படகு கவிழ்ந்து கடலில் மூழ்கிய 2 மீனவர்களை தேடும் பணி தீவிரம்

மும்பை,

மும்பை கிர்காவ் கடற்கரையில் இருந்து ஒரு கிலோ மீட்டர் தொலைவில் நேற்று கடலுக்குள் சிறிய மீன் பிடிக்கும் படகில் 2 மீனவர்கள் சென்றுக்கொண்டிருந்தனர். அப்போது திடீரென அந்த படகு கவிழ்ந்தது. இதில் படகில் இருந்த 2 பேரும் கடலுக்குள் விழுந்தனர்.

அவர்கள் தண்ணீரில் தத்தளித்து கொண்டிருந்த காட்சியை மலபார்ஹில் மலைப்பகுதியில் இருந்து ஒருவர் பார்த்து இருக்கிறார். உடனே அவர் இதுபற்றி மும்பை போலீஸ் கட்டுபாட்டு அறைக்கு தகவல் கொடுத்தார்.

தேடும் பணி

போலீசார் அங்கு விரைந்து சென்று கடற்கரையில் நின்றபடி பைனாகுலர் மூலம் பார்த்தனர்.

அப்போது கடலில் ஒரு படகு கவிழ்ந்த நிலையில் மிதந்து கொண்டிருந்தது. இதையடுத்து படகில் இரண்டு பேர் கடலுக்குள் மூழ்கியதை உறுதிப்படுத்தி கொண்ட போலீசார் கடற்படைக்கு தகவல் கொடுத்தனர்.

கடற்படையினர் ஹெலிகாப்டர் மூலம் கடலில் மூழ்கிய மீனவர்களை தேடும் பணியில் தீவிரமாக ஈடுபட்டுள்ளதாக ஆனந்த் பேடேகர் என்ற உயிர்காக்கும் வீரர் தெரிவித்தார்.