டாஸ்மாக் கடையை அகற்றக்கோரி ஒப்பாரி வைத்து பெண்கள் போராட்டம்

ஸ்ரீவில்லிபுத்தூர்,

விருதுநகர் மாவட்டம் ஸ்ரீவில்லிபுத்தூர் அருகே உள்ள வத்திராயிருப்பில் இருந்து கூமாபட்டிக்கு செல்லும் சாலையில் டாஸ்மாக் கடை உள்ளது. இந்த டாஸ்மாக் கடையால் அப்பகுதி மக்கள் அதிக அளவில் பாதிக்கபடுவதாகவும், எனவே கடையை அகற்ற வேண்டும் என அதிகாரிகளிடம் மனு அளிக்கப்பட்டது. ஆனால் எந்த நடவடிக்கையும் எடுக்கப்படவில்லை. இந்தநிலையில் நேற்று அந்த பகுதியை சேர்ந்த பெண்கள் வத்திராயிருப்பில் உள்ள வருவாய்துறை அலுவலகத்தை முற்றுகையிட்டனர்.

 பின்பு அலுவலகம் முன்பு அமர்ந்து பாடைகட்டியும், ஒப்பாரி வைத்தும் போராட்டத்தில் ஈடுபட்டனர். மேலும் இந்த டாஸ்மாக் கடையை அகற்றாவிட்டால் ரே‌ஷன் கார்டை ஒப்படைக்க போவதாகவும் அவர்கள் தெரிவித்தனர்.