நாமக்கல்லில் தொழில்நெறி விழிப்புணர்வு ஊர்வலம்

நாமக்கல்,

நாமக்கல் மாவட்ட வேலைவாய்ப்பு துறையின் சார்பில் தொழில்நெறி விழிப்புணர்வு வாரவிழாவை முன்னிட்டு விழிப்புணர்வு ஊர்வலம் நடத்தப்பட்டது. இந்த ஊர்வலத்தை மாவட்ட கலெக்டர் ஆசியா மரியம் கொடி அசைத்து தொடங்கி வைத்தார். மாவட்ட வேலைவாய்ப்பு அலுவலகத்தில் இருந்து தொடங்கிய இந்த ஊர்வலம் அண்ணா சிலை, பரமத்தி சாலை, பூங்கா சாலை, மணிக்கூண்டு வழியாக மீண்டும் மாவட்ட வேலைவாய்ப்பு அலுவலகத்தை வந்தடைந்தது.

இளைஞர்கள் தங்கள் தொழில்திறனை வளர்த்து கொள்ளவும், வேலை வாய்ப்பை பெற்றிடவும், வேலைவாய்ப்பு துறையின் சேவைகளை பற்றி விளக்கிடவும் இந்த ஊர்வலம் நடத்தப்பட்டதாக மாவட்ட வேலைவாய்ப்பு அலுவலர் ரமேஷ்குமார் கூறினார். இதில் நாமக்கல் உதவி கலெக்டர் ராஜசேகரன் மற்றும் அரசுத்துறை அலுவலர்கள், மாணவ, மாணவிகள் கலந்து கொண்டனர்.