சென்ற போளூர் கிளை மேலாளருக்கு நினைவு பரிசு வழங்கப்பட்டது.

கூட்டத்தில் வங்கி அலுவலர்கள் பலர் கலந்து கொண்டனர். முடிவில் உதவி மேலாளர் ராகுல் நன்றி கூறினார்.