திருச்செந்தூர் டாக்டர் சிவந்தி ஆதித்தனார் கல்வியியல் கல்லூரியில் பி.எட்., எம்.எட். மாணவர் சேர்க்கை

திருச்செந்தூர்,

திருச்செந்தூர் டாக்டர் சிவந்தி ஆதித்தனார் கல்வியியல் கல்லூரியில் பி.எட்., எம்.எட். மாணவர் சேர்க்கை நடந்து வருகிறது.

கல்வியியல் கல்லூரி

திருச்செந்தூரில் டாக்டர் சிவந்தி ஆதித்தனார் கல்வியியல் கல்லூரி 1995–ம் ஆண்டு முதல் இளங்கலை கல்வியியல் (பி.எட்.) படிப்புடன் இயங்கி வருகிறது. இருபாலரும் படிக்கும் இந்த கல்லூரி தேசிய தரமதிப்பீட்டு குழுவின் பி+ சான்று பெற்ற நிறுவனம் ஆகும். 2007–ம் ஆண்டு முதல் எம்.எட். வகுப்பு ஆரம்பிக்கப்பட்டது.

இளங்கலை கல்வியியலில் ஆங்கிலம், கணிதம், பொருளியல், உயிரறிவியல் (தாவிரவியல், விலங்கியல், நுண்ணுயிரியல், தாவர உயிரியல் மற்றும் உயிரி தொழில்நுட்பவியல்), வணிகவியல் பாடப்பிரிவுகளுக்கும், முதுநிலை கல்வியியலும் கற்றுக் தரப்படுகின்றன.

பி.எட். மற்றும் எம்.எட். வகுப்பில் அரசு நிர்ணயித்த கட்டணத்தில் மாணவர்கள் சேர்க்கப்படுகின்றனர். திறமை வாய்ந்த பேராசிரியர் குழு, இருபாலருக்கும் விடுதி வசதி, தரமிக்க நூலக வசதி, அறிவியல், உளவியல், கல்வி நுட்பவியல் மற்றும் கணினி ஆய்வகங்கள் மேலும் வீடியோ வசதியுடன் கூடிய நுண்ணியல் ஆசிரிய பயிற்சி வழங்கப்படுகிறது.

வங்கியில் கல்விக்கடன் வசதி, பல்கலைக்கழக தரவரிசை பட்டியலில் மாணவர்கள் இடம் பெற்றுள்ளனர். மற்றும் மாணவர்களுக்கு வளாக தேர்வு மூலம் ஆசிரியர் பணியிடங்கள் ஏற்படுத்தி கொடுக்கப்படும். மேலும் ஆசிரியர் தேர்வுக்கான பயிற்சியும், ஆராய்ச்சி கல்விக்கான தேர்வு பயிற்சியும் அளிக்கப்படுகிறது.

பி.எட். வகுப்பில் மேற்கண்ட படிப்புகளுக்கு குறைந்த இடங்களை உள்ளன. மேலும் எம்.எட். வகுப்பில் சேர விரும்பும் மாணவ–மாணவிகள் கல்லூரி முதல்வரை 04639–242181 என்ற தொலைபேசி எண்ணில் தொடர்பு கொள்ளலாம்.

இந்த தகவலை திருச்செந்தூர் டாக்டர் சிவந்தி ஆதித்தனார் கல்வியியல் கல்லூரி முதல்வர் தெரிவித்துள்ளார்.