மணல் கடத்திய 6 மாட்டு வண்டிகள் பறிமுதல்

கண்ணமங்கலம்,

கண்ணமங்கலம் வருவாய் ஆய்வாளர் திருவேங்கிடம் மற்றும் வருவாய்த்துறையினர் நேற்று காலை காந்திநகர் பகுதியில் சோதனை நடத்தினர். அப்போது வெள்ளூர் கமண்டல நதியில் இருந்து அனுமதியின்றி மணல் கடத்தி வந்த 6 மாட்டு வண்டிகளை வருவாய்த்துறையினர் பறிமுதல் செய்து, கண்ணமங்கலம் போலீசில் ஒப்படைத்தனர்.

மாட்டு வண்டிகளின் உரிமையாளர்கள் சுப்பிரமணி, வெங்கடேசன், ராஜ்குமார், மேகநாதன், கிருஷ்ணன், தங்கராஜ் ஆகிய 6 பேர் மீதும் நடவடிக்கை எடுக்க செய்யாறு உதவி கலெக்டருக்கு பரிந்துரை செய்யப்பட்டது.