அங்கன்வாடி பணியாளர்கள் ஆர்ப்பாட்டம்

தூத்துக்குடி

தூத்துக்குடி மாவட்ட அங்கன்வாடி ஊழியர் மற்றும் உதவியாளர்கள் சங்கம் சார்பில் நேற்று மாலை கலெக்டர் அலுவலகம் முன்பு ஆர்ப்பாட்டம் நடத்தினர். மாவட்ட செயலாளர் சந்திரா தலைமை தாங்கினார். துணை தலைவர் தனலட்சுமி முன்னிலை வகித்தார். சி.ஐ.டி.யு. மாவட்ட செயலாளர் பாலசுப்பிரமணியன் ஆர்ப்பாட்டத்தை தொடங்கி வைத்தார். அங்கன்வாடி ஊழியர்கள் கருப்பு பேட்ஜ் அணிந்து ஆர்ப்பாட்டத்தில் பங்கேற்றனர். அங்கன்வாடி ஊழியர் மற்றும் பணியாளர்களுக்கு காலமுறை ஊதியம் வழங்கவேண்டும். சட்ட பூர்வ ஓய்வூதியம் ரூ.3 ஆயிரத்து 500 வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்த ஆர்ப்பாட்டம் நடந்தது.

ஆர்ப்பாட்டத்தில் மாநில செயலாளர் அந்தோணியம்மாள், சி.ஐ.டி.யு மாவட்ட துணைத்தலைவர் ராமமூர்த்தி, செயலாளர் முருகன் உள்பட பலர் கலந்து கொண்டனர். முடிவில் மாவட்ட துணை தலைவர் அழகுக்கனி நன்றி கூறினார்.