ஊத்துக்கோட்டை அருகே தொழிலாளி மர்மச்சாவு மனைவியிடம் போலீசார் விசாரணை

ஊத்துக்கோட்டை,

ஊத்துக்கோட்டையை அடுத்த தொளவேடு கிராமத்தை சேர்ந்தவர் சங்கர் (வயது 30). தொழிலாளி. இவரது மனைவி இந்துமதி. இவர்களுக்கு ஒரு மகன் உள்ளார். இந்தநிலையில் நேற்று காலை சங்கர் வீட்டில் இறந்து கிடந்தார். அவரது வாயில் ரத்தம் வடிந்து இருந்தது. இது குறித்து அக்கம்பக்கத்தினர் ஊத்துக்கோட்டை போலீசுக்கு தகவல் தெரிவித்தனர். போலீசார் உடலை கைப்பற்றி விசாரணை நடத்தினர். சங்கர் எப்படி இறந்தார்? என்பது மர்மமாக உள்ளது. இது தொடர்பாக அவரது மனைவி இந்துமதியிடம் போலீசார் விசாரித்து வருகின்றனர்.

நேற்று முன்தினம் இரவு கணவன்- மனைவி இடையே தகராறு ஏற்பட்டுள்ளது. இந்த மோதலில் சங்கர் அடித்துக்கொலை செய்யப்பட்டாரா? என்ற கோணத்தில் போலீசார் விசாரித்து வருகின்றனர்.